လာမည့်(၃)နှစ်အတွင်းDoing Business၏ကမ္ဘာ့အဆင့်သတ်မှတ်ချက်(၁၀၀) အောက်ရောက်ရှိရန်ဆောင်ရွက်သွားမည်

နေပြည်တော် ဇန်နဝါရီ ၂၆

ကမ္ဘာ့နိုင်ငံအသီးသီး၏စီးပွားရေးလုပ်ကိုင်ရန်လွယ်ကူ ခြင်းရှိမရှိကိုစစ်တမ်းများကောက်ယူပြီးနှစ်စဉ်ထုတ်ပြန်လေ့ရှိသည့်Doing Business အစီရင်ခံစာတွင် လာမည့်သုံးနှစ်အတွင်းအဆင့်သတ်မှတ်ချက်(၁၀၀) အောက်ရောက်ရှိနိုင်စေရန်ပြုပြင်ပြောင်းလဲမှုများ ဆောင်ရွက်သွားမည်ဟုစီးပွားရေးနှင့်ကူးသန်းရောင်း ဝယ်ရေးဝန်ကြီးဌာနမှသိရသည်။

“နိုင်ငံခြားလုပ်ငန်းတွေအနေနဲ့က လွယ်ကူပြီးရိုးရှင်းတဲ့မူဘောင်တွေနဲ့လျှင်မြန်ခိုင်မာတဲ့ မူဝါဒသတ်မှတ်ချက်တွေရှိတဲ့နိုင်ငံတွေမှာဘဲစီးပွားရေးကိုလုပ်ကိုင်လိုပါတယ်။ဒါကြောင့်ဆရာတို့နိုင်ငံရဲ့ လုပ်ထုံးလုပ်နည်းတွေဥပဒေတွေကို လွယ်ကူလျှင်မြန်အောင် ပြင်ဆင်သွားမှာပါ။သုံးနှစ်အတွင်းမှာအဆင့်(၁၀၀)အောက်ရောက်အောင်ဆောင်ရွက်သွားပါမယ်”ဟု စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှလက်ထောက်အတွင်းဝန်ဦးခင်မောင်လွင်ကဆိုသည်။

ယခုနှစ်တွင် ကမ္ဘာ့ဘဏ်မှထုတ်ပြန်သည့် Doing Businessအစီရင်ခံစာအဆင့်သတ်မှတ်ချက်အရမြန် မာနိုင်ငံသည့်အဆင့်(၁၇၁)တွင်ရှိနေပြီးအာစီယံဒေသတွင်းနိုင်ငံများနှင့်နှိုင်းယှဉ်ပါကလည်းများစွာကွာခြားနေ ကြောင်းတွေ့ရသည်။

ထိုကြောင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအပါအဝင်ဆက်စပ်ဌာနများပူးပေါင်းပြီးလွယ်ကူစွာဖြင့်စီး ပွားရေးလုပ်ကိုင်နိုင်ရန်အတွက်လုပ်ထုံးလုပ်နည်းနှင့်မူဝါဒများကိုပြင်ဆင်ဖြေလျှော့သွားမည်ဖြစ်သည်။

“အဓိကအချက်နှစ်ခုရှိပါတယ်ဌာနတွေကချမှတ်ထားတဲ့မူတွေကျတော့ညှိနှိုင်းပြီးပြင်ဆင်ဖြေလျှော့သွားမှာပေါ့။တစ်ချို့ဥပဒေနဲ့ကန့်သတ်ထားတဲ့အခြေအနေတွေကျတော့ ဥပဒေပြင်ဆင်ရေးအတွက်ပါ လုပ်မှာပေါ့။ဒီလိုနဲ့ အမြန်ဆုံးဖြေလျှော့တာတွေလုပ်သွားဖို့ရှိနေပါတယ်”ဟု လက်ထောက်အတွင်းဝန်ဦးခင်မောင်လွင်ကဆိုသည်။

ကမ္ဘာ့ဘဏ်၏ Doing Business အစီရင်ခံစာသည်ကမ္ဘာ့နိုင်ငံပေါင်း(၁၉၀)ကျော်ကိုတစ်နှစ်ပတ်လုံးကဏ္ဍအလိုက်စစ်တမ်းကောက်ယူထားခြင်း ဖြစ်ပြီးအလွယ်ကူဆုံးအဆင့်သတ်မှတ်ချက်(၁)မှစတင်ကာအဆင့်အလိုက် နှစ်စဉ်ဖော်ပြနေခြင်းဖြစ်သည်။

အောင်ပြည့်စုံ