5:11 pm
(နေပြည်တော် ၊ ဇူလိုင် ၁၁)
မြန်မာနိုင်ငံက အမျိုးသမီး ၅၀ ရာခိုင်နှုန်းဟာ အိမ်ထောင်ရေးနဲ့ သားသမီးမွေးဖွားတဲ့ ဆီမှာသာ မိသားစုတာဝန် ထမ်းဆောင်တဲ့ အလုပ် လုပ်နေကြရတယ် လို့ အလုပ်သမား ၊ လူဝင်မှု ကြီးကြပ်ရေးနဲ့ ပြည်သူ့အင်အား ဝန်ကြီးဌာန ပြည်ထောင်စု ဝန်ကြီး ဦးသိန်းဆွေ က ပြောပါတယ်။
“လက်ရှိ အနေအထားအရ အမျိုးသမီး ၅၀ ရာခိုင်နှုန်းလောက်က ကလေးမွေးတဲ့ ကလေးထိန်းတဲ့ မိသားစု တာဝန်ပဲ လုပ်နေရတာ”လို့ သူကပြောပါတယ်။
ဇူလိုင်လ ၁၁ရက်နေ့က နေပြည်တော်ရှိ သင်္ဂဟဟိုတယ်တွင် ကျင်းပတဲ့ ကမ္ဘာ့လူဦးရေနေ့ အခမ်းအနားအပြီးမှာ ပြည်ထောင်စု ဝန်ကြီး ဦးသိန်းဆွေ က ပြောကြားခဲ့တာပါ။
အမျိုးသမီးတွေ အနေနဲ့ လုပ်သားကဏ္ဍမှာ ပိုမိုပါဝင်လာမယ် ဆိုရင် နိုင်ငံရဲ့ စီးပွားရေးမှာ အကျိုးသက်ရောက်မှုရှိစေမယ်လို့လည်း သူ ကပြောပါတယ်။
ဒါ့အပြင် ဝန်ကြီးဌာန အနေနဲ့ ကုလသမဂ္ဂ လူဦးရေ ရန်ပုံငွေအဖွဲ့ နဲ့ပူးပေါင်းပြီး အမျိုးသမီးတွေအနေနဲ့ မိမိဆန္ဒအလျောက် ကိုယ်ဝန်ဆောင်မွေးဖွားနိုင်ပြီး လူငယ်များ အလုပ်ကိုင် စွမ်းရည်ကိုဖော်ထုတ်နိုင်မဲ့ မိသားစုစီမံကိန်း ၂၀၂၀ ကိုလုပ်ဆောင်နေတယ်လို့ သိရပါတယ်။
စိုင်းလမင်း