8:55 am
အိမ်တွင်း အကြမ်းဖက်ခံရသည့် ကလေးများနှင့် အမျိုးသမီးများ စိတ်ရောဂါ ပိုမို ခံစားရ
ဧကရီကျော်
ရန်ကုန်၊ အောက်တိုဘာ ၂၁
အိမ်တွင်း အကြမ်းဖက်ခံရသည့် ကလေးငယ်များနှင့် အမျိုးသမီးများသည် စိတ်ရောဂါနှင့်စိတ်ကျရောဂါများ ပိုမိုခံစားနေရကြောင်း အခရာအမျိုးသမီး အခွင့်အရေး၊ အိမ်တွင်းအကြမ်းဖက်မှု ပပျောက် ရေးနှင့် ကလေးသူငယ် ကာကွယ် စောင့်ရှောက်ရေးလူမှုအဖွဲ့အစည်း ဥက္ကဋ္ဌဒေါ်ထားထားက ပြောသည်။
အကြမ်းဖက်မှု တစ်စုံတရာခံရသည့် လူတစ်ယောက်သည် စိတ် ပိုင်းဆိုင်ရာအရ များစွာထိခိုက်နစ် နာသည့်အပြင် ပတ်ဝန်းကျင်နှင့် အဆက်အသွယ်ဖြတ်တောက်၍ နေထိုင်ခြင်း၊ စိတ်ကစဥ့်ကလျား ဖြစ်ခြင်း၊ ဆုံးဖြတ်ချက်များကို မှားယွင်းစွာချမှတ်ခြင်းနှင့် စိတ်ကျရောဂါများဖြစ်ပွားကာ နောက်ဆုံးတွင် မိမိကိုယ်ကိုယ် အဆုံးစီရင်မှုများအထိပါပြုလုပ်နိုင်ကြောင်း သိရသည်။
”အကြမ်းဖက်ပြီဆိုကတည်းက စိတ်ကိုအရင်အကြမ်းဖက်မယ်ပြီးမှ ကိုယ်ခန္ဓာကိုအကြမ်းဖက်မယ်။ အဲဒီမှာ အကြမ်းဖက်ခံရတဲ့ကလေး သူငယ်သော်လည်းကောင်း၊ အမျိုး သမီးသော်လည်းကောင်း သူတို့ရဲ့စိတ်မှာ စိတ်ဒဏ်ရာက ကြီးစိုးသွားပြီ။ အဲဒါတွေ မဖြစ်ပွားအောင်လို့ ကျွန်မတို့က ကြိုတင်အသိပညာ တွေပေးရမယ်။ ဖြစ်ပြီးသွားရင် လည်း ဘယ်လို ကာကွယ်စောင့် ရှောက်ပေးရမယ်ဆိုတာကို လုပ်ရမယ်” ဟု ၎င်းက ပြောသည်။ ထို့ပြင် အကြမ်းဖက်မှုခံရသည့် ကလေးသူငယ်များနှင့် ပတ်သက်ပြီး မြန်မာနိုင်ငံတွင် ကလေးသူငယ် စိတ်ကျန်းမာရေးစောင့်ရှောက်မှုများ မရှိသည့်အတွက် ကလေးငယ် များ စိတ်ရောဂါများဖြစ်ပွားလာ ပါက တိုင်းပြည်အတွက်များစွာထိ ခိုက်နိုင်ကြောင်းလည်း စိတ်ကျန်းမာရေးဆိုင်ရာဆွေးနွေးပွဲမှ သိရသည်။ ရွာသာကြီး စိတ်ကျန်းမာရေး ဆေးရုံအုပ် ဒေါက်တာဒေါ်သင်းသင်းအေးကလည်း ”အိမ်တွင်း အကြမ်းဖက်ခံရသည်ဖြစ်စေ၊ ညှဉ်းပန်းနှိပ်စက်ခံရရင်ဖြစ်စေ အဲ့ဒီ လူမှာ စိတ်ဒဏ်ရာ အနာတရ ဖြစ် သွားပြီ။ ပြီးရင်သူဟာ လူတွေနဲ့ သိပ်မထိတွေ့လိုတော့ဘူး။ အဲ့ဒီမှာ စိတ်အားငယ်မှုတွေ၊ စိတ်ရောဂါတွေကိုပါ ခံစားလာနိုင်တယ်။ စိတ် ပေါ်မှာ မူတည်တာပေါ့၊ တချို့က စိတ်ဓာတ်မာတယ်၊ တချို့ကစိတ်ပျော့တယ်။ အဲဒီမှာ စိတ်ပျော့တဲ့ လူတွေကသိပ်မခံစားနိုင်ဘူး။ အဲ ဒါကြောင့် အကြမ်းဖက်မှုတွေနဲ့ စိတ်ရောဂါတွေဟာလည်း ဆက်စပ်မှု ရှိပါတယ်” ဟု ပြောသည်။ အကြမ်းဖက်မှုများတွင် သက်ငယ်မုဒိမ်းမှုများလည်း ပါဝင်ပြီး အခရာအဖွဲ့ထံသို့လာရောက် ဆက်သွယ်အကူအညီတောင်းခံရာတွင်လည်း သက်ငယ်မုဒိမ်းမှု အများဆုံးဖြစ်ကြောင်း သိရသည်။