ငါးပိ၊ အာဆင်းနစ်၊ ယူရီးယားနဲ့ ကျန်းမာရေးအန္တရာယ်

ငါးပိ၊ အာဆင်းနစ်၊ ယူရီးယားနဲ့ ကျန်းမာရေးအန္တရာယ်
November 3, 2016 Asian Fame

10:57 am
ငါးပိ၊ အာဆင်းနစ်၊ ယူရီးယားနဲ့ ကျန်းမာရေးအန္တရာယ်
In Articles

ငါးပိ၊ အာဆင်းနစ်၊ ယူရီးယားနဲ့ ကျန်းမာရေးအန္တရာယ်

hh

မကြာသေးခင်က ရန်ကုန်မြို့ရဲ့ ဈေးတစ်ခုအတွင်း သားငါးရောင်းတဲ့နေရာကို ရောက်သွားချိန်မှာ အံ့သြစရာ အခြေအနေတစ်ခုကို တွေ့ခဲ့ရပါတယ်။ ဟင်းသီးဟင်းရွက်တန်းမှာတော့ ယင်ကောင်တွေ တဝီဝီပျံသန်းနေပေမယ့် ငါးပိဆိုင်တွေမှာတော့ ယင်ကောင်တစ်ကောင်မှမရှိသလို၊ ငါးပိပုံထဲမှာလည်း လောက်ကောင် လေးတွေကို မတွေ့ရပါဘူး။ ငါးပိနဲ့လောက် ရွှေနဲ့ကျောက်လို့ ဆိုကြပေမယ့် ငါးပိဆိုင်တွေရဲ့အနေအထားက အဲဒီဆိုရိုးစကားနဲ့ ဆန့်ကျင်ဘက်ဖြစ်နေပါတယ်။ မြန်မာတွေရဲ့ ရိုးရာအစားအစာ ငါးပိမှာ ဆိုးဆေး၊ ယင်မနားဆေး၊ လောက်သေ ဆေး၊ ပိုးသတ်ဆေးတွေပါဝင်နေတယ်ဆိုတဲ့ သတင်းတွေ ထွက်နေတာ နှစ်နဲ့ချီ ရှိခဲ့ပေ မယ့်လည်း ငါးပိနဲ့ပတ်သက်တဲ့ သုတေသန တွေ ထွက်ပေါ်လာခြင်းမရှိသေးသလို စား သုံးသူဘေးအန္တရာယ်ကင်းရှင်းရေးဆိုတာ လေထဲ တိုက်အိမ်ဆောက်သလို မှုန်ဝါးဝါး ဖြစ်နေဆဲပါ။

ကင်ဆာနဲ့ရောဂါစုံ ဖြစ်ပွားနေခြင်း ဟာ လူသုံးများတဲ့ငါးပိထဲ ပိုးသတ်ဆေး၊ ဓာတုဆေးပါဝင်မှုနဲ့ ဆက်စပ်နေပြီး ဒီပြဿနာကို ပူးပေါင်းဖြေရှင်းဖို့ လိုအပ်နေ ချိန် မှာ အစားအစာတွေ ဘေးကင်းလုံခြုံ အောင် အစိုးရက ယခုထက်ပိုပြီး ထိထိ ရောက်ရောက်မလုပ်ဘူးလားလို့ မေးခွန်းထုတ်စရာ ဖြစ်နေပါတယ်။

ငါးပိထဲက အာဆင်းနစ်

ရန်ကုန်မှာ အစားအစာ သုတေသီတချို့ရဲ့အကူအညီနဲ့ ဈေးကွက်ထဲက ငါးပိနမူနာတချို့ယူပြီး အစိုးရအသိအမှတ်ပြုဓာတ်ခွဲခန်း ၁ဝ ခုလောက်ကို မကြာသေးခင် က သွားရောက်ဆက်သွယ်ရာမှာ ဓာတ်ခွဲ ခန်း ၄ ခုကသာ ငါးပိကို လက်ခံစစ်ဆေးနိုင်တာ တွေ့ရပါတယ်။ အဲဒီထဲမှာပဲ ဓာတ် ခွဲခန်း ၂ ခုက အာဟာရတန်ဖိုးတွေကိုသာ စစ်ဆေးပေးနိုင်တာပါ။ ဓာတ်ခွဲခန်းတစ်ခုရဲ့အဖြေကတော့ မျှင်ငါးပိနမူနာမှာ အာဆင်းနစ်ပါဝင်မှု မရှိပါဘူး။ တခြားဓာတ်ခွဲခန်းတစ်ခုရဲ့ တွေ့ ရှိချက်ကတော့ အာဆင်းနစ်ဓာတ်ပါဝင်မှုက ကမ္ဘာ့ကျန်းမာရေးအဖွဲ့သတ်မှတ်ချက်ထက် ၅ ဆနီးပါး ပိုနေပါတယ်။ ဓာတ်ခွဲခန်းမှူး ကတော့ အာဆင်းနစ်ဓာတ်ပါဝင်မှုဟာ ဓာတုဆိုးဆေးကြောင့်လို့ ပုံသေပြောလို့မရဘူး၊ ဧရာဝတီတိုင်းဒေသကြီးက ထွက်တဲ့ ငါးပိ တွေမှာဆို ရေကတစ်ဆင့် ပါဝင်နိုင်တယ်လို့ သုံးသပ်ပါတယ်။

အစားအသောက်ဆိုင်ရာ ပညာရှင် ဒေါက်တာစိုးခိုင်ကလည်းဒေသတချို့ရဲ့ မြစ်ချောင်း၊ အင်းအိုင်များကရရှိတဲ့ ငါးပုစွန် တွေမှာ အာဆင်းနစ်က သဘာဝအလျောက် ပါဝင်နိုင်သလို၊ ငါးပိထုတ်လုပ်ပုံ အဆင့်ဆင့်မှာလည်း ပါဝင်လာနိုင်ခြေ ရှိတယ်လို့ ရှင်းပြပါတယ်။ အာဆင်းနစ်အဆိပ်သင့် ရောဂါလက္ခ ဏာတွေထဲ ခေါင်းကိုက်ခြင်း၊ ဝမ်းပျက်ဝမ်း လျှောခြင်းတို့ ပါဝင်ကြောင်း သိရပါတယ်။ မြန်မာနိုင်ငံမှာ အသည်းကင်ဆာက ကင်ဆာရောဂါအားလုံးရဲ့ တတိယအဖြစ် အများဆုံးအဆင့်မှာရှိနေကြောင်း ရန်ကုန်၊ လမ်းမတော်မြို့နယ် ခုတင် ၅ဝဝဆံ့ ဆေးရုံ ကြီးရဲ့ မှတ်တမ်းများအရ သိရပါတယ်။ အဲဒီ ဆေးရုံမှာ အသည်းနဲ့ ပတ်သက်ပြီး ကုသမှုခံယူနေတဲ့ လူနာများစွာထဲမှာတစ်ဦးက ၅၆ နှစ်အရွယ် ဒေါ်ခင်ခင်စော ဖြစ်ပါတယ်။

”ရုတ်တရက် ခေါင်းမူးပြီး ကြွက်တက် လို့ ရန်ကုန်ဆေးရုံကြီး အရေးပေါ်ကိုရောက် မှပဲ ကျွန်မမှာ ဆီးချို၊ သွေးတိုးသာမကဘဲ အသည်းကိုပါ ထိနေတယ်ဆိုတာသိရတယ်” လို့ ဒေါ်ခင်စောက ဆိုပါတယ်။ ”နေ့တိုင်းစားနေတဲ့ ငါးပိမှာ ဆိုးဆေး တွေ၊ ယူရီးယားတွေ ထည့်တယ်လို့ အပြင် မှာပြောကြတာပဲ။ ငါးပိရည်မပါရင် ထမင်း စားမမြိန်လို့စားနေတာပဲ။ အခုတောင် သွေးတိုးရောဂါရှိတယ်လို့ ဆရာဝန်ပြောလို့ လျှော့စားနေရတယ်”
သွေးတိုး၊ နှလုံးသွေးကြောကျဉ်း၊ ကင်ဆာအပါအဝင် မကူးစက်နိုင်တဲ့ရောဂါတွေ ကြောင့် သေဆုံးမှုနှုန်းက မြင့်မားလာတယ် လို့ ပြည်သူ့ကျန်းမာရေးဦးစီးဌာန၊ မကူးစက် နိုင်သည့်ရောဂါများ ကာကွယ်နှိမ်နင်းရေး ဌာနခွဲညွှန်ကြားရေးမှူး ဒေါက်တာမြင့်ရွှေက ပြောပါတယ်။ တခြားရောဂါတွေကြောင့် သေဆုံးသူ ရာခိုင်နှုန်းထက် ထက်ဝက်ကျော် ရှိနေတယ်လို့သူက ဆိုပါတယ်။ အာဆင်းနစ်အဆိပ်သင့် အစားအစာ တွေကြောင့် အသည်း၊ ကျောက်ကပ်ပျက်စီး စေတယ်၊ ရောဂါလက္ခဏာ ပေါ်လာဖို့လည်း ၅ နှစ်မှ ၁၅ နှစ်အတွင်း ကြာတတ်တယ်လို့ ဆေးပညာရှင်တွေက ဆိုပါတယ်။အာဆင်းနစ် ပါဝင်တဲ့ရေကို သောက်သုံးရတဲ့ဒေသက ဒေသခံတွေအနေနဲ့ ဆီးအိမ်၊ အဆုတ်၊ အရေပြားကင်ဆာတို့ဖြစ်စေ နိုင်ပြီး အရေပြားပြဿနာများ၊ သွေးလည် ပတ်မှုစနစ်၊ ပင်ကိုခုခံအားစနစ်နဲ့ အာရုံ ကြောစနစ်တွေကို ပျက်စီးထိခိုက်စေနိုင်တယ်လို့ ကမ္ဘာ့ကျန်းမာရေးအဖွဲ့ စစ်တမ်းက ဖော်ပြထားပါတယ်။

ငါးပိ ဈေးကွက်

မြန်မာပြည်သား အများအပြား နှစ်သက်ကြတဲ့ ငါးပိကို ဧရာဝတီတိုင်းဒေသကြီးမှာ စီးပွားဖြစ်ထုတ်လုပ်လျက်ရှိပြီး နိုင်ငံအ နှံ့ ဖြန့်ချိနေပါတယ်။ဈေးနှုန်း အနည်းငယ်မြင့်မားတဲ့ မြိတ်၊ ထားဝယ်ဒေသနဲ့ ရခိုင်ပြည်နယ်ထွက် ငါးပိတွေက ဒေသတွင်းစားသုံးမှုများပြီး တခြား ဒေသကိုတင်ပို့မှု နည်းပါတယ်။ နှစ်စဉ် ငါးပိနဲ့ငံပြာရည်တန်ချိန် ၃၁ဝဝ၊ ငါးခြောက်တန်ချိန် ၅၃,ဝဝဝ လောက်ကို အလုပ်သမားအင်အား ၆ဝဝဝ ဝန်းကျင်နဲ့ ထုတ်လုပ်နေကြောင်း ငါးလုပ်ငန်းဦးစီးဌာန ရဲ့ ခန့်မှန်းစာရင်းတွေမှာ တွေ့ရပါတယ်။ ရန်ကုန်၊ ဒဂုံဆိပ်ကမ်းမြို့နယ် ငါးပိ၊ ငါးခြောက်ဇုန်မှာအလုပ်ရုံ ၄ဝဝ ဝန်းကျင် ဟာ မြေအောက်ရေကိုသာသုံးစွဲကြပြီး ရေသန့်စက်တွေတပ်ဆင်သုံးစွဲဖို့ တွက်ခြေ မကိုက်နိုင်ဘူးလုိ့ လုပ်ငန်းရှင်တွေဆီကသိရ ပါတယ်။ ငါးပိလုပ်ငန်းလုပ်ကိုင်သူတွေက စည်ပင်သာယာရေးကော်မတီ၊ ငါးလုပ်ငန်း ဦးစီးဌာနတို့မှာ လုပ်ငန်းလိုင်စင်လျှောက်ဖို့ လိုအပ်ပါတယ်။ ငါးပိလုပ်ငန်းရှင်၂ဝဝ ကျော် က ငါးလုပ်ငန်းဦးစီးဌာနမှာ လိုင်စင်တင်ထားတယ်၊ ဒါဟာ နိုင်ငံတစ်ဝန်း လုပ်ငန်း ရှင်အရေအတွက်ရဲ့ ၁ဝ ရာခိုင်နှုန်းကိုသာ ကိုယ်စားပြုတယ်လို့ မြန်မာနိုင်ငံ ငါးပိ၊ ငါး ခြောက်၊ ငံပြာရည် ထုတ်လုပ်ရောင်းဝယ်သူများအသင်း အတွင်းရေးမှူး ဦးထွန်းစိန်က ပြောပါတယ်။

မျှင်ငါးပိနဲ့ ဆိုးဆေး

ငါးပိဆိုတာ မိသားစုအများစုရဲ့ မီးဖို ခန်းထဲမှာ သိမ်းဆည်းသိုလှောင်ထားတဲ့ အစားအစာ ဖြစ်ပါတယ်။ နိုင်ငံရပ်ခြားကို ရောက်နေတဲ့မြန်မာတွေ အမြဲတောင့်တမိတဲ့ အစားအစာစာရင်းမှာလည်း ငါးပိရည်၊ ငါးပိထောင်းက ထိပ်တန်းမှာ နေရာယူထားပါတယ်။ ရန်ကုန်၊ လမ်းမတော်မြို့နယ်နေ ဒေါ်ခင် မေမြင့်က ”ဇာတိမြေဖြစ်တဲ့ သံတွဲကပဲ မျှင် ငါးပိကို မှာပြီးတော့ သုံးတာ၊၊ လတ်ဆတ်တဲ့ မျှင်ကောင်တွေကို ထောင်းထားတဲ့အတွက် အနံ့ပိုကောင်းတယ်။ အိမ်က ဟင်းချက်တဲ့ အခါ မပါမဖြစ်ဆိုတော့ ၁ နှစ်စာလောက်ကို ဝယ်လှောင်ထားရတယ်”လို့ ပြောပြပါတယ်။ ငါးပိမှာ အာဟာရဓာတ်တွေ၊ ဗီတာမင် တွေအများကြီး ပါဝင်တဲ့အတွက် အရိုးအ ဆစ်သန်မာစေရုံမက ကျန်းမာရေးအတွက်လည်း များစွာအကျိုးပြုတယ်လို့ ပညာရှင်တွေဆီက သိရပါတယ်။ ကမ်းရိုးတန်းဒေသမှာ ငါးခြောက်လုပ်ဖို့ စံမမီတဲ့ငါးတွေကို ကြိတ်ပြီး ဆားလူးလိုက်ပါတယ်။ အဲဒီနောက် ပုစွန်ဖွဲခွံ ရောထည့်ပြီး ကြိတ်ရပါတယ်။ လုပ်ငန်းရှင်တချို့ကတော့ မကြိတ်ခင်မှာ ဆိုးဆေးကို ရေဖျော်ပြီး ဖြန်း တယ်၊ သုံးခေါက်လောက် ကြိတ်လိုက်ရင် အရောင်ညီညာတဲ့ မျှင်ငါးပိကို ရနိုင်တယ် လို့ ပြောပါတယ်။ မျှင်ငါးပိ ရောင်းပန်းလှဖို့ ဓာတုဆေးအသုံးပြုလာတာဟာ နှစ်ပေါင်း ၄ဝ ဝန်းကျင်ကြာခဲ့ပြီလို့ သိရပါတယ်။

အစားအသောက်နဲ့ ဆေးဝါးကွပ်ကဲ ရေးဦးစီးဌာန (FDA) က စစ်ဆေးပြီးတားမြစ်တာတွေရှိပေမယ့် ငါးပိထုတ်လုပ်သူ တချို့က တားမြစ်ဆိုးဆေးတွေရဲ့ အန္တရာယ်ကို သိပုံမရကြပါဘူး။ စားသုံးသူတချို့ကလည်း မျှင်ငါးပိဆိုတာ အနီရောင်လို့ ထင်မှတ်နေတာတွေလည်း ရှိပါတယ်။ မျှင်ငါးပိ အရောင်နီနေတိုင်းလည်း အရောင်ပါတယ်လို့ ပြောလို့မရပါဘူး။ ပင်လယ်လေတိုက်တာတွေ ပြောင်းလဲတဲ့အခါ သဘာဝအရောင်ပါတဲ့ မျှင်ငါးပိကို
ရရှိနိုင်ပါသေးတယ်။ အရောင်ထည့်ရခြင်းရဲ့ အားသာချက်ထဲမှာ အရသာ ခါးသက်မသွားခြင်း၊ တာရှည်အထားခံခြင်းတို့ ပါဝင်ကြောင်း ငါးပိ လုပ်ငန်းရှင်တစ်ဦးက ပြောပြပါတယ်။ ရန်ကုန်မြို့က ငါးပိလုပ်ငန်းရှင်တစ်ဦး ဖြစ်တဲ့ ဦးရွှေမန်းက ”လုပ်ငန်းရှင်တွေအနေ နဲ့ အမြဲတမ်း ဓာတ်ခွဲခန်းကိုသွားပြီး စမ်း သပ်နေဖို့ မဖြစ်နိုင်ပါဘူး၊ ငါးပိထွက်တဲ့ အချိန်ကျရင် တစ်ရက်ကို ငါးပိကုန်သည် အယောက် ၆ဝ ကနေ ၈ဝ အထိ ဘုရင့်နောင် ပွဲရုံကို တင်ပို့နေတာတွေ ရှိပါတယ်” လို့ ပြောပါတယ်။

တားမြစ်ဆိုးဆေးနဲ့ကင်ဆာ

စားသောက်ကုန်တွေ အရောင်အဆင်း လှ၊ အရသာကောင်း၊ တာရှည်ခံဖို့အတွက် ဓာတုဆေးသုံးစွဲတာ ပိုမိုများပြားလာကြောင်း ဈေးကွက်ထဲ စုံစမ်းမှုအရ သိရပါတယ်။ အစားအစာထဲ အများဆုံးတွေ့ရှိရတဲ့ ဓာတုဆိုးဆေးမှာ အထည်ချုပ်လုပ်ငန်းသုံး Rhodamine ဖြစ်ကြောင်း၊ အစာအိမ်အူ လမ်းကြောင်း ရောင်ရမ်းခြင်း၊ ပျို့အန်ခြင်း၊ ဦးနှောက်အာရုံကြော ထိုင်းမှိုင်းခြင်းတို့ လတ်တလော ဖြစ်ပေါ်စေကြောင်း သိရပါ တယ်။ ရေရှည်မှာတော့ ခန္ဓာကိုယ်ကြီးထွားမှု ထိခိုက်စေခြင်း၊ အသည်း၊ ကျောက်ကပ်တို့ ပျက်စီးခြင်းနဲ့ ကင်ဆာရောဂါတွေ ဖြစ်ပေါ် စေနိုင်ကြောင်း FDA က ထုတ်ပြန်ထားပါတယ်။ စက်တင်ဘာလ ကျန်းမာရေးဝန်ကြီး ဌာနရဲ့ထုတ်ပြန်ချက်တစ်ခုမှာ ဒီဆိုးဆေးအပါအဝင် Auramine O, Sudan Dyes, Orange II တို့ဟာ မြန်မာပြည် အစားအသောက်လုပ်ငန်းအတွင်း အများဆုံးသုံးနေကြတဲ့အန္တရာယ်ရှိ တားမြစ်ဆိုးဆေးများဖြစ်ကြောင်း ဖော်ပြထားပါတယ်။

ဓာတ်ခွဲခန်းမှူး တစ်ဦးကတော့ သူတို့ဆီမှာ Rhodamine B မှတစ်ပါး တခြားတား မြစ်ဆိုးဆေးတွေကို ရှာဖွေစမ်းသပ်နိုင်တဲ့ နည်းပညာတွေ မရှိသေးဘူးလို့ ပြောပြပါ တယ်။ မြန်မာနိုင်ငံမှာဖြစ်ပွားနေတဲ့ ကင် ဆာရောဂါတွေရဲ့ ၉ဝ ရာခိုင်နှုန်းဟာ အစားအသောက်ကမြစ်ဖျားခံတယ်လို့ မီဒီယာ တချို့မှာ ဖော်ပြနေကြတာ ကြာပါပြီ။ ၂ဝဝ၈ ခုနှစ်က ကျန်းမာရေးဝန်ကြီးဌာနက ဈေးကွက်အတွင်း မျှင်ငါးပိမှာ တားမြစ်ဆိုးဆေးပါရင် သိမ်းယူပြီး ဖျက်ဆီးခဲ့ပါတယ်။ အစားအသောက်မှာတားမြစ် ဓာတု ဆေးလုံးဝအသုံးမပြုဖို့လုပ်ငန်းရှင်တွေကို သတိပေးထားပြီး လိုက်နာမှုမရှိပါက အမျိုးသား အစားအသောက်ဥပဒေအရ အရေးယူမယ်လို့လည်း သက်ဆိုင်ရာက ထုတ်ပြန်ထားပါတယ်။ ၂ဝ၁၄ ခုနှစ်က ဧရာဝတီတိုင်းဒေသကြီးမှာ FDA ရုံးခွဲတစ်ခုကို တိုးချဲ့ခဲ့ပြီး ဈေးကွက်ထဲ စစ်ဆေးရာမှာ မျှင်ငါးပိ ၇ဝ ရာခိုင်နှုန်းလောက်မှာ တားမြစ်ဆိုးဆေးပါဝင်တာ တွေ့ရှိခဲ့ရတယ်လို့ တိုင်းဒေသကြီး အစားအသောက်နှင့် ဆေးဝါးကွပ်ကဲရေး ဦးစီးဌာန ဒုညွှန်ကြားရေးမှူး ဒေါက်တာ ပြည့်ဖြိုးက ပြောပါတယ်။

ဧပြီလကနေ စက်တင်ဘာလအတွင်း ဧရာဝတီတိုင်းဒေသကြီး ကျေးရွာမြို့နယ်တွေကရရှိတဲ့ မျှင်ငါးပိနမူနာတွေကို ဓာတ် ခွဲခန်းပို့စစ်ဆေးထားတယ်။ တားမြစ်ဆိုး ဆေးတွေ့ရှိရင် မူလထုတ်လုပ်တဲ့နေရာအထိ ရှာဖွေအရေးယူသွားမယ်လို့လည်း သူက ဆက်ပြောပါတယ်။”ငါးပိထုတ်လုပ်တဲ့ နေရာတွေမှာ ဆိုးဆေးအသုံးပြုထားတဲ့ လက်ရာတွေ ရှိနေတုန်းပါပဲ။ သူ တို့ ပြောတာကအရင်တုန်းက လက်ကျန်တွေပါလို့တော့ ပြောတယ်”လို့ ဒေါက်တာပြည့်ဖြိုးက ဆိုပါတယ်။ ဇူလိုင်လကလည်း မန္တလေးတိုင်းဒေသ ကြီးအတွင်းဈေး ၁၃ ခုက ရရှိတဲ့ ငါးပိနမူနာ တွေရဲ့ ၁၉ ရာခိုင်နှုန်းမှာ တားမြစ်ဆိုးဆေး တွေ့ရှိရကြောင်း FDA က ထုတ်ပြန်ခဲ့ပါသေးတယ်။ သဘာဝဆိုးဆေးတွေ ရှိပေမယ့် ကုန်ကျစရိတ်ကြီးမားခြင်း၊ တာရှည်မခံခြင်း၊ ရောင်းပန်းမလှခြင်း၊ ဝယ်ယူရရှိဖို့ ခက်ခဲခြင်းတို့ ကြောင့် လုပ်ငန်းရှင်တွေက အသုံးပြုမှု နည်းပါးတယ်လို့ ဆိုပါတယ်။

ယင်မနားဆေးနဲ့ ပိုးသတ်ဆေး

ငါးပိရောင်းတဲ့ဈေးတွေမှာ ရောင်းချသူ တွေဟာ မိရိုးဖလာ နည်းတွေအရဆိုလို့ရှိရင် တစ်နေ့စာကိုပဲ ပုံပြီးရောင်းတာပါ။ လုပ် ငန်းရှင် ဦးရွှေမန်းက ”ဆားကို အသုံးပြုပြီး ထိန်းရင်လည်းရပါတယ်။ နည်းပညာကို တော့ လုပ်သက်ရင့်တဲ့ လူတွေဆီကသင်ယူရ တာတွေလည်း ရှိပါတယ်”လို့ ဆိုပါတယ်။ငါးပိ ငါးခြောက်တွေမှာ ယင်မနားဆေးအသုံးပြုနေကြတာလည်း ကာလအတော်ကြာနေပြီဖြစ် ကြောင်း၊ လောလောဆယ်မှာ ထိန်းချုပ်လို့ရတဲ့အနေအထားကို တော့ရောက်နေပြီဖြစ်ကြောင်း လက်တွေ့ကွင်းဆင်းပြီး တွေ့ရတဲ့အခြေအနေကို ဒေါက်တာပြည့်ဖြိုးက ပြောပြပါတယ်။

ယင်မနားဆေး ထည့်သွင်းထားခြင်း ရှိ မရှိကို ငါးလုပ်ငန်း ဦးစီးဌာနနဲ့ စိုက်ပျိုးရေးဦးစီးဌာနမှာရှိတဲ့ ဓာတ်ခွဲခန်းတွေမှာသာ စစ်ဆေးနိုင်တာပါ။ ”ဓာတုဗေဒ ဆိုးဆေး၊ ယင် မနားဆေး၊ တာရှည်ခံဆေး မသုံးစွဲဖို့ကျွန်တော်တို့ အသင်းအဖွဲ့က အသိပညာပေး ဆွေးနွေးပါတယ်၊ ဒါပေမယ့် လိုက်နာမှုအားနည်းနေ တာတွေ့ရပါတယ်၊ ကျွန်တော်တို့ အဖွဲ့က အာဏာပိုင်အဖွဲ့အစည်း လည်း မဟုတ်တော့ တင်းကျပ်စွာ လုပ်ဆောင်လို့မရပါဘူး” လို့ ငါးပိ၊ ငါးခြောက်၊ ငံပြာရည်ထုတ်လုပ် ရောင်းဝယ်သူများအသင်းအတွင်း ရေးမှူးဦးထွန်းစိန်ကပြောပါတယ်။ ရန်ကုန်ဈေးကွက်အတွင်း လေ့လာတဲ့အခါ Tricholorofon (ထရိုင်ကလိုရိုဖောင်း) လို့ခေါ်တဲ့ ပိုးသတ်ဆေးတစ်မျိုးကို ငါးပိထုတ်လုပ်သူတွေ ဝယ်ယူမှုရှိနေတယ် လို့ သိရပါတယ်။အဲဒီ စိုက်ပျိုးရေးလုပ်ငန်းသုံး ဓာတုဆေးဝါးကို အစားအစာ တွေမှာ ထည့်သွင်းအသုံးပြုရင် ငွေဒဏ်ကနေ ထောင် ၅ နှစ်အထိ ချမှတ်နိုင်တဲ့ ပိုးသတ်ဆေး ဥပဒေ ပုဒ်မ (၃၃) အရ အရေးယူခံရနိုင်တယ်လို့ ဧရာဝတီတိုင်းဒေသကြီး စိုက်ပျိုးရေးဦးစီးဌာန တိုင်းသီးနှံကာကွယ်ရေး တာဝန်ခံဦးဝင်းစိုး က ပြောပါတယ်။

”ပိုးသတ်ဆေး ရောင်းမယ်ဆိုလို့ရှိရင် သုံးစွဲပုံသင်တန်း တက်ရပါတယ်။ သင်တန်းလက်မှတ်ရ ပြီးမှပဲ ပိုးသတ်ဆေးရောင်းချခွင့် လိုင်စင်လျှောက်ရတာပါ။ ဒါတွေ မရှိဘဲ ရောင်းချရင် ပိုးသတ်ဆေး ဥပဒေနဲ့အရေးယူပါမယ်” လို့ ဦးဝင်းစိုးက ရှင်းပြပါတယ်။ထရိုင်ကလိုရိုဖောင်းကအမှုန့်၊ အရည်နဲ့ အခဲဆိုပြီး ပုံစံ ၃ မျိုးနဲ့ ဈေးကွက်ထဲမှာရှိတာပါ။ အဲဒီထဲမှာ တရုတ်နိုင်ငံကနေ တရားမဝင်တင်သွင်းတဲ့ အစိမ်းရောင်ပုလင်းကို သုံးစွဲမှုများတယ်လို့ ဈေးကွက်ထဲကသိရပါတယ်။ နယ်ဘက်က မှာယူတာတွေကိုလည်း ကားဂိတ်ကနေတစ်ဆင့် ပို့ပေးတယ်လို့ ရောင်းချသူတွေက ပြောပါတယ်။ ရောင်းချသူတွေကလည်း ဓာတု ဆေးဝါးတွေနဲ့ ဒီဓာတုဆေးဝါးတွေ ရဲ့အန္တရာယ်ကို နားမလည်တာ တွေ့ရပါတယ်။ ဆေးအမည်ကိုတောင် မှန်ကန်အောင် မပြောနိုင်ဘဲ လောက်သေဆေး၊ ယင်မနားဆေးအစရှိတဲ့ အခေါ်အဝေါ်တွေနဲ့ ရောင်းချနေကြတာပါ။ပိုးသတ်ဆေးတာရှည်အသုံးပြုမိရင်ဥာဏ်ရည်၊ မျိုးပွားစွမ်းအင်၊ ရောဂါဘယဒဏ်ခံနိုင်ရည်ရှိမှုတို့ကျဆင်းလာခြင်း၊ ပုံမမှန်မွေးဖွားမှု၊ ကင်ဆာရောဂါတို့ ဖြစ်ပေါ်လာနိုင် စေတယ်လို့ ဒေါက်တာပြည့်ဖြိုးက ပြောပြပါတယ်။ ”ဘယ် ပိုးသတ်ဆေးကိုမှ အစားအသောက်မှာပါဝင်ဖို့ FDAက ခွင့်ပြုထားတာ မရှိဘူး။ အခုမထည့်ဖို့ ညှိနှိုင်းထားတယ်၊ နည်းပညာရှာနေတယ်။ ဒီကြားထဲ ကျုးလွန်ရင်အရေးယူမယ်” လို့ သူက ပြောပါတယ်။

ငါးပိထဲက ဓာတ်မြေသြဇာ

သဘာဝအလျောက်ရှိတဲ့ ယူရီးယားဆိုတာက နိုက်ထရိုဂျင်ပါဝင်တဲ့ ဓာတုပေါင်းစပ်မှုဖြစ်ပြီး နို့တိုက်သတ္တဝါတွေက စွန့်လိုက်တဲ့ ဆီးမှာပါဝင်ပါတယ်။ အစား အသောက်ရေးရာပညာရှင်ဒေါက်တာ စိုးခိုင်က အသားဓာတ် ကတစ်ဆင့် ဖြစ်ပေါ်လာတဲ့ ယူရစ်အက်ဆစ်ဟာ အဆစ်အမြစ်ရောင်ရမ်းတဲ့ ရောဂါကိုဖြစ်စေတယ်လို့ ပြောပြပါတယ်။ ”အသည်းရောဂါနဲ့ ကျောက်ကပ်ရောဂါရှိသူတွေအနေနဲ့ ယူရီး ယားဓာတ်ပါဝင်မှုမြင့်တဲ့ ကြက် သား၊ ငါး၊ ငါးပိ၊ ငါးပိရည် စတာတွေကိုမစားသုံးသင့်ဘူး”လို့လည်း ဒေါက်တာစိုးခိုင်ကပြောပါတယ်။ ဒေါက်တာ ပြည့်ဖြိုးကလည်း ယူရီးယားနဲ့ ပတ်သက်ပြီးအလားတူ သုံးသပ်ပါတယ်။

”အပူပေးချက်ပြုတ်လိုက်တဲ့ ယူရီးယားကအငွေ့ပျံသွားတဲ့အတွက် အန္တရာယ်တော့မရှိလောက်တော့ဘူး။ ဒါပေမယ့် စိတ်ချလက်ချ စားသုံးဖို့ မပြောနိုင်သေးပါဘူး။ တိကျတဲ့သုတေသနရလဒ်တွေလည်း မရှိသေးပါဘူး”လို့ ဒေါက်တာ ပြည့်ဖြိုးက ပြောပါတယ်။ ”အရည်ကျိုငါးပိမှာ ယူရီးယား ဓာတ်မြေသြဇာကိုထည့်ခြင်းဖြင့် ထုတ်လုပ်မှုကြာချိန်ကို လျှော့ချနိုင်တယ်၊ ယူရီးယားကိုမသုံးတဲ့ လုပ်ငန်းရှင်လည်းရှိတယ်” လို့ သူက ဆက်ပြောပါတယ်။ငါးပိလုပ်ငန်းကို ကာလကြာ ရှည်လုပ်ကိုင်ဖူးသူ ရန်ကုန်၊ မင်္ဂလာဒုံမြို့နယ်က အမျိုးသမီးတစ်ဦး က ”တစ်လအတွင်း ငါးပိဖြစ်စေဖို့ အတွက်မြေဆီ (ဓာတ်မြေသြဇာ) အဖြူတစ်မျိုးကို ထည့်ပြီးသိပ်ပါတယ်။ အဲဒီမြေဆီအဖြူမှုန့်ကိုလည်း ဘုရင့်နောင်ပွဲရုံတန်းက စိုက်ပျိုးရေးဆိုင်တွေက ဝယ်ယူရပါတယ်” လို့ ပြောပြပါတယ်။ ဘုရင့်နောင်ပွဲရုံတန်း စိုက်ပျိုး ရေးပစ္စည်း အရောင်းဆိုင်တွေကို ကွင်းဆင်းလေ့လာစုံစမ်းတဲ့အခါ ငါးပိကုန်သည်တွေက ယူရီးယားကို အရည်ကျိုငါးပိထုတ်လုပ်ဖို့ ဝယ်ယူတယ်လို့ပြောပေမယ့် အခုလို ပြဿနာတွေ ဖြစ်ပြီးတဲ့ နောက်ပိုင်းမှာ ငါးကန်ထဲထည့်ဖို့သာ ပြောဆိုဝယ်ယူမှုတွေ ရှိနေ တယ်လို့ သိရပါတယ်။

စိုက်ပျိုးရေးသမားက ယူရီးယားအရည်အသွေးကို သေချာစစ်ပြီးမှဝယ်ပေမယ့် ငါးကန်သမားတွေကတော့ ဈေးပေါတာကိုသာ ဝယ်ယူလေ့ရှိတယ်လို့ အရောင်းဝန်ထမ်းတစ်ဦးက ပြောပြပါတယ်။ ဧရာဝတီတိုင်း ဒေသကြီးအတွင်း ငါးပိထုတ်လုပ်မှုတွေကို သုတေသန လုပ်နေသူ ဒေါက် တာပြည့်ဖြိုးကတော့ ထုတ်လုပ်ပုံ လုပ်ငန်းစဉ် အဆင့်ဆင့်မှာ သန့်ရှင်းမှုအားနည်းတယ်လို့ ပြောပြပါတယ်။ အိမ်နီးချင်း ထိုင်းနိုင်ငံမှာတော့ ငါးပိစက်ရုံတွေမှာဆိုရင် ခေါင်းစွပ်၊ လက်အိတ်တွေနဲ့ အဝတ်အစား အကာအကွယ်တွေကို သေချာသပ်ရပ်စွာဝတ်ဆင်ပြီး ကျန်းမာရေးနဲ့ညီညွတ်အောင် ထုတ်လုပ်မှု၊ သန့်ရှင်းမှုတို့ကြောင့် သူတို့ငါးပိကို နိုင်ငံတကာပို့တဲ့အဆင့်ဖြစ်နေပါပြီ။

စားသုံးသူကာကွယ်ရေး

ရန်ကုန်တိုင်းဒေသကြီး စားသုံးသူရေးရာဦးစီးဌာန တိုင်းဦးစီးမှူး ဦးမြင့်ချိုက မမှန်မကန်ထုတ်လုပ် နေတဲ့ လုပ်ငန်းရှင်တွေကို စားသုံး သူကာကွယ်ရေးဥပဒေအတိုင်း အရေးယူတယ်လို့ပြောပါတယ်။ ”ငါးပိဆိုတာက အမျိုးသားရေး စားကုန်။ ငါးပိငါးခြောက် ထုတ်လုပ်တဲ့ ပုံစံကကျန်းမာရေးနဲ့ မညီညွတ်ဘူး။ ငါးပိဆိုတာစထုတ်ကတည်းက ခြေထောက်နဲ့နင်းပြီး သိပ်တာ” လို့ ဦးမြင့်ချိုက ရှင်းပြပါတယ်။ ဒေါက်တာ ပြည့်ဖြိုးကတော့ ၂ဝ၁၄ ခုနှစ်က ပြဋ္ဌာန်းခဲ့တဲ့ စားသုံးသူကာကွယ်ရေး ဥပဒေမှာ လိုအပ်ချက်တွေ ရှိနေသေးကြောင်း ထောက်ပြပါတယ်။ ”အဟောင်းက လိုအပ်ချက်တွေ သိပ်များနေလို့စနစ်နဲ့
အံမဝင် တော့လို့ အသစ်ရေးဆွဲနေပါတယ်” လို့ ဒေါက်တာပြည့်ဖြိုးကဆိုပါတယ်။ စားသောက်ကုန်နဲ့ ပတ်သက် တဲ့မသမာမှုတွေတွေ့ရင်တိတိကျကျ သတင်းပေးတိုင်ကြားပါက လာ ရောက်စစ်ဆေးအရေးယူပါမယ်လို့လည်း သူကဆက်ပြောပါတယ်။ အခုချိန်ထိတော့ ကျန်းမာရေး ဝန်ကြီးဌာန၊ စည်ပင်သာယာရေး ကော်မတီ၊ စားသုံးသူကာကွယ်ရေး အသင်းတွေကို တိုင်ကြားချက်တွေ ရောက်လာတာ နည်းပါးနေသေးတယ်လို့ သိရပါတယ်။ဓာတုကင်းစင်တဲ့ ငါးပိ၊ ငါး ခြောက်နဲ့ ငန်ပြာရည်လုပ်ငန်းတွေကို ထောက်ခံစာထုတ်ပေးသွားမယ်လို့ မြန်မာနိုင်ငံငါးလုပ်ငန်းအဖွဲ့ချုပ် ဒုဥက္ကဋ္ဌ ဦးနှင်းဦးကပြောပါတယ်။ ငါးပိလုပ်ငန်းရှင် ဦးရွှေမန်းက နိုင်ငံတကာအဆင့်မီ သန့်သန့် ရှင်းရှင်း ထုတ်လုပ်ဖို့ ကြိုးပမ်းနေသူ ဟာ နည်းပညာ၊ ငွေကြေး အကန့် အသတ်တို့နဲ့ ကြုံနေရတယ်လို့ ပြောပါတယ်။

”ထိုင်းနိုင်ငံအထိ နည်းပညာ တွေကိုသွားရောက်လေ့လာခဲ့ပေမယ့် တချို့စက်ရုံတွေက ဝင်ရောက် လေ့လာခွင့်တောင် မပေးပါဘူး။ ထုတ်လုပ်မှု အဆင့်ဆင့်တွေကို လက်နဲ့လုပ်တာထက် စက်နဲ့လုပ်တဲ့ စနစ်ကို ရောက်စေချင်နေပြီ။ နိုင်ငံ တော်အဆင့် ကူညီပံ့ပိုးမှုတွေနဲ့ အဆင့်မီနည်းပညာတွေ ပံ့ပိုးပေး စေချင်ပါတယ်” လို့ ဦးရွှေမန်းက ပြောပါတယ်။ ငါးပိ၊ ငံပြာရည်ကိုနိုင်ငံတကာ က လက်ခံဖို့အတွက်ဆိုရင် နည်း ပညာမှန်ကန်စွာ၊ သန့်ရှင်းစွာ ထုတ်လုပ်ရမှာပါ။ အကောင်းဆုံးကို ဘယ်လို ထုတ်လုပ်ကြမလဲဆိုတာ အားလုံး ပူးပေါင်းပါဝင်ပြီး အဖြေရှာကြဖို့ လိုအပ်ပါတယ်။အဲဒီလိုမျိုးမလုပ် နိုင်ရင်တော့
နိုင်ငံတကာကိုလည်း မထိုးဖောက်နိုင်တဲ့အပြင် ပြည် တွင်းမှာလည်း အများပြည်သူ အတွက်ကျန်းမာရေး အန္တရာယ်ရှိ ပြီး ဆုံးရှုံးနစ်နာမှုတွေ ဆက်လက် ကြုံတွေ့နေကြရဦးမှာဖြစ်ပါတယ်။

စိုးစံထိုက် ((Myanmar Now)
(အလွတ်တန်း သတင်းထောက် စိုးစံထိုက်က ငါးပိလုပ်ငန်းနှင့် ဈေးကွက်အတွင်း ကိုယ်တိုင်ကွင်း ဆင်းပြီး စုံစမ်းဖော်ထုတ်ရေးသားထားခြင်းဖြစ်ပါသည်)

Comments (0)

Leave a reply

Your email address will not be published. Required fields are marked *

*