3:55 pm
နေပြည်တော် သြဂုတ် ၂၈
ပြည်တွင်းရှိ ပဲဈေးနှုန်းများ မတည်မငြိမ် ဖြစ်နေသဖြင့် ယာယီပိတ်သိမ်းထားသည့် ရန်ကုန်ပဲဈေးကွက်ကို စည်းကမ်းချက်အချို့သတ်မှတ်ပြီး ပြန်လည်ဖွင့်လှစ်လိုက်ကြောင်း ဘုရင်နောင် ကုန်စည်ဒိုင်မှသိရသည်။
ဘုရင်နောင်ကုန်စည်ဒိုင် တာဝန်ရှိသူတစ်ဦးက”စီးပွားကူးသန်းရုံးမှာဆွေးနွေးကြတဲ့အခါ နယ်ကုန်စည်ဒိုင်တွေအနေနဲ့ ရန်ကုန်ပဲဈေးကွက်ပိတ်ထားပေမယ့် သူတို့ ဆီကိုတောင်သူတွေလာသွင်းရင် ဝယ်ပေးနေရတဲ့အခြေအနေတစ်ခုကို တင်ပြဆွေးနွေးခဲ့ပါတယ်၊ဒါကြောင့်လဲ စည်းကမ်းချက်အချို့ ထုတ်ပြန်ပြီး ပဲဈေးကွက်ပြန်ဖွင့်တာပါ”ဟုဆိုသည်။
ဘုရင့်နောင် ကုန်စည်ဒိုင်မှ သတ်မှတ်လိုက်သည့်စည်းကမ်းချက်များမှာ
၁။ ရန်ကုန်တိုင်းဒေသကြီး ကုန်သည်များနှင့်စက်မှုလက်မှုလုပ်ငန်းရှင်များအသင်း (ဘုရင့်နောင်ကုန်စည်ဒိုင်)တွင် မှန်ကန်သော ဈေးကွက်ဖော်ဆောင်နိုင်ရန်နှင့် ဈေးနှုန်းတည်ငြိမ်မှုရှိစေရန် ရည်ရွယ်၍ ၂၀၁၇ ခုနှစ်၊ သြဂုတ်လ ၂၆ ရက် စနေနေ့မှ စတင်၍ ပဲမျိုးစုံလက်ငင်းအရောင်းအ၀ယ်ကို အောက်ပါစည်းကမ်းချက်များဖြင့် ပြန်လည်ရောင်းဝယ်ခွင့်ပြုပါသည်။
(၁) တနင်္လာနေ့မှ သောကြာနေ့အတွင်း အရောင်းအ၀ယ်ကို နံနက် (၁၀း၀၀)နာရီမှ မွန်းလွဲ (၂း၀၀) နာရီထိ အရောင်းအ၀ယ်ကို ဆောင်ရွက်မည်ဖြစ်ပြီး၊ ငွေပေးချေခြင်းကို မွန်းလွဲ (၃း၀၀) နာရီထက် နောက်မကျစေပဲ အပြီးသတ်ဆောင်ရွက်ရမည်။
(၂) စနေနေ့တွင် အရောင်းအ၀ယ်နှင့် ငွေပေးချေခြင်းကို နံနက်(၁၀း၀၀)နာရီမှ မွန်းလွဲ (၂း၀၀)နာရီအတွင်း အပြီးသတ်ဆောင်ရွက်ရမည်။ ၀ယ်သူက ငွေပေးချေရာတွင် ငွေသား (သို့) ချက်လက်မှတ်ဖြင့် ပေးချေနိုင်သည်။ ပေးချေသော ချက်လက်မှတ်သည် လာမည့် တနင်္လာနေ့ ဘဏ်ဖွင့်ချိန်တွင် ငွေသားထုတ်ယူနိုင်ရန် တာဝန်ခံရမည်။
(၃) ပဲအရောင်းအ၀ယ် ပြုလုပ်သည့် ရောင်းသူဝယ်သူ နှစ်ဦးသည် မိမိတို့၏ အမည်များဖြင့်သာ ပဲအရောင်းအ၀ယ် စာချုပ်ကို တိုက်ရိုက်ချုပ်ဆိုရောင်းဝယ်ရမည်။
(၄) ရောင်းချသူသည် ရောင်းချသောပဲအား မိမိပိုင်ဆိုင်ကြောင်း ခိုင်မာသည့်အထောက်အထား စာရွက်စာတမ်းများကို တင်ပြရမည်။
၂။ အထက်ပါစည်းကမ်းချက်များကို မလိုက်နာသော အသင်းသာ မည်သူမဆို (တိုင်ကြားသူရှိသည်ဖြစ်စေ၊ ကြားသိရသည်ဖြစ်စေ) ကုန်စည်ဒိုင်အတွင်း အရောင်းအ၀ယ်ပြုလုပ်ခွင့်အား ၃လ (သုံးလ) ရပ်ဆိုင်းခံရမည် ဟုထုတ်ပြန်ကြေငြာထားပါသည်။
အောင်ပြည့်စုံ
