ဒီရေတောတွေက ကျွန်တော် တို့ကို ထမင်းကျွေးနေတာ

ရခိုင်ဒေသ ဒီရေတောထဲ စီးပွားဖြစ်ထင်းခုတ်၊ မီးသွေးဖုတ်သူတွေကို အရေးယူ ဖို့လိုနေသေးကြောင်း ဒီရေတော ကာကွယ်သူတစ်ဦးကပြောလိုက် ပါတယ်။ နိုင်ငံရေး သမားများလည်း ဒီရေတောကို အာရုံစိုက်ကြဖို့လိုကြောင်း သဘာဝပတ်ဝန်း ကျင်ထိန်းသိမ်းတဲ့ ရခိုင်ဒေသ တံငါသည်တစ်ဦးက ပြောလိုက်ပါတယ်။ ဂွမြို့နယ်၊ မကျည်းငူကျေးရွာအုပ်စု၊ ကံငူကျေးရွာက ၆၂ နှစ်အရွယ် ဦးကျော်ဝင်းဟာ ကျေးရွာ အဆင့်ဒေသတွင်း ဒီရေတော ကာကွယ်ထိန်းသိမ်းရေး အဖွဲ့ ဥက္ကဋ္ဌ အဖြစ် တာဝန် ယူထားပါတယ်။ သူတို့အဖွဲ့က ရခိုင်ကမ်းရိုးတန်း သဘာဝ ပတ်ဝန်းကျင်ထိန်းသိမ်း ရေးအသင်းနဲ့ လက်တွဲ ဆောင်ရွက်နေတာပါ။ မကြာသေးခင်က Myanmar Now နဲ့ တွေ့ဆုံရာမှာ သူက ဒီရေတောတွေရဲ့ အရေးပါပုံများအကြောင်း ပြောပြထားပါတယ်။

ပြန်လည် ထူထောင်ရေး မလုပ်ခင် ရွာပတ်ဝန်းကျင် ဒီရေတောတွေရဲ့ အခြေအနေက ဘယ်လိုရှိလဲ။

ဟိုးအရင်တုန်းက ဒီရေတော တွေကို ထိန်းသိမ်းတာမျိုး မလုပ် ခဲ့ပါဘူး။ သူခုတ်၊ ကိုယ်ခုတ်ပဲ။ ဒါ ပေမယ့် အဲ့ဒီအချိန် အထိ ဒီရေ တောတွေက ကောင်းတယ်ဗျ။ အခုထက် ၂ ဆ ကောင်းတယ်။ စီးပွားဖြစ် မီးသွေးတွေ လာဖုတ် တော့မှ အကုန် မျိုးသုဉ်းကုန်တာ။ ဧရာဝတီတိုင်း၊ လပွတ္တာဘက် ကနေ အများအားဖြင့် လာဖုတ်ကြတာ။ ၂ဝဝ၉ ခုနှစ်လောက် စပြီးသူတို့ဝင် လာတာပေါ့။ အခု လက်ရှိထိတောင် လာဖုတ်နေကြတာပဲ။ သူတို့နား လည်မှုတွေ နဲ့ ခုတ်ပြီးဖုတ်နေကြ တာ။ ဟိုးအရင်က တုတ်ပင် (ဒီရေ တောအပင်တစ်မျိုး) ဆို အကြီး ကြီး။ အခု လက်မောင်းလုံး လောက် အပင်မျိုးတောင် မတွေ့ တော့ဘူး။ အခုချိန်ထိ သစ်မှောင် ခိုလုပ်ငန်း လုပ်နေကြတုန်း။ လှေ လေးငါးစင်းနဲ့ လာလာခိုးခုတ်နေ ကြတာ။

ထင်း၊ မီးသွေး အတွက် အပင် ခုတ်တာ ဒေသခံတွေရော မပါဘူး လား။

မဟုတ်ဘူးဗျ။ ကိုယ့်ဒေသက လူတွေက နားလည်လာပြီ။ မလုပ် ကြတော့ဘူး။ ဧရာဝတီတိုင်း ဘက် ကနေ လာကြတာ။ သူတို့ ခုတ်နေ တာကို သိလို့သွားတားတဲ့ အခါ မှာတော့ သူတို့မလုပ်တော့ပါဘူး ဆိုပြီး ပြန်ပြောတယ်။ ဒါပေမယ့် ကွယ်ရင်တော့ လုပ်နေကြတာပဲ။ ကျွန်တော် တို့ကလည်း မလုပ်ဖို့ တားနေတာကို ဆက်လုပ်ရင်တော့ ရိုက်ဖို့ပဲရှိတယ်။ တစ်ခါတလေ ခိုးခုတ်နေတာကို ကျွန်တော်တို့မိ လို့ လှေရော၊ လူရော လက်ရ ဖမ်း ပြီး သစ်တော ဌာနကို အပ်လိုက် တယ်။ ကျွန်တော်တို့ ပြန်လာတာ နဲ့ ခုတ်တဲ့ သူတွေကို ခုတ်တဲ့ ရဲတင်း တွေကအစ အကုန် ပြန်ပေးပြီး လွှတ်ပေးလိုက်တယ်။ ကျွန်တော် တို့က ကိုယ် အရိပ်တကြည့်ကြည့် နဲ့ ပြန်ထူထောင်ထားတဲ့ အပင်ကို သူ တို့ လာခုတ်တော့ ကျွဲမြီးတိုတာ ပေါ့။ အဲဒီလိုသာ ကျွန်တော်တို့က ဖမ်း၊ သက်ဆိုင်ရာက ပြန်လွှတ်ဆို ရင် ကျွန်တော်တို့ ထူထောင်ထား တဲ့အပင် အဲဒီလူတွေ ခုတ်တာ ဘယ်ခံတော့မလဲ။ ကျွန်တော်တို့ တစ်ရွာထဲ ဒီတစ်တောလောက် ကို နှစ်ရက် ခုတ်တာတင် ကုန်တယ်။ ကျွန်တော်တို့ ရွာသားတွေ အခု ထင်းဆိုက်တာဆို အုန်းလက် ခြောက်၊ အုန်းသီးခွံတွေ၊ ဒီရေ တောပင် မဟုတ်တဲ့ ကိုယ့်မြေလေး တွေမှာ စိုက်ထားတဲ့ အပင်လေး တွေ၊ ဗာဒံပင်လေးတွေ။ နောက် ဆုံး လုပ်စရာက ဥပဒေမဲ့ တားဖို့ ပဲ ရှိတော့တယ်။ ကျွန်တော်တို့ ထောင်ကျ ခံလိုက်ကြဖို့ပဲ ရှိတယ်။ တစ်ယောက် လောက်ကို ဥပမာ အနေနဲ့ ထိထိ ရောက်ရောက် အ ရေးယူ ပေးစေချင်တယ်။ ဒီရေ တော ခုတ်လို့ ထောင်ကျတယ် ဆို တဲ့ အသံထွက်လာမှ ထပ်မလုပ် ရဲကြတော့မှာ။

ဒီရေတော ထိန်းသိမ်းရင် ဘာအ ကျိုး အမြတ်ရမယ် ဆိုတာ ခုတ်တဲ့ သူတွေကို မပြောပြဘူးလား။

ပြောတယ်။ အတန်တန်ပြော တယ်။ ချောင်းဖျားမှာ မီးသွေး ဖုတ်နေတဲ့ သူတွေကို မီးသွေး မဖုတ် နဲ့၊ ကျွန်တော်တို့ ဒီရေတောထိန်းသိမ်းဖို့နဲ့ပတ်သက်ပြီး ရတဲ့ရန်ပုံ ငွေတွေနဲ့ ငွေကြေး ထုတ်ပေးမယ်၊ ကွမ်းခြံတွေ ဘာတွေလုပ်၊ ငါး လုပ်ငန်းလုပ်ဖို့ ပိုက်၊ လှေမရှိရင် ဝယ်ပေးမယ်။ အဲဒါတွေနဲ့လုပ် စား၊ ထင်း၊ မီးသွေးဘက်ကို စိတ် မကူးဘဲ လုပ်ငန်းပြောင်းလုပ်ဖို့။ ထင်းခုတ်စားတာ တစ်နေကုန်ခုတ် မှ ငါးထောင်လောက်ရတာ။အခု ဒီရေတောကို ထိန်းဖို့ ထောက်ပံ့ ပေးတဲ့ ရန်ပုံငွေနဲ့ လုပ်ကိုင်လာ တာဆို အရင်တုန်းက ဒီလိုငါးဖမ်း လှေ (ကမ်းနီး ငါးဖမ်းလှေ) ဆိုတာ မြင်တောင် မမြင်ဖူးခဲ့ဘူး။ ဒီလို လှေပိုင်ခဲ့မယ်လို့ မျှော်လင့်ချက် တောင် မထားနိုင်ခဲ့ဘူး။ အခုရှိနေ တဲ့ရွာကအိမ်တွေ ဆို CLEAR စီမံ ကိန်း (နိုင်ငံတကာ အစီအစဉ် တစ်ခုဖြစ်တဲ့ အသက်မွေး ဝမ်း ကျောင်းမှုနှင့် စားနပ်ရိက္ခာ ဖူလုံ ရေးရန်ပုံငွေ အဖွဲ့ရဲ့ ၂ဝ၁၂ – ၂ဝ၁၄ စီမံကိန်း) ကျပြီးနောက် ပိုင်းမှ ဆောက်လာနိုင်ခဲ့တာ။ အရင်တုန်းက တဲသာသာ အိမ် ကလေးတွေ။

အရင်တုန်းက ဘာလုပ်ငန်းလုပ် ခဲ့လဲ။

အရင်တုန်းက ကျွန်တော်က တံငါလုပ်ငန်းပဲ လုပ်တာ။ ကျွန် တော်တို့မှာ ဥယျာဉ် မရှိဘူး၊ လယ် မရှိဘူး။ ပင်လယ်မှာ ရာသီဥတု ကောင်းရင် ငါးဖမ်းလိုက်တယ်။ ရာသီဥတု မသာရင် ချောင်းထဲ ငါးလိုက်ဖမ်းတယ်။ ထင်းခုတ် ရောင်းတယ်။ အရင်တုန်းက လက် လှော်လှေ ခပ်သေးသေးလေး တောင်မှ မပိုင်ဘူး။ ငှားလုပ်ရတာ။ တရွာလုံးမှာမှ ၅ စင်းလောက်ပဲရှိ တာ။ လှေမရှိသူက တစ်နေ့ ၅ဝဝ ပေးငှား။ ငါးရှာတာမှာမှ တစ်နေ ကုန်ရှာ ၃ဝဝ ပဲရလို့ လှေငှားခ ၃ဝဝ ပဲပေးတော့ စကားတွေက များကြနဲ့။ အဲ့ဒီလိုဘဝတွေ အမျိုး မျိုးကြုံခဲ့ရတာ။ စီမံကိန်းကျပြီး နောက်ပိုင်း စက်လှေ ဝယ်နိုင်လာ ခဲ့တယ်။ ပင်လယ်ကို တစ်ခေါက် ထွက်သွားရင် ကျပ် ၁၅ သိန်း၊ သိန်း ၂ဝ ဆိုတာ ရလာတယ်။ အမျိုးသမီးတွေ တောင် ပင်လယ် ငါးဖမ်းလှေ ပြန်ရောက်လို့ ငါးခွဲ ကြေးရတာ တစ်ခါတလေ တစ် ရက်တည်းနဲ့ သုံးသောင်းလောက် အထိ ရကြတယ်။

ဒီရေတော ထိန်းသိမ်းဖို့ ပြောပြ၊ စည်းရုံးတာမျိုးရှိလား။

ဘာတစ်ခုမှ မရှိဘူး။ အဓိက က တော့ သစ်တောဌာနပဲ။ ကျွန် တော်တို့ကို ကြက်၊ ကြက်ချင်း အိုး မည်းသုတ်ပြီး ခြင်းတောင်း တစ်ခု ထဲထည့် ခွပ်ခိုင်းတဲ့ သဘောမျိုး ဖြစ်နေတယ်။ ဖိအားလေးတော့ နည်းနည်းပေးပါလို့ (ဝန်ကြီးတစ် ယောက်ကို) တင်ပြခဲ့ဖူးတယ်။ ဘာ့ကြောင့်လဲဆို ခုတ်နေတဲ့သူ တွေကို ကျွန်တော်တို့က သွား ပြောတယ်။ မခုတ်နဲ့ပေါ့။ အဲဒီ တော့ တစ်ယောက်နဲ့ တစ်ယောက် ဓားနဲ့ခုတ်၊ တုတ်နဲ့ ရိုက်ရမယ့် အ ခြေအနေမျိုး ဖြစ်နေတယ်။ သူ တို့ဆီကို အထောက်အထားတွေ နဲ့ တင်ပြတယ်။ အရေးယူမပေးဘူး။ အဲဒီတော့ ခုတ်ကွာ၊ ဟိုရောက် လည်း ငါတို့ကို ပြန်လွှတ်ပေးတာ ပဲ ဆိုတာ ဖြစ်လာတယ်။

လွှတ်တော် ကိုယ်စားလှယ်တွေ ကိုရော တင်ပြ တောင်းဆိုတာမျိုး မလုပ်ဖူးလား။

လုပ်ပါတယ်။ သူတို့ကတော့ လွှတ်တော်မှာ တင်ပြပေးမယ်ပေါ့။ ပြီးခဲ့တဲ့ အစိုးရ သက်တမ်းတုန်းက လွှတ်တော် ကိုယ်စားလှယ်တွေက တော့ရွာတွေဘက်လာပြီး ဒီရေ တော ကာကွယ်ဖို့ ပြောတယ်။ အခု လွှတ်တော် ကိုယ်စားလှယ် အသစ်တွေတော့ ကျွန်တော်တို့ ဘက်ကို တစ်ယောက်မှ မရောက် လာကြသေးဘူး။ တွေ့တော့ ကျွန် တော်တို့က ပြောပြလည်း သူတို့ ဘက်က သိပ်အရေး မလုပ်ဘူး။ သူတို့မှာလည်း ပါတီ အစွဲလေး တွေနဲ့ပေါ့ဗျာ။

ရွေးကောက်ပွဲတုန်းက ဘယ်ပါတီ က အမတ်လောင်းကို မဲပေးခဲ့လဲ။

ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီကိုပဲ မဲပေးခဲ့တာ။ တစ်ရွာလုံးလည်း ပြည်ခိုင်ဖြိုးကို ပဲပေးခဲ့တာ။ ဘာဖြစ်လို့လဲ ဆိုတော့ ပြည်ခိုင်ဖြိုး လက်ထက်မှာ ကျွန် တော်တို့ကို ဒီရေတော နဲ့ပတ်သက် ပြီး သူတို့ခွင့်ပြုချက်နဲ့ပဲ ချပေးခဲ့ တာ။ အဲဒီ အတွက်ကြောင့်လည်း ကျွန်တော်တို့ရွာဟာ ပြောင်းလဲတိုး တက်လာတာ။

အစိုးရ အဖွဲ့အစည်းတွေ၊ လွှတ် တော် အမတ်တွေကို ဘာပြောချင် တာ ရှိသလဲ။

ဒီရေတောနဲ့ ပတ်သက်ရင် တော့ ကျွန်တော်တို့ ထိန်းသိမ်းထား တာတွေကို နှောင့်ယှက်မှု မရှိရင် အကျေနပ်ဆုံးပဲ။ ဘာလို့လဲဆို တော့ ထိန်းသိမ်းရင် အပင်တွေကြီး လာမယ်၊ နိုင်ငံခြားသားတွေ နဲ့ ဒီရေတော ထိန်းသိမ်းမှုကို တွဲ လုပ်ရင်း သိလာတာက ဒီရေ တော ထိန်းသိမ်း ထားလို့ နောင်မှာ နိုင်ငံတကာက ငွေကြေး (စိုက် ပျိုးသစ်တော ကာဗွန် ထိန်းသိမ်း နိုင်မှုကြောင့် ပေးအပ်တဲ့ နိုင်ငံ တကာ လျော်ကြေးငွေ) တွေ ရလာ မယ်ဆိုတဲ့ သတင်းစကားတွေ ကြောင့် မျှော်လင့်ချက် ရှိလာ တယ်။ နောက် ကျွန်တော်တို့ ရည်ရွယ်ချက်ကိုက ဒီရေတောကို ထိန်းသိမ်းမယ်၊ ပိုကောင်းသထက် ကောင်းမွန်အောင် လုပ်မယ်။ ထောက်ပံ့ထားတဲ့ ငွေကြေးကို ကျွန်တော်တို့က အလွဲသုံးစား မ လုပ်ဘဲနဲ့ ထိန်းသိမ်းရေးကို အား စိုက်လုပ်နေတာကို သူတို့မြင်မယ်၊ နောက် မျိုးဆက်တွေ ကိုလည်း ဒါကို ဆက် ထိန်းသိမ်းရမယ့် အမွေပေးမယ်ဆိုတာပဲ။ အရင်က ရွာမှာ ၄ တန်းအောင် ဆိုတာ ခပ် ရှားရှား။ အခုဆို ၉ တန်း၊ ၁ဝ တန်းတွေ ရှိလာတော့ ကျွန်တော် တို့အားဖြစ်ရတယ်။ အရင်က ကျောင်းမထားနိုင်ကြဘူး၊ ကျောင်း သွားဖို့ အင်္ကျီဖိုး၊ မုန့်ဖိုးမရှိဘူး။ ဟိုဘက်ကမ်းမှာ သွားတက်ဖို့ မိဘ ဆင်းရဲတော့ မထားနိုင်ဘူး။ သားရေ ကျောင်းသွား တက်ပါလား ဆိုရင် အဖေ တစ်ယောက်တည်း လှေလှော်ပြီး ငါးဖမ်းလို့ရမလား၊ သားပါ လိုက်ကူညီမှ ရမှာပေါ့နဲ့ နောက်ဆုံး တံငါလေးပဲဖြစ်ကရော။ ကျွန်တော် စိတ်ပျက်တာက အခု ဟိုမှာ ခုတ်နေတယ်၊ ဒီမှာခုတ်နေ တယ်ကြားလို့ လိုက်ရလည်း ကျွန် တော်တို့လူလေး လေးငါးခြောက် ယောက်ပဲ။ ခုတ်တာကို အရေးမယူ ပေးတော့ လိုက်ဖို့ကို စိတ်ပျက်လာ ကြတယ်။ လိုက်တားရင် မတော် ဓားနဲ့ခုတ်တော့ ဘယ်လိုလုပ်မလဲ၊ လောက်လေး (လေးခွ) နဲ့ပစ်ရင် ဘယ်လိုလုပ်မလဲ။ ကျွန်တော်က တော့ အသက်သေပစေ၊ ကိုယ့်ရွာ ဖွံ့ဖြိုးရေး အတွက် လိုက်ထိန်းသိမ်း မှာပဲ။

ဒီရေတောကို အခုလိုထိန်းသိမ်း နေလုို့ ဘာအကျိုးကျေးဇူးတွေ ရမလဲ။

ဒီရေတောတွေက ကျွန်တော် တို့ကို ထမင်းကျွေးနေတာ။ ဒါကို ထိန်းတာကြောင့် ငါး၊ ပုစွန်၊ ဂဏန်း၊ ဂုံးတွေ ပေါများလာတယ်။ ကျွန်တော့်မှာ အခက်အခဲ ရှိလာရင် တောထဲသွား၊ ဂုံးရှာ ရောင်းစား တော့ ထမင်းစားဖို့တော့ ရတာပဲ။ အဲဒါကြောင့် ဒီ မသမာသူတွေ လာခုတ်နေတာကို စိတ်တအားတို နေတာ။ ကျွန်တော့်မှာ ပိုက်ဆံမရှိ ရင် ဒီတောထဲမှာ သွားရှာနေရတာ။ ဂုံးကောက်၊ မရွတ် (စေတီခရု)ကောက်၊ ဂဏန်းထောင်၊ ငါးမျှား၊ နောက်ဆုံး အိမ် အသုံးအဆောင် နဲ့ပဲဖြစ်ဖြစ်၊ ပင်လယ်ထွက်မယ့် လှေအတွက် ကျောက်ဆူးက အစ၊ သိသိသာသာ လာပြော၊ ခိုးမခုတ် နဲ့။ သစ်သား ကျောက်ဆူး တစ်လက် ကို လေးငါးသောင်း ဖြစ်နေလို့ မဝယ်နိုင်ဘူးဗျ။ ဒီရေတောက ကျွန်တော် တို့ရဲ့ အမိ၊ အဖတွေ လို့ကို ကျွန်တော် ခံယူထားတယ်၊ ဒီရေပင်တွေကို လာလာ ခုတ်နေ တာ ကျွန် တော် တို့ရဲ့ အမိ၊ အဘ တွေကို တုတ်နဲ့ လာရိုက်နေသလို ကို ခံစားမိတယ်။

ထက်ခေါင်လင်း (Myanmar Now)