11:51 am
ဝေရှိုင်းကျော်
ရန်ကုန်၊ ဖေဖော်ဝါရီ ၃
ပဲခူးတိုင်းရှိ မိုးယွန်းကြီးအင်း တောရိုင်းတိရစ္ဆာန်ဘေးမဲ့တောသို့ ပြည်တွင်း၊ ပြည်ပမှ လာရောက် လေ့လာသူ များပြားလာကြောင်း သိရသည်။မိုးယွန်းကြီးအင်းသည် ကမ္ဘာ့ အရေးကြီးဆုံး ထိန်းသိမ်းရမည့် ရေဝပ်ဒေသ (ျွျောမှေငအန)အဖြစ် ၂ဝဝ၄ ခုနှစ်တွင် သတ်မှတ်ခြင်းခံရပြီး သဘာဝဘေးမဲ့တောအဖြစ် အပန်းဖြေလာရောက်သူများလာကြောင်း ၊ နှစ်စဉ်ဆောင်းရာသီတွင် ဆောင်းခို ငှက်မျိုးစုံကို လာရောက် ကြည့်ရှုရာတွင် ပြည်ပဧည့်သည်များ အများဆုံးဖြစ်ကြောင်း မိုး ယွန်းကြီးအင်း တောရိုင်းတိရစ္ဆာန် ဘေးမဲ့တောရုံးမှ အုပ်ချုပ်ရေးမှူး ဒေါ်သင်းသင်းယုက ပြောသည်။
မိုးယွန်းကြီးအင်းသို့ ၂ဝ၁၅ ခုနှစ်တွင် ပြည်တွင်းခရီးသည် ၂၄ဝဝဝ နှင့် နိုင်ငံခြားသား ၂ဝဝ လာရောက်လည်ပတ်ခဲ့ပြီး ၂ဝ၁၆ ခုနှစ်တွင် ပြည်တွင်း ခရီးသည် ၃ဝဝဝဝ နှင့် နိုင်ငံခြားသား ၃ဝဝ ထိလာရောက်ခဲ့ကြောင်း အဆိုပါ ရုံးမှ သိရသည်။ အင်းသို့ ဆောင်းရာသီတွင် ဆောင်းခိုငှက်များ လာရောက် ကျက်စား နားခိုစေရေးအတွက် အ စာရေစာများ ပေါများအောင်ပြု လုပ်ပေးခြင်းနှင့် သားငှက်တိရစ္ဆာန် သတ်ဖြတ်ခြင်းများမရှိစေ ရေးအတွက် ပညာပေးခြင်းများပါ လုပ်ဆောင်နေကြောင်း ၎င်းက ပြောသည်။
”ရေကျသွားတဲ့ အချိန်အခါမှာ လျှပ်စစ်လျှော့တိုက် ငါးဖမ်းတာ တွေ ရှိပါတယ်။ ဒါတွေ မရှိဖို့ကို အင်းအတွင်းမှာ ဝန်ထမ်းတွေနဲ့ ကင်းလှည့် ထိန်းသိမ်းရေးတွေပါ လုပ်ဆောင်ပါတယ်။ ငှက်ဖမ်းဆီး တာတွေ မရှိစေရေးကိုပါ ဆောင်ရွက်ပါတယ်။ အနီးရှိ ဈေးတွေမှာပါ ရောင်းချတာတွေ မရှိဖို့ သွားရောက်စစ်ဆေးမှုတွေကိုပါ လုပ်ပါ တယ်” ဟု ၎င်းက ပြောသည်။ မိုးယွန်းကြီးအင်း တောရိုင်း တိရစ္ဆာန်ဘေးမဲ့တောရှိ အပန်းဖြေ စခန်းကို လက်ရှိလုပ်ကိုင်နေသည့် ရွှေပြည်အေးကုမ္ပဏီက သစ်တော ဦးစီးဌာနနှင့် နှစ်ရှည်စာချုပ် ချုပ် ဆိုလုပ်ကိုင်ခြင်းဖြစ်ကြောင်း၊ လာ ရောက်အပန်းဖြေသူများ နားခိုရန်အတွက် Family Room တည်းခိုခန်းများ၊၂ဦးတည်းခိုနိုင်သော လှေ ပုံသဏ္ဌာန်ရေပေါ်အိမ် (Boat House) များ၊ စားသောက်ဆိုင်နှင့် နားနေခန်းများ၊ ရေတိမ်ဒေသဆိုင် ရာပညာပေးပြခန်းနှင့် ငှက်မျိုးစိတ် ပြခန်းများပြထားကြောင်း သိရသည်။
ယင်းကုမ္ပဏီ၏ မန်နေဂျင်း ဒါရိုက်တာ ဦးမျိုးသက်က မိုးယွန်းကြီးအင်း အပန်းဖြေစခန်း လုပ်ဆောင်မှုနှင့် ပတ်သက်၍ ”ပတ်ဝန်းကျင်ထိန်းသိမ်းခြင်းက လူသား တွေအတွက် အကျိုးရှိမယ်ဆိုတဲ့ ရည်ရွယ်ချက်နဲ့ လုပ်တာဖြစ်တယ်။ အခုလို ဖွံ့ဖြိုးလာတဲ့အချိန်မှာတော့ ပတ်ဝန်းကျင် ထိန်းသိမ်းရေးနဲ့ သဘာဝတရား မပျောက်တဲ့ခရီး သွားနေရာအဖြစ်နဲ့ ထိန်းသိမ်းဆောင်ရွက်သွားမှာဖြစ်တယ်” ဟု ပြောသည်။
မိုးယွန်းကြီးအင်း တောရိုင်းတိရစ္ဆာန် ဘေးမဲ့တောသည် ရန် ကုန်မြို့မှ ၆၉ ဒသမ ၂ မိုင် ကွာ ဝေးပြီး ပဲခူးတိုင်းဒေသကြီး ပဲခူးမြို့ နယ်နှင့် ဝေါမြို့နယ်အတွင်း တည် ရှိကာ ဧရိယာ စတုရန်းမိုင် ၄ဝ ကျယ်ဝန်းသည်။ ယင်းအင်းအ တွင်း လာရောက်ကျက်စားသော ဌာနေရေပျော်ငှက်များ ဖြစ်သည့် စစ္စလီ၊ မယ်ညိုစသည့် ငှက်မျိုး ၅၃ မျိုး၊ ဌာနေငှက် ၃၅ မျိုး၊ ငါးမျိုး စိတ် ၃ဝ မျိုး၊ ကုန်းနေရေနေ နှင့် တွားသွားသတ္တဝါ ၁၅ မျိုး၊ လိပ် မျိုးစိတ် ၂ မျိုး၊ ကင်းလိပ် ချောနှင့် ပုတ်သင်ညို မျိုးစိတ် ၅ မျိုးနှင့် အင်းဆက်လိပ်မျိုးစိတ် ၃၃ မျိုးခန့် ရှိကြောင်း သိရသည်။ အင်းအတွင်းရှိ ရေပျော်ငှက် များ၊ ဆောင်းခိုငှက်များနှင့် ရေ တိမ်ဂေဟစနစ်များကို တောရိုင်း တိရစ္ဆာန်နှင့် သဘာဝအပင်များကာကွယ်ရေးနှင့် သဘာဝနယ်မြေ များ ထိန်းသိမ်းရေး ဥပဒေပုဒ်မ (၃၅) ၊ (၃၆) နှင့် (၃၇) တို့ဖြင့် ကာကွယ်ထားကြောင်း သိရသည်။
