တရားသူကြီးတွေ အတွက် တရားစီရင်ရေး ကျင့်ဝတ် စာအုပ်ထုတ်ပြန် / ကျင့်ဝတ် ဖောက်ဖျက်က အရေးယူမည်ဟု တရားသူကြီးချုပ် ဆို

(နေပြည်တော် သြဂုတ် ၂)

မြန်မာနိုင်ငံမှာရှိတဲ့ တရားသူကြီးတွေ အတွက် တရားစီရင်ရေး ကျင့်ဝတ်ကို မိတ်ဆက် ထုတ်ပြန် လိုက်ပြီဖြစ်ပါတယ်။

ဒီကျင့်ဝတ် စာအုပ်ဟာ အပြည်ပြည်ဆိုင်ရာ စံချိန်စံညွှန်းနဲ့ ညီညွတ်တဲ့ တရားစီရင်ရေး ကျင့်ဝတ် စာအုပ် ဖြစ်တယ် လို့ ပြည်ထောင်စု တရား သူကြီးချုပ် ဦးထွန်းထွန်းဦးကပြောပါတယ်။

ဒီ တရားစီရင်ရေး ကျင့်ဝတ်စာအုပ်ဟာ ကျင့်ဝတ်ဆိုင်ရာ အပြုအမူတွေ အတွက် စံချိန်စံနှုန်းတွေ သတ်မှတ်ဖို့ ၊ တရားစီရင်ရေး တာဝန် ထမ်းဆောင်သည့် အခါ လမ်းညွှန်မှု ရရှိစေဖို့ ဖြစ်ကြောင်း ၊ ဒါ့အပြင် တရားစီရင်ရေး ကျင့်ဝတ်မှာ ပါဝင်တဲ့ အခြေခံ မူတွေ ဟာ နိုင်ငံတော် ရဲ့ အုပ်ချုပ်မှု အာဏာပိုင်နဲ့ ဥပဒေပြု အာဏာပိုင်တွေ ၊ ရှေ့နေတွေ ၊ တရားစီရင်ရေး ကဏ္ဍရဲ့ လုပ်ဆောင် ချက်တွေကို တိုင်းတာ ဆန်းစစ်နိုင်ဖို့ စံတစ်ခုအနေဖြင့် ရည်ရွယ်ရေးဆွဲခြင်းလည်းဖြစ်တယ်လို့ သူက ထပ်လောင်းပြောကြားခဲ့ပါတယ်။

ကျင့်ဝတ်စာအုပ် ထုတ်ပြန်လိုက်တဲ့အတွက် တရားသူကြီးတွေ ၊ တရားရေးဝန်ထမ်းတွေ ၊ တရားစီရင်ရေးကဏ္ဍနဲ့ ဆက်စပ် ပါဝင်သူတွေ အားလုံး တရားစီရင်ရေး စနစ်အပေါ် ပိုမို သဘောပေါက်နားလည်လာပြီး မျှတခိုင်မာတဲ့ တရားစီရင်ရေး စနစ် ဖြစ်ထွန်းပေါ်ပေါက် လာစေဖို့ မျှော်လင့်ကြောင်း ဦးထွန်းထွန်းဦးက ပြောပါတယ်။

ဒါကြောင့် တရားစီရင်ရေး ကျင့်ဝတ်ကို တရားသူကြီးတွေ လိုက်နာဆောင်ရွက်ဖို့ နဲ့ ကျင့်ဝတ်ဖောက်ဖျက်ခြင်း အတွက် အရေး ယူဆောင်ရွက် မှုတွေ လုပ်သွားမယ်လို့ သူက သတိပေးပြောကြားခဲ့ပါတယ်။

ဒီနေ့ အခမ်းအနားကို မနက် ၁၀နာရီက နေပြည်တော် သင်္ဂဟဟိုတယ် မှာ ကျင်းပခဲ့တာဖြစ်ပါတယ်။

ပြည်ထောင်စုတရား လွှတ်တော်ချုပ်ရဲ့ တရားစီရင်ရေးဆိုင်ရာ မဟာဗျူဟာ စီမံကိန်း ရည်မှန်းချက် “၄.၂.၂- ကျင့်ဝတ် စည်းကမ်း များကို ပြန်လည် သုံးသပ်ခြင်း၊ တရားစီရင်ရေး ဆိုင်ရာ ပညာရပ်နှင့် ကျင့်ဝတ်ဆိုင်ရာ နည်းဗျူဟာများ မြှင့်တင်ပေးခြင်း” အစီအစဉ်အရ တရား စီရင်ရေး ဆိုင်ရာကျင့်ဝတ်တွေ အသစ်ရေးဆွဲဖို့ ၊ အသစ်ရေးဆွဲထားတဲ့ ကျင့်ဝတ်တွေကို အကောင်အထည်ဖော်နိုင်ဖို့ လိုအပ် လာတဲ့ အတွက် အပြည်ပြည်ဆိုင်ရာ ဥပဒေပညာရှင်များအဖွဲ့ (ICJ)၊ ကုလသမဂ္ဂဖွံ့ဖြိုးမှု အစီအစဉ် (UNDP) တို့ရဲ့ နည်းပညာ ဆိုင်ရာ အကူအညီ၊ ဒိန်းမတ် သံရုံးရဲ့ အထောက်အပံ့တွေနဲ့ ပူးပေါင်းဆောင်ရွက်ပြီး အခု တရားစီရင်ရေး ကျင့်ဝတ် စာအုပ်ကိုထုတ်ပြန်နိုင် ခဲ့တာဖြစ်တယ်လို့ ပြည်ထောင်စု တရားသူကြီးချုပ် ဦးထွန်းထွန်းဦး က ပြောပါတယ်။

ဒီနေ့ကျင်းပတဲ့ အခမ်းအနားကို နိုင်ငံတော် ဖွဲ့စည်းပုံအခြေခံ ဥပဒေဆိုင်ရာ ခုံရုံး ဥက္ကဌ၊ ပြည်ထောင်စု တရား လွှတ်တော်ချုပ်တရား သူကြီးတွေ ၊ တိုင်းဒေသကြီး/ ပြည်နယ်တရား လွှတ်တော် တရားသူကြီးချုပ်တွေ ၊ တရားသူကြီးတွေ ၊ လွှတ်တော် အသီးသီးက ကိုယ်စားလှယ်တွေ ၊ အစိုးရဌာန အဖွဲ့အစည်းတွေ ၊ အရပ်ဘက်လူမှုအဖွဲ့အစည်းတွေ ၊ နိုင်ငံတကာ မိတ်ဖက် အဖွဲ့အစည်းများမှ ဖိတ်ကြား ထားသူတွေ ၊ ရန်ကုန်တိုင်းဒေသကြီး မှာရှိတဲ့ တက္ကသိုလ်များမှ ဥပဒေပါမောကတွေ ၊ ရှေ့နေတွေ ၊ ပြည်ထောင်စု တရား လွှတ်တော်ချုပ်ရုံးနဲ့ ပြည်ထောင်စု တရားစီရင်ရေး ကြီးကြပ်မှုရုံးတို့မှ တာဝန် ရှိသူတွေ တက်ရောက်ခဲ့ကြပါတယ်။

အခမ်းအနား အပြီးမှာ မြန်မာနိုင်ငံ တရားသူကြီးတွေ အတွက် တရားစီရင်ရေး ကျင့်ဝတ် ရှင်းလင်းဆွေးနွေးပွဲ နဲ့ တရားစီရင်ရေး ကျင့်ဝတ် အကောင်အထည်ဖော်ရေး ဆိုင်ရာ အလုပ်ရုံဆွေးနွေးပွဲ တို့ကို ဆက်လက် ကျင်းပပြုလုပ်နေတယ် လို့ ပြည်ထောင်စု တရားလွှတ်တော်ချုပ်ရုံး ပြည်သူ့ဆက်ဆံရေးဌာနကခွဲက သတင်း ထုတ်ပြန်ပါတယ်။

ရဲလွင်

Photo – ပြည်ထောင်စုတရားလွှတ်တော်ချုပ်ရုံး