3:48 pm
ရော်ဘာခြံ ဧက ၁၂ ဧကခန့်ပိုင်ဆိုင်သော ကိုမင်းဗညားဦးသည် ယခုတော့ ၎င်း၏ မိရိုးဖလာရော်ဘာလုပ်ငန်းကိုပင် ရပ်ဆိုင်း ရမလိုဖြစ်နေသည်။ မိဘများ လက်ထက်ကတည်းက လုပ်ကိုင်ခဲ့သော မုဒုံမြို့နယ် အတွင်းက ရော်ဘာခြံလုပ်ငန်းသည် သိပ် အဆင် မပြေတော့သောကြောင့် အိမ်တွင်ပင် စတိုးဆိုင်လေးဖွင့်၍ ပုံမှန်ဝင်ငွေရစေရန်လုပ်ဆောင်နေရခြင်းဖြစ်သည်။
၂၀၁၃ ခုနှစ်မှ စတင်၍ ရော်ဘာဈေးကျဆင်းမှု ဒဏ်ကို ကြံကြံခံရင်း ဆက်လက်လုပ်ကိုင်ခဲ့သော်လည်း အိမ်နီးခြင်းနိုင်ငံ များကဲ့ သို့ ဈေးကွက်ကို အဆင့်မီမီ တင်ပို့နိုင်ခြင်း မရှိသည့် အတွက် ရော်ဘာဈေးကွက်အတွင်း အခက်အခဲများစွာ ရင်ဆိုင်ခဲ့ရသည်။ ၂၀၁၃ ခုနှစ်တွင် ရော်ဘာဈေးကွက်ရာသီတွင် RSS3 တစ်ပေါင်လျှင် ၁၂၀၀ ကျပ်ဝန်းကျင်ရှိခဲ့သော်လည်း နောက်ပိုင်းနှစ်များတွင် ၎င်း အမျိုးအစားရော်ဘာ တစ်ပေါင်လျှင် ၈၅၀ ကျပ်သာ ရရှိခဲ့သောကြောင့် ကိုမင်းဗညားဦး အပါအ၀င် မွန်ပြည်နယ် ရှိ ရော်ဘာတောင်သူ များအတွက် အကြီးအကျယ် ဒုက္ခရောက်ခဲ့ကြသည်။
၂၀၀၅ ခုနှစ် မတိုင်ခင် မြန်မာနှစ်ရှည်ပင်လုပ်ငန်းဌာနအနေဖြင့် ရော်ဘာဝယ်ယူရေးလုပ်ငန်း လုပ်ကိုင်ခဲ့စဉ်က ရော်ဘာ ကဏ္ဍဖွံ့ဖြိုး တိုးတက်ဖို့ အတွက် မျိုးများ၊ နည်းပညာများဆောင်ရွက် ပေးခဲ့သောကြောင့် ရော်ဘာဈေးကွက်နှင့် အရည်အသွေးကို ထိန်းထားနိုင် ခဲ့သည်။ မွန်ပြည်နယ် အတွင်း ရော်ဘာ စိုက်ပျိုးဧက (၅)သိန်းရှိသော အနက် (၉၀)ရာခိုင်နှုန်း သည် ဧက (၂၀) အောက် စိုက်ပျိုးသော ခြံငယ်ရှင်များ ဖြစ်သည်။ အဆိုပါ ခြံရှင်ငယ်များအနေဖြင့် တစစ ကျဆင်းခဲ့သော ရော်ဘာဈေးကြောင်း ငွေကြေးမစိုက်ထုတ်နိုင်ကာ အဆင့်မြင့်ရော်ဘာပြား များထုတ်လုပ်ရာတွင်ပါ အခက်အခဲတွေ့နေသည်။
ရော်ဘာဈေးသည် ကမ္ဘာ့ ဈေးကွက်ပေါ် တွင် မှီခိုနေရကာ ထိုင်းနိုင်ငံ တွင် ရော်ဘာစိုက် တောင်သူများ အရှုံးပေါ်ချိန်တွင် ထိုင်းနိုင်ငံ အစိုးရ က ငွေစိုက်ထုတ် ၀ယ်ယူပေးခြင်း၊ တောင်သူ များ အတွက် ချေးငွေများ ထုတ်ပေးခြင်းစသော နည်းလမ်းများ သုံး၍ ဈေးကွက်ကို ထိန်းခဲ့သော် လည်း တစ်နိုင်ငံလုံး ရော်ဘာ စိုက်ပျိုးမှု၏ ၄၉ ရာခိုင်နှုန်း ဖြစ်သော မွန်ပြည်နယ် ရှိ တောင်သူများ အတွက် ကူရာကယ်ရာ မဲ့ခဲ့ပြီး ရော်ဘာ စိုက်ပျိုးမှု၏ ထက်ဝက် ခန့် လျော့ကျ ခဲ့သည်ဟု မွန်ပြည်နယ် ရော်ဘာ စိုက်ပျိုးထုတ်လုပ် သူများ အသင်း၏ ဥက္ကဌ မင်းကျန်းရစ် ကပြော သည်။
၎င်း၏ အဆိုအရ မွန်ပြည်နယ် အစိုးရ အနေဖြင့် ရော်ဘာ လုပ်ငန်း များနှင့် ပတ်သက်ပြီး ထောက်ပံ့ပေးမှုမျိုး၊ ဥပဒေ ရေးဆွဲ၍ စီးပွားရေး ဆိုင်ရာ လမ်းကြောင်းများ ဖွင့်ပေးမှု များကို ၎င်း ၏ ရော်ဘာတောင် သူ သက်တမ်း ၁၀ နှစ် ကျော် အတွင်း တစ်ခါ မှ မရှိခဲ့ဘူးကြောင်းပြော သည်။
“ပြည်နယ် အစိုးရ အနေနဲ့ ရော်ဘာကဏ္ဍမြှင့်တင်ဖို့ စိတ်ကူးရှိတယ် ဆိုတာပဲ ပြောနေတယ်။ တကယ်တမ်း ပြည်နယ်ရဲ့ လူဦးရေ ၄၀ ရာခိုင်နှုန်းလောက် မှီခိုနေတဲ့ ဒီလုပ်ငန်းပေါ်မှာ အစိုးရ ရဲ့ တုန့်ပြန်မှုဟာ နှေးတယ်ဆိုတာ သေချာပါတယ်။ ခုဆို ရော်ဘာ လုပ်ငန်းတွေ က တချို့ဆို ရပ်ဆိုင်းကုန်ပြီ။ ကူညီတဲ့ အဖွဲ့တော့ ရှိတယ် အစိုးရကတော့ မဟုတ်ဘူး။ GRO ဆိုတဲ့ ပရောဂျက်ကနေ ကျွန်တော်တို့ အသင်းနဲ့ ဆွေးနွေးတာတွေရှိတယ်။”ဟု ပြောသည်။
မြန်မာ့ရော်ဘာ အခွင့်အလမ်း မြှင့်တင်ရေး စီမံကိန်း (GRO) သည် အသေးစားရော်ဘာ စိုက်တောင်သူ များ အတွက် ဈေးကွက်ဖော်ဆောင်သည့် စီမံကိန်း တစ်ခုဖြစ်ပြီး ရော်ဘာပေါင်းစက်ရုံများအတွက် လုပ်ငန်း စီမံချက်များ ချပေးခြင်းစသော လုပ်ငန်း များဖြင့် ရော်ဘာတောင်သူ များကို အကူအညီပေးနေသည်။ လက်ရှိတွင် မွန်ပြည်နယ်တွင် အဆင့်မြင့် ရော်ဘာပေါင်းခံ စက် ၉ ရုံခန့်ရှိသော်လည်း အရည်အသွေးမြင့် ရော်ဘာ ထုတ်လုပ်ရန် အတွက် မှု နည်းပညာဆိုင်ရာ အခက်အခဲ များရှိနေဆဲဖြစ်သည်။
“ပြည်နယ် အစိုးရနဲ့ ကျွန်တော်တို့ တိုက်ရိုက် တွေ့ဆုံပြီး အလုပ်လုပ်ဖြစ်တာတော့ မရှိပါဘူး။ တွဲပြီးလုပ်ဖြစ်တာက စိုက်ပျိုးရေး ဦးစီးဌာန နဲ့ တွဲပြီး လုပ်ဖြစ်ပါတယ်။ ပြည်နယ် အစိုးရ ရဲ့ ရော်ဘာပေါ်လစီကို ကျွန်တော်တို့ သေချာမသိဘူး။” ဟု GRO ပရောဂျက်၏ တာဝန်ရှိသူ ဦးရဲလင်းထွဋ်က ၎င်းတို့ အတွေ့အကြုံကို ပြောပြသည်။
အခြားသော အခက်အခဲ တစ်ခုမှာ တောင်သူများအနေဖြင့် ရော်ဘာများကို အပြားဖြစ်စေရန် ပေါင်းခံရာတွင် ဖော်မစ်အက်စစ် (Formic Acid) ကို အသုံးပြုရမည့် အစား ဈေးနှုန်းသက်သာ၍ ၀ယ်ယူရ လွယ်ကူသော ဆာလဖြူရစ် အက်စစ် (Sulfuric acid) ကိုသာ အသုံးပြုနေသောကြောင့် မွန်ပြည်နယ်မှ ထွက်သော ရော်ဘာ ပြားများသည် အရည်အသွေး ညံ့နေဆဲဖြစ်သည်။
“ခြံငယ် အများစုမှာ ဖောမစ် အက်ဆစ် သုံးရမယ့် နေရာမှာ ဆာလဖျူရစ် အက်စစ်က ဈေးသင့်တဲ့ အတွက် ဆာလဖျူရစ် အက်စစ် ကို သုံးတာ မျိုး တွေ့ရတယ်။ ခြံတွေက အစေးကနေ အစေးပြား ထုတ်ရာမှာ ဖုန်မှုန့်၊ သဲ၊ ခဲ၊ အမှိုက်တွေကို ဇကာစစ်မှု အား နည်းနေသေး တယ်။ ဒိုင်တွေကလည်း အပြည်ပြည် ဆိုင်ရာ က သတ်မှတ် ထားတဲ့ ရော်ဘာ အဆင့်အတန်း အလိုက် ခွဲပြီး ဝယ်ယူဖို့ လိုအပ်တယ်။ အရည် အသွေး စစ်ဆေး အာမခံတဲ့ (Certification System) စနစ်သာရှိခဲ့ရင် နိုင်ငံခြား ဝယ်လက် က ဈေးနှိမ်ဖို့ အကြောင်း မရှိပါဘူး”ဟု မင်းကျန်းရစ်က ရှင်းပြ သည်။
မွန်ပြည်နယ် အစိုးရ အဖွဲ့၏ ရော်ဘာ လုပ်ငန်းဖွံ့ဖြိုးရေး တာဝန်ခံ ၀န်ကြီးဖြစ်သူ ဦးစောအောင်မြင့်ခိုင် က ” အစိုးရ အနေ နဲ့ ရော် ဘာတောင် သူတွေ ချေးငွေ ရအောင် ဆောင်ရွက်ပေး ဖို့တော့ ရှိပါတယ်။ အစိုးရ အနေနဲ့က ရော်ဘာ လုပ်ငန်းမြှင့်တင်ဖို့ အစီအစဉ် ရှိပါတယ်။ ဒါပေမယ့် ၀န်ကြီးချုပ် အပြောင်းအလဲ ကလည်း ဖြစ်ခဲ့တော့ ရော်ဘာလုပ်ငန်း ပေါ်လစီကို မချရသေးပါဘူး။” ဟုပြောဆိုသည်။
ဖွဲ့စည်းပုံအခြေခံ ဥပဒေ ဇယား၂ တွင် ပြဌာန်းထားသော အချက် များအရ သက်ဆိုင်ရာ ဒေသ အစိုးရများ အနေဖြင့် ဒေသန္တရ စီမံကိန်းများ၊ နှင့် ရင်းနှီးမြုပ်နှံမှုများကို အတိုင်းအတာ တစ်ခုအထိ ခွင့်ပြုပေးခြင်း၊ စီမံခန့်ခွဲခြင်း စသည် တို့ကို ပြုလုပ်နိုင်သော်လည်း မွန်ပြည်နယ် အတွင် ရော်ဘာကဏ္ဍတွင် ရင်းနှီးမြှုပ်နှံမှုများ ၀င်ရောက် လာစေရန် ပြည်နယ် အစိုးရ အနေဖြင့် ဆောင် ရွက်နိုင်ခြင်း မရှိသေးပေ။
မွန်ပြန်နယ်တွင် နှစ်ပေါင်း ၂၀ နီးပါး သတင်းစာ ဆရာအဖြစ် လုပ်ကိုင်လာခဲ့သူ ဦးသောင်းထွန်းကမှု ပြည်နယ်အစိုးရအနေဖြင့် စီးပွားရေး ဆိုင်ရာ စီမံခန့်ခွဲမှုများ အားနည်းနေကြောင်း ထောက်ပြသည်။ ၎င်းက ” ဥပမာ အနေနဲ့ ဆာလဖြူရစ် အက်စစ်ကို အစိုးရ က တောင်သူတွေ ကို မသုံးစေချင်ဘူးဆိုရင် အစိုးရ ရဲ့ လုပ်ပိုင်ခွင့်ထဲ ကနေ ဖော်မစ်အက်စစ် လို အရာမျိုးကို အခွန်လျော့ကောက်ခြင်း အားဖြင့် တောင်သူတွေက ဆာလဖျူရစ် အက်စစ်ကို သုံးတာ လျော့လာပြီး အရည်အသွေးမြင့် ရော်ဘာ ကုန်ကြမ်းတွေ ထွက်လာမယ်။ ဒါဆို ဈေးကွက်ထဲမှာ အဆင်ပြေလာနိုင်မယ်။”ဟု သုံးသပ်သည်။
ကိုမင်းဗညားဦး ကတော့ ရော်ဘာခြံပိုင်ရှင်၊ ရော်ဘာတောင်သူဘ၀ကို မစွန့်လွှတ်ချင်ပေမဲ့ စွန့်လွှတ်ရတော့ မလိုဖြစ်နေသည် ဟု ပြောလာသည်။ “ရော်ဘာဈေးကလည်း မကောင်းတော့ ရော်ဘာဈေးခြစ်တဲ့သူတွေကလည်း ထိုင်းနိုင်ငံဖက်ကိုပဲ သွားခြစ်နေ ကြတော့ ကျွန်တော်တို့ရဲ့ ရော်ဘာ အထွက်နှုန်းတွေ လည်း လျော့ကုန်ပြီ နောက်ဆို ရော်ဘာ စိုက်ပျိုးရေးကို လက်လျော့ ရမ လိုတောင်ဖြစ်နေ ပါပြီ။”ဟုပြောသည်။
မွန်ပြည်နယ် အစိုးရ အနေဖြင့် ရော်ဘာ လုပ်ငန်း အပေါ်တွင် အားပေး သယောင် ရှိသော်လည်း ရော်ဘာ လုပ်ငန်းနှင့် ဆက် စပ် နေသော သူများ၏ အဆိုအရ ပြည်နယ် အစိုးရ၏ စီမံခန့်ခွဲမှု ပိုင်း ဆိုင်ရာတွင် သိသာ ထင်ရှားသည့် ဥပဒေပြုခြင်း၊ သို့မဟုတ် ဆုံးဖြတ်ချက် တစ်ခု ချမှတ်၍ အားပေး အားထောက်ပြုခြင်း တို့ကို မတွေ့ရဟု ဆိုသည်။
ငြင်း၍ မရသော အချက်မှာ မွန်ပြည်နယ်လူဦးရေ၏ သုံးပုံ တစ်ပုံ သည် ရော်ဘာ လုပ်ငန်းများကို မှီ၍ အသက်မွေး စီးပွားဖြစ်ကြ သည်။ ထို့ကြောင့် ရော်ဘာ လုပ်ငန်း ကျဆုံးလျှင် မွန်ပြည်နယ် ကျဆုံးမည် ဖြစ်ပြီး ရော်ဘာ လုပ်ငန်း အောင်မြင်လျှင် မွန်ပြည်နယ် အောင်မြင်မည် ဟု မွန်ပြည်နယ် အတွင်းရှိ စီးပွားရေး လုပ်ငန်းရှင် များက ယုံကြည်နေကြ ဆဲဖြစ်သည်။
မှူးအိမ်ဇော်
