5:42 pm
ဟိုတုန်းက တော်တော်ကြီး ကိုကြာခဲ့ပြီ ဖြစ်တဲ့ ခေတ်ကာလတွေ တုန်းက ဆိုရင် သဘာဝတရားကြီး က ဖန်တီး ပေးထားတဲ့ ပတ်ဝန်း ကျင် တောတောင် ရေမြေတွေဟာ အားထားစရာ ကိုးကွယ်စရာတွေ လို့ လူသားတွေဟာ ယူဆခဲ့ကြ တယ်။ သဘာဝဝန်းကျင် နဲ့အတူ သယံဇာတ ဆိုတာတွေကို မတို့မထိ ဘဲ အလေးအမြတ် ပြုထားခဲ့ကြတာ မို့လို့ လူသားတွေ အနေနှင့်သဘာဝ တရား ရဲ့ လွှမ်းမိုးမှုကို အလွန်အမင်း ခံစားခဲ့ကြရတယ်လို့ မှတ်ချက်ချမှု တချို့ကိုလည်း ဖတ်ရှု မှတ်သားခဲ့ ဖူးတယ်။ ခေတ်တွေ ခေတ်တွေ ပြောင်းလာ လိုက်ပြီးတော့ လူသာ လျှင်ပဓာနဆိုတဲ့ အယူအဆက ခေတ်စား တွင်ကျယ်လာပြန်ရော တဲ့။
တစ်ပြိုင်နက်ပဲ တိုးပွားလာတဲ့ လူဦးရေတွေ အတွက် လိုအပ်တာ တွေပြည့်စုံအောင် ဖြည့်ဆည်းဆောင် ရွက်ကြရင်း၊ လူတွေရဲ့ အတ္တ စိတ် တွေ တိုးပေါင်းလိုက်တဲ့ အခါမှာရေ မြေတောတောင်တွေ သယံဇာတ တွေဆိုတာဟာ ငါတို့အတွက် ဖြစ် တည်နေတာပဲ လို့ ယူဆကြပြန် ရော။ ရုပ်ပိုင်းဆိုင်ရာ တိုးတက်မှု အတွက် လူ့အဖွဲ့အစည်း အသီးသီး ဟာ ကမ္ဘာမြေ အမွေအနှစ်ကို နိုင် သလောက် စွမ်းသလောက် ထုတ် သုံးလိုက်ကြတာပေါ့။ ဥပမာ မြစ် ဆိုတာမျိုးက ရေကြောင်း သယ်ယူ ပို့ဆောင်ဖို့၊ ငါးဖမ်းဖို့၊ သုံးရေ စိုက်ရေရဖို့ သာမက တချို့ကဆိုရင် သူတို့လုပ်ငန်းက ထွက်လာတဲ့ စွန့် ပစ်ပစ္စည်းတွေ ဘေးထွက်ပစ္စည်း တွေကိုသဘာဝ အလျောက် သယ် ယူသွားပေး မယ့် အရာ (Natural Transporter) လို့တောင် သတ်မှတ် ခဲ့ကြတယ်လေ။ အကျိုးဆက်က တော့ ကြီးပွားခဲ့ကြတဲ့ အလျောက်၊ တိုးတက်ခဲ့ကြတဲ့ အလျောက်တစ် ဖက်မှာလည်း သဘာဝပတ်ဝန်း ကျင်တွေဟာ သိသိသာသာကြီးကို ပျက်စီး ယိုယွင်းခဲ့ရတယ်လေ။
နောက်ထပ်မျိုးဆက် မျိုးဆက် တွေ ပြောင်းလာကြပြန်တော့ အ တွေးအခေါ် အယူအဆ အသစ်တွေ ပေါ်လာကြပြန်ရော။ လူ့အဖွဲ့အ စည်းတွေ နိုင်ငံတွေဟာ ကြီးပွား တိုးတက်မှု (Growth) ကို ချည်း သွားရမှာမဟုတ်ဘူး။ ဖွံ့ဖြိုးမှု (Development) ဘက်ကို ဦးတည် ကြရမှာလို့ ဖြစ်လာကြတယ်လေ။ တစ်ခါ (၂ဝ)ရာစုနှောင်းပိုင်း ကို ရောက်လာပြန်တော့ ဖွံ့ဖြိုးမှုက ရိုး ရိုးတောင် မဟုတ်တော့ဘူး၊ ရေ ရှည် တည်တံ့သော ဖွံ့ဖြိုးမှု (Su-stainable Development) တဲ့။ အဲ့ဒီမှာ လူသားတို့နဲ့ သဘာဝ ပတ် ဝန်းကျင် အကြား ရေရှည် တည်တံ့ စွာနေထိုင်မှုဆိုတာ ခေတ်စားလာ ပါတယ်။ Sustainable အယူ အဆအရ သဘာဝပတ်ဝန်းကျင် ဆိုတာဟာ လူသားတို့ ကိုးကွယ်ရာ မဟုတ်သလို သဘာဝ ပတ်ဝန်း ကျင်နှင့် သဘာဝအရင်း အမြစ်များ စဉ်ဆက်မပြတ် ရေရှည်တည်တံ့ စေရေးအတွက် ဆောင်ရွက်နိုင်ရ မယ်၊ အဲ့ဒါမှ ကမ္ဘာတစ်ခုလုံး ဆက် လက် ရှင်သန်နိုင်မယ်လို့ ဆရာတစ် ယောက် ပြောဆို ဖူးတာလေးလည်း မှတ်သားမိတယ်ဗျ။
အင်း အဲ့ဒါကြောင့်မို့ပဲ ထင် ပါတယ်။ ကမ္ဘာ့ကုလသမဂ္ဂက အ သစ်ရေးဆွဲ ထုတ်ပြန်ထားတဲ့ စဉ် ဆက်မပြတ် ဖွံ့ဖြိုးမှု ပန်းတိုင်များ (Sustainable Development Goals – SDG) ထဲမှာ ဒါတွေနဲ့ပတ် သက်ပြီး ပန်းတိုင်နှစ်ခုတောင် ထည့်သွင်းရေးဆွဲ ထားတာနေမှာ။ ၂ဝ၁၇ ကမ္ဘာ့ ပတ်ဝန်းကျင်နေ့ရဲ့ ဆောင်ပုဒ်ဖြစ်တဲ့ Connect People to Nature ကိုလည်း လူသားတွေ တိုးတက် ဖွံ့ဖြိုးမှုနဲ့ ဝန်းကျင် ရင်းမြစ် တွေ ရေရှည်တည်တံ့မှု ဒီနှစ်ခုကို သဟဇာတ ဖြစ်စေဖို့ တိုက်တွန်း ထားတယ်လို့ပဲ နားလည်မိတယ်ဗျ။
ဝန်းကျင် ထိန်းသိမ်းဖို့ ရင်းမြစ် ချွေတာဖို့ဆိုတာတွေဟာ အငို လွယ်သလောက် အရှိုက်ခက်တယ် လို့ ပြောရင်ရမလား မသိဘူး။ အ သိတရား၊ ခံယူချက်တွေနဲ့ အတူ စွမ်းဆောင်နိုင်မှုတွေ၊ အားပေးပံ့ပိုး မှုတွေ လိုအပ်ပေတာကိုး။ ကလေး လေး တစ်ယောက်ဟာ ရုပ်မြင်သံ ကြားက ထုတ်လွှင့်နေတဲ့ ပညာ ပေးဆန်ဆန် ကုန်ပစ္စည်းကြော်ငြာ တိုလေးကို အရမ်းသဘောကျမိ တယ်။ အဲ့ဒီအတိုင်း သူလိုက်လုပ် ကြည့်တယ်။ မနက် အိပ်ရာထတဲ့ အခါ ရေဘုံပိုင်ခေါင်းဖွင့်ပြီး မျက် နှာသစ်တယ်၊ ပြန်ပိတ်တယ်၊ သွား တိုက်တံ ယူပြီး ရေခေါင်းပြန်ဖွင့်ပြီး ဆေးတယ်၊ ပြန်ပိတ်တယ်၊ သွား တိုက်ဆေး ထည့်ပြီး ရေပြန်ဖွင့် ပလုပ်ကျင်း၊ ရေပြန်ပိတ်၊ သွား တိုက်၊ ပြီးတော့ မှ ရေပြန်ဖွင့်၊ ပလုပ်ကျင်းပြီး သွားတိုက်တံ ကို ပြန်ဆေးပေါ့။ အဲ့ဒါကို အမေလုပ် တဲ့သူက တွေ့သွားပါရော။ သား လုပ်တဲ့သူကို ဘာပြောသလဲဆို တော့ ”ဟဲ့ကောင်လေး မျက်နှာ တစ်ခါသစ်တာ ရေခေါင်းကို အဲ့ဒီ လောက် ဖွင့်လိုက် ပိတ်လောက် လုပ်မနေစမ်းနဲ့။ ခေါင်းပျက်သွားလို့ အသစ်လဲ ရရင် ပစ္စည်းဖိုးလက်ခ က နည်းတာမဟုတ်ဘူး” တဲ့။ အေးလေ သူတို့တန်ဖိုးထားတဲ့ အ ရာက တစ်ခုကိုး။
ကြုံကြိုက်တုန်း ဇာတ်လမ်းလေး တစ်ပုဒ်ကို ပြောပြချင်သေးတယ်။ တစ်ခါတုန်းက မြို့သေးသေးလေး တစ်မြို့နဲ့ မနီးမဝေးမှာ ရွက် အုပ် တော်တော်ထူပြီး ပင်ကြီးပင် ကောင်းတွေ ပေါများတဲ့ တောအုပ် ငယ်တစ်ခုရှိတယ်။ ရေစီးသန်တဲ့ မြစ်တစ်မြစ် ကလည်း အဲ့ဒီတော အုပ်အစပ်နဲ့ထိပြီး ဖြတ်သန်း စီးဆင်း နေတာပေါ့။ တစ်နေ့ကျတော့ မြို့ လေးဆီက မိသားစုတစ်စုဟာ တော အုပ်အနား ကို ပြောင်း လာကြပြီး တောထဲကသစ်တွေနဲ့ပဲ မြစ်ကမ်းနံ ဘေးမှာ အိမ်အကြီးကြီး တစ်လုံး ဆောက်လို့ လူလည်းနေ စီးပွားရေး လည်း လုပ်ကြတာပေါ့။ ခပ်တိုတို ပြောရရင် အဲ့ဒီသစ်တော အဲ့ဒီမြစ် ကို အသုံးချလို့ စီးပွား ဖြစ်ကြတယ် ပေါ့။ ဒီလိုနဲ့ သစ်တောလည်းပါး လာ၊ မြစ်ရေလည်း နောက်၊ ငါး လည်းရှားလာ ဖြစ်လာခဲ့တယ်။ အဲ့ ဒီအခါကျတော့မှ အိမ်ကြီးရဲ့ အ ကြီးအကဲ လုပ်သူက ငါ့သားတွေ လက်ထက်ကျရင် လုပ်စားစရာမရှိ တော့ဘဲနေလိမ့်မယ်၊ တောနဲ့ မြစ် ကို နိုင်သလောက် ထိန်းမှလို့ စိတ် ကူးပေါ်ပြီး ထိန်းသိမ်းမှုတွေ စလုပ် တော့တာပေါ့။
အဲ့ဒီအချိန်မှာ တခြား မိသားစု တစ်စုက ထပ်ပြောင်းလာပြီး ရသ မျှဝါးလေးတွေနဲ့ အိမ်ဆောက်နေ ကြတာပေါ့။ သူတို့ လည်း ရှေ့လူ တွေလိုပဲ ဒီတော ဒီမြစ်ကို အသုံးချ ဖို့ ရသမျှ စီးပွားရှာကြမယ်ပေါ့။ အဲ့ဒီအကြောင်းကို အိမ်ကြီးပေါ်က သူတွေက သိသွားတော့ အိမ်လေး ပေါ်က သူတွေကို ခေါ်ပြောတယ်။ သစ်တောနဲ့ မြစ်ဟာ ယိုယွင်းပျက် စီးလာလို့ ကာကွယ် ထိန်းသိမ်း ဖို့ တွေလုပ်နေရတယ်။ အခုနေမဆင် မခြင် အသုံးပြုလိုက်ရင် ဒီပတ်ဝန်း ကျင်ကြီး ထိခိုက် ပျက်စီးသွားလိမ့် မယ် စသည် စသည်ဖြင့် ပြော တာပေါ့။ အိမ်ငယ်ပေါ်ကသူက မျက်စိသူငယ် နားသူငယ်နှင့် လေ ပြည်ထိုး ပြန်ပြောရှာပါတယ်။ လူ ကြီးမင်းတို့က စီးပွားလည်းရှာခဲ့ပြီး ပြီ စီးပွားလည်း ဖြစ်ခဲ့ပြီးပြီ၊ အခု ကျုပ်တို့က လက်ကျန်အနေအထား လေးမှာ ရသလောက်လေး စီးပွား စရှာမယ်လည်းဆိုရော မလုပ်ရဘူး ဆိုတော့ဗျာ … ။ ဇာတ်လမ်း လေးကတော့ ဒါပါပဲ။
တကယ်တမ်းကျတော့ အဲ့ဒီ အိမ်ကြီးပေါ်က သူရော အိမ်လေး ပေါ်ကသူမှာပါ တူညီတာ တစ်ခု ရှိနေတယ်ဗျ။ အဲ့ဒါကတော့ လိုဘ ဆိုတာပါပဲ။ လိုဘလို့ ဆိုလိုက်တာနဲ့ မကောင်းတဲ့အရာ၊ မရှိသင့် မထား သင့်တဲ့အရာဆိုပြီး အစွန်းတစ်ဖက် ထွက်ကာ မတွေးလိုက် မမြင်လိုက် ကြပါနဲ့ဦး။ Self-interest နဲ့ Selfishness မတူကြောင်းကို ဘောဂဗေဒ ပညာရှင် ဆရာကြီး တွေ ရှင်းပြ ပြောပြထားတာတွေ လည်း သိထားကြားထားပြီး ဖြစ်ကြ မှာပါ။ လိုဘ ဆိုတာကလည်း ကောင်းကျိုးဆန္ဒကို အခြေခံထား တာမျိုး၊ ကိုယ်ကျိုးစီးပွား ဆိုပေမယ့် ကျန် ဆက်နွှယ်နေသူတွေကိုပါ မြှင့် တင်ဆွဲခေါ်သွားနိုင်တာမျိုးတွေ လည်း ရှိတတ်တယ်လေ။ ဒါနဲ့ဆန့် ကျင်ဘက်လည်း ရှိတာပါပဲ။
လူရယ်လို့ဖြစ်လာမှဖြင့် အတ္တ ကင်းပြီး လောဘရှင်းတဲ့ လူရယ်လို့ ဘယ်ရှိနိုင် ပါ့မလဲနော်။ အတ္တ နည်း၊ လောဘ သတ်နိုင်တဲ့သူတွေ ကတော့ရှိတာပဲပေါ့။ တစ်နည်း အားဖြင့် ဆန္ဒကိုသတိ အသိတွေ နှင့် ဘောင်ကွပ်နိုင်သူတွေပေါ့။ လို ချင်တာ ဖြစ်ချင်တာတွေ မရှိကြ တော့ဘူးဆိုရင်လည်း လူတွေဟာ ကြီးပွားဖို့ တိုးတက်ဖို့ရာကို ဘယ် ကြံဆောင် လုပ်ကိုင်ကြတော့မှာ လဲပေါ့နော်။ အဲ့ဒီတော့ လိုဘပဲ ပြောပြော လောဘပဲ ဆိုဆို ရှိထိုက် သလောက်တော့ ရှိသင့်တာပေါ့။ အဲ့ဒီလို အထိန်းအကွပ်နဲ့ လိုဘ မျိုးသာ အိမ်ကြီးပေါ်ကလူရော အိမ်လေးပေါ်က လူမှာပါ ရှိခဲ့မယ် ဆိုရင် ပထမလူကလည်း အစက တည်းက ထိန်းထိန်း သိမ်းသိမ်းလုပ် ခဲ့မယ်။ နောက်လူကိုလည်း ကျိုး ကြောင်းဆီလျော်စွာ လမ်းပြခေါ် မယ်။ ဒုတိယလူကလည်း ပထမလူ လို မမှားအောင် ကြံဆောင်မယ်ဆို ရင် ဘယ်လောက် ကောင်းလိုက်မ လဲဗျာ။ တစ်နည်းပြောရရင် ကျင့် ဝတ်ရှိစွာ စီးပွားရှာပေါ့ဗျာ။
ဒုတိယလူဘက်က ကြည့်ပြန် တော့လည်း ပတ်ဝန်းကျင်ကြီး ယို ယွင်းလာပြီး ဆိုတာနဲ့ပဲ သူကဘာမှ မလုပ်ရတော့ဘူး တဲ့လား၊ အလုပ် တစ်ခုဟာ ကောင်းကျိုးဖြစ်စေမယ့် ဟာတွေက ဆိုးကျိုးဖြစ်စေမယ့် ဟာတွေထက် ပိုများနေရင် လုပ်သင့် တာပဲ မဟုတ်လား၊ ဘောဂဗေဒ သဘောတရားအရ Public Goods တို့ Common Resources တို့ ဆို တာတွေဟာ သူတို့နဲ့လည်း သက် ဆိုင်တယ်မဟုတ်လား၊ အခုမှ အ ခြေတည်ပြီး တိုးတက်အောင် စလုပ် ရမယ့် အခြေအနေမျိုးမှာ ပတ်ဝန်း ကျင်ကိုသည့်ထက် ပိုပြီး မယိုယွင်း သွားအောင်၊ ပြီးတော့မှ ဒီထက်ပို ပြီး ကောင်းလာအောင် စီမံဆောင် ရွက်တာမျိုး (Environmental Management) အရင် မလုပ်သင့် ဘူးလား၊ စသည်ဖြင့် လားပေါင်း များစွာ မေးခွန်းတွေ ရှိနေမှာပါ။
စဉ်းစားမိသလောက် ပြောရ ရင်ဝန်းကျင် တစ်ခွင်ကို ထိန်းသိမ်း ကာကွယ်ကြမယ်ဆိုတာရော၊ လူမှု စီးပွား တိုးတက်ဖို့၊ ပြီးတော့ ဖွံ့ဖြိုး ဖို့ဆောင်ရွက်တာရော နှစ်ခုစလုံး က ဓမ္မတွေပါ။ အဓမ္မ တစ်ခုမှ မပါ ပါဘူး။ ဓမ္မနှင့် ဓမ္မဟာ ယှဉ်ပြိုင် ဖို့မဟုတ်ပါဘူး၊ ယှဉ်တွဲဖို့သာပါ။ အဲ့ဒီနှစ်ခုစလုံးမှာ စေတနာကောင်း တွေ စေတနာသန့်တွေ ပေါင်းထည့် လိုက်မယ်ဆိုရင် မျဉ်းပြိုင်နှစ် ကြောင်း ဦးတည်ရာ တူသွားမှာပါ။ တစ်ခါ အပြန်အလှန် ယုံကြည်မှု အားကိုးမှုတွေကို ထပ်ဖြည့်နိုင်ရင် မျဉ်းပြိုင်နှစ်ကြောင်းရဲ့ကြားက အဟလေး ကျဉ်းသထက် ကျဉ်းလာ ပြီး တစ်ထပ်တည်း ကျသွားမှာပါ။ အဲ့ဒီတော့ကာ ဦးတည်ရာတူပြီး တစ်ထပ်တည်း ကျနေတဲ့ မျဉ်းပြိုင် နှစ်ကြောင်းကိုရေးဆွဲဖို့ ကြိုးစား ကြရအောင်။
(သိဏ်းစိုး)
ပတ်ဝန်းကျင်လေ့လာမှု၊ ပထဝီ ဝင်ဆိုင်ရာ၊ ဘောဂဗေဒနှင့် ဖွံ့ဖြိုး မှုပညာများကို သင်ကြားပို့ချ မျှဝေ ပေးခဲ့ကြသော လက်ရှိလည်းပညာ မျှဝေပေးလျက်ရှိသော သင်ဆရာ၊ မြင်ဆရာ၊ ကြားဆရာ အားလုံးအား ဂါဝရပြုအပ်ပါသည်။ ဤဆောင်း ပါးသည် သင်ခဲ့ဖူးသည့်၊ ဖတ်ရှုခဲ့ ဖူးသည့်၊ လေ့လာခဲ့သည့်၊ တွေ့ကြုံ ခဲ့ဖူးသည့်၊ ကြားခဲ့ဖူးသည့် အ ကြောင်းအရာအချို့ကို မိမိစဉ်းစား တွေးတောမိသည်များနှင့် ပေါင်း စပ်ပြီး ထုတ်နုတ်ရေးသားထားခြင်း ဖြစ်ပါသည်။ အကယ်၍ ယခုဖော် ပြ ရေးသားထားမှုများသည် မူလ သီအိုရီအဆိုများနှင့် ကင်းကွာ သွား ခြင်း လွဲချော်သွားခြင်းများ ရှိခဲ့ပါ လျှင် စာရေးသူ၏ အမှတ်မှားယွင်း မှုနှင့် ပုဂ္ဂလိကဆန္ဒ လွန်ကဲမှု များ ကြောင့် သာဖြစ်ပါကြောင်း လေး စားစွာအသိပေးအပ်ပါသည်။
