5:49 pm
မြန်မာနိုင်ငံ အပါအဝင် နိုင်ငံ ပေါင်းများစွာတွင် နွေအခါ ရေရှားပြီး မိုးအခါ ရေကြီးရေလျှံခြင်း တို့ကို နှစ်စဉ်လိုလို ဆက်တိုက် ကြုံတွေ့ ခံစားနေကြရသည်။ အကယ်၍သာ ရေကို ယခုထက်ပိုမို ကောင်းမွန် စွာ စီမံခန့်ခွဲသုံးစွဲနိုင်ခြင်း မရှိလျှင် လာမည့်နှစ်ပေါင်း သုံးဆယ် အတွင်း ရေပြဿနာသည် ကပ်ဘေးအသွင် သို့ရောက်တော့မည်။ ထိုအချိန်ကျ လျှင် ကမ္ဘာ့နိုင်ငံများ၏ ထက်ဝက် တွင် ရေ လိုအပ်ချက်ကို ရေရရှိမှုက အလျဉ် မီအောင် ဖြည့်ဆည်းပေး နိုင်တော့မည် မဟုတ်ချေ။ စိမ်းစို သော မြက်ခင်းနှင့် မြေသားတို့ သည် လွင်တီးခေါင် ကန္တာရများ အဖြစ်သို့ ပြောင်းလဲရောက်ရှိမည်။ လူသန်းပေါင်း များစွာသည် ရေရှား ရာအရပ်ကို စွန့်ခွာ၍ ရေရသော အရပ် သို့ ပြောင်းရွှေ့ကြမည်။
ကမ္ဘာ့စီးပွားရေး ဖိုရမ်က ၂ဝ၁၆ ခုနှစ်က ထုတ်ပြန်ခဲ့သည့် ‘ကမ္ဘာလုံးဆိုင်ရာ အန္တရာယ်ဖြစ်နိုင် ခြေ အစီရင်ခံစာ’ အလို အရ ရေ ကောင်းရေ သန့် ရှားပါးမှုသည် အန္တရာယ်ဖြစ်နိုင်ခြေ အရှိဆုံးနှင့် သက်ရောက် ထိခိုက်မှု အပြင်းထန် ဆုံးစာရင်းတွင် ထိပ်ပိုင်း၌ ပါဝင် နေကြောင်းတွေ့ရသည်။ ရေပြဿ နာနှင့်အတူ အန္တရာယ်အဖြစ်နိုင် ဆုံးစာရင်းတွင် ပါဝင်သော အခြား ပြဿနာနှစ်ခု မှာ လူသားများ ဆန္ဒမပါဘဲ နေရာရွှေ့ပြောင်းနေထိုင် ရခြင်းနှင့် ရာသီဥတု ပြောင်းလဲမှု၏ အကျိုးဆက်ကို သက်သာအောင် မလုပ်နိုင်ခြင်း တို့ ဖြစ်ကြသည်။
ကြီးထွားလာနေသော ရေပြ ဿနာတွင် ရာသီဥတု ပြောင်းလဲ ခြင်းသည် အကြောင်းတစ်ခု အနေ နှင့် ဆက်စပ် ပါဝင်နေသည်။ ရာ သီဥတု ပြောင်းလဲ လာသဖြင့် မိုးရာ သီတိုတောင်းလာခြင်း၊ မိုးနည်းလာ ခြင်းတို့ကြောင့် ရေလှောင် ကန်များ နှင့် မြေအောက်ရေလွှာ များ ရေ ပြန် လည်ဖြည့်တင်းရန် အချိန်ပို ကြာလာမည်။ ပိုပူလာသော ရာ သီဥတုကြောင့် အငွေ့ပို ပျံလာသော လေထု အတွင်း ရေငွေ့ ပမာဏ ပို များလာပြီး ရုတ်တရက် မိုးသည်း ထန်စွာ ရွာသွန်းမှုကြောင့် လျှပ် တစ်ပြက် ရေကြီးမှုများ ပိုဖြစ် လာမည်။ လျှပ် တစ်ပြက် ရေကြီးမှု များကြောင့် မြေဆီလွှာပို၍ အတိုက် စားခံရကာ မြစ်ချောင်းနှင့် ရေကန် များအတွင်း အနည်ပိုများ လာ ကာ ရေလှောင် ပမာဏ လျော့နည်းလာ ခြင်း၊ ရေ အရည်အသွေး ကျဆင်း လာခြင်းတို့ကို ကြုံတွေ့ရမည်။ ဆီးနှင်းအကျ နည်းလာသဖြင့် ဆီးနှင်းပျော်ရေများ စီးဆင်းနေ သော မြစ်ကြီးများတွင် ရေထုထည် နည်းလာမည်။
လူဦးရေ တိုးတက်လာခြင်းနှင့် နိုင်ငံ အများအပြား၌ ဝင်ငွေ ကောင်း၍ လူနေမှု အဆင့်မြင့်လာ သော လူတန်းစား အချိုးအဆ ပို များလာခြင်းက ရေပြဿနာ၏ အခြားအကြောင်းတစ်ခု ဖြစ်သည်။ ဝင်ငွေကောင်း၍ လူနေမှု အဆင့် မြင့်သော သူများသည် ရေကို ပို၍ သုံးစွဲကြသည်။ ပိုသုံးသည်ဆိုရာ၌ ရေကို ပိုသောက် ပိုချိုးသည်ကိုသာ ဆိုလိုသည်မဟုတ်၊ အသားနှင့် အသီးအနှံတို့ကို ပိုစား၊ အသုံး အဆောင် များကို ပိုသုံးသည်ကို လည်း ရည်ရွယ်သည်။ စားနပ် ရိက္ခာအသုံးအဆောင်နှင့် လုပ်ငန်း ဆောင်တာ အမျိုးမျိုးတို့ကို စိုက်ပျိုး မွေးမြူ ထုတ်လုပ်ဆောင်ရွက်ရာ တွင် ရေပမာဏ အမြောက်အမြား သုံးစွဲရသည်။ အဆိုပါ ကိစ္စအရပ် ရပ်တွင် သုံး စွဲသော ရေပမာဏ သည် သောက်ရေချိုးရေ ပမာဏ ထက် အဆပေါင်းများစွာ ပိုသည်။ ဥပမာ လူတစ်ယောက် ၏ လိုအပ် ချက်သည် သောက်ရေ ၂ လီတာ၊ ချိုးရေ သုံးရေလီတာ ၁ဝဝ မျှသာ ရှိသော်လည်း ဆန်တစ်ကီလိုဂရမ် ထုတ်ရန် ရေ လီတာပေါင်း ၂၅ဝဝကျော် ကုန်သည်။ ကြက်သား တစ်ကီလို ဂရမ်ရရန် ရေလီတာပေါင်း ၄ဝဝဝ ကျော်၊ ငှက်ပျောသီး တစ်ကီလိုဂရမ် ရရန် ရေလီတာ ၅ဝဝ သုံးရသည်။
ဤအခြေအနေကို တန်ပြန် ရန် နည်းလမ်း များစွာ အနက် တစ် ခုမှာ လေလွင့် ပြုန်းတီးမှုများ၊ မကုန်သင့်ဘဲ ကုန်နေသည် များကို လျှော့ ချရန်ဖြစ်သည်။ ခန့်မှန်းချက် များအရ ထုတ်လုပ်လိုက်သော စားနပ်ရိက္ခာ ပမာဏ၏ သုံးပုံတစ်ပုံ သည် လူတို့၏ ဝမ်းဗိုက် ထဲမရောက် ဘဲ လေလွင့် ဆုံးရှုံးနေသည်။ ဤအချက် မှန်ကန်ကြောင်း စားသောက်ဆိုင် များ၊ အလှူအတန်းများတွင် မစား မသောက်ရဘဲ အမှိုက်ပုံးထဲ သွန်ချ နေရသော အစားအသောက်များကို ဂရုပြု၍ ကြည့်လျှင် အလွယ်တကူ မြင်နိုင်သည်။ ဆိုင်နှင့် အလှူအတန်း များတွင် သာမက ဝင်ငွေအသင့် အတင့်ရှိသော်လည်း ချွေတာရေး စိတ်ဓာတ် မရှိသည့် မိသားစုများ တွင် အစားအသောက် အမြောက် အမြား အလဟဿ ဖြစ်နေကြသည်။ တစ်ကီလိုဂရမ်မျှသာ အသီးသီး လေးသော ဆန်၊ ကြက်သား၊ ငှက် ပျောသီး သုံးမျိုးအတွက် ကုန်သော ရေ လီတာ စုစုပေါင်းသည် လီတာ ၇ဝဝဝ မျှဖြစ်ရာ စည်းကမ်း မရှိသော မိသားစုတစ်စုတည်း၌ စွန့်ပစ် အစားအသောက် များနှင့်အတူ လိုက်ပါ ဆုံးရှုံးသွားသော ရေလီတာ ပေါင်း တစ်လလျှင် သိန်းနှင့်ချီ၍ရှိ နေသည်ကို ဥာဏ်မျက်စိဖြင့်ကြည့် လျှင် အလွယ် တကူမြင်နိုင် သည်။
အစားအသောက် ဘက်တွင် သာမဟုတ် လျှပ်စစ်စွမ်းအင် ထုတ်ရာတွင်လည်း ရေအမြောက် အမြား သုံးပြီးမှသာ လျှပ်စစ် ထွက်ပေါ် သည်။ ရေအားလျှပ်စစ် စက်ရုံများသည် ရေမရှိလျှင်၊ လျော့နည်းလျှင် လျှပ်စစ်ဓာတ် လုံ လောက်စွာ မထုတ်နိုင်ကြောင်း နွေအခါ တိုင်း မီးပြတ်သော ဒုက္ခကို ခံနေရသည့် မြန်မာတို့ ကောင်းစွာ သဘောပေါက်ပြီး ဖြစ်သည်။ ရေ အားလျှပ်စစ် သာမက ကျောက် မီး သွေး မှစ ကာ နျူကလီးယားသုံး လျှပ်စစ်ထုတ် စက်ရုံများ အထိ ရေ ကိုသုံးရသည်။ ကျောက်မီးသွေး၊ နျူကလီးယား စသည်တို့မှ ရသော အပူဖြင့် ရေကို အပူပေး၊ ရေနွေး ငွေ့ဖြစ်စေကာ တာဘိုင်နှင့် ဂျင်န ရေတာများကို လည်ပတ်စေပြီးမှ လျှပ်စစ်ထွက်သည်။ စက်ရုံသုံး ကိ ရိယာများကို အအေးခံရာတွင် လည်း ရေကို လိုသေးသည်။
ကျောက်မီးသွေးသုံး လျှပ်စစ် ထုတ်စက်ရုံသည် လျှပ်စစ် တစ်ကီ လိုဝပ်နာရီ ထုတ်တိုင်း ရေလီတာ ၅ဝဝ မှ ၂ဝဝဝ အထိ၊ နျူကလီး ယားသုံး လျှပ်စစ်ထုတ်စက်ရုံသည် လျှပ်စစ် တစ်ကီလိုဝပ်နာရီ ထုတ် တိုင်း ရေလီတာ ၃ဝဝဝဝ မှ ၇ဝဝဝဝ အထိ၊ ဇီဝလောင်စာသုံး လျှပ်စစ် ထုတ်စက်ရုံသည် လျှပ်စစ် တစ်ကီလိုဝပ် နာရီထုတ်တိုင်း ရေလီတာ ၃ဝဝဝဝ မှ ၃ဝဝဝဝဝ ကျော်အထိသုံးသည်။ တစ်ကမ္ဘာ လုံး လျှပ်စစ်ဓာတ်အား ထုတ်လုပ်ရေး အတွက် ကုန်ခန်းသော ရေပမာဏ မှာတစ်နှစ်လျှင် ကုဗမီတာဘီလျံ ပေါင်း ၆ဝဝခန့်ရှိရာ ကမ္ဘာ့ရေ သုံး စွဲမှု၏ ၁၅ရာခိုင်နှုန်း မျှဖြစ်သည်။
အစားအသောက် များကို စား သောက်ရာ၊ အသုံးအဆောင်နှင့် လျှပ်စစ်ကို သုံးစွဲရာတွင် မကုန် သင့်သည်များ မကုန်အောင် ချွေ တာခြင်းသည် ငွေကို ချွေတာခြင်း မျှသာမက ရေကို ချွေတာခြင်း လည်း ဖြစ်သည်။
ပေါက်ထွက် စိမ့်ယိုနေသော ရေပိုက်များမှ ဆုံးရှုံးနေသော ရေ ပမာဏလည်း မနည်းလှပေ။ လန် ဒန်ရေပေးရေး စနစ်၏ ရေပိုက်များ မှ စိမ့်ထွက် ဆုံးရှုံးနေသော ရေပမာ ဏသည် ၃ဝ ရာခိုင်နှုန်းမျှရှိကာ အာရှ၏ အချို့မြို့ကြီးများတွင် ၆ဝ ရာခိုင်နှုန်းမျှ ရှိနေသည်။ ရေ ပိုက် ပေါက်သည် ဆိုရာ၌ မိမိနေအိမ် အတွင်း ရေပိုက်ပေါက်နေလျှင် လည်း အမြန်ဆုံးပြင်ဆင်သကဲ့သို့ အများသုံးပိုက်များ ပေါက်နေလျှင် ဆိုင်ရာသို့ တာဝန် သိသိဖြင့် အကြောင်းကြားခြင်း၊ ဌာနဆိုင်ရာ တို့ကလည်း အကြောင်းကြားချက် ရသည်နှင့် မဆိုင်းမတွ လာရောက် ပြင်ဆင်ခြင်းတို့ဖြင့် ရေကိုမကုန်သင့် ဘဲမကုန်အောင် ကူညီနိုင်ကြသည်။
မြန်မာ့ရိုးရာ သင်္ကြန်ပွဲဆင်နွှဲ ရာတွင် ရေအလွန်အကျွံ သုံးစွဲ ပက် ဖျန်းခြင်းသည် မြန်မာ့ရိုးရာမဟုတ် သကဲ့သို့ရေရှား ကမ္ဘာ၏ အခြေ အနေကို သိရှိနေသူတို့ အတွက် များစွာ ရင်ထုမနာ ကြုံတွေ့ရသော မြင်ကွင်းဖြစ်သည်။ လိုသည်ထက် ပိုကာ ပက်ဖျန်းဖြုန်းတီး လိုက်သော ရေများကြောင့် မြေပေါ်မြေအောက် ရေအရင်းအမြစ်များ မကုန်သင့်ဘဲ ကုန်ဆုံးရသည်။ သင်္ကြန်ကာလ အတွင်း ရေ ဒလဟော ဖြုန်းတီးခဲ့ ကြသော ရပ်ကွက် မြို့ရွာ များတွင် သင်္ကြန်လွန်သည်နှင့် ရေတင်၍ မရခြင်း၊ ရေအားနည်းခြင်း စသည် တို့ကို နှစ်တိုင်း ကြုံတွေ့နေရသော် လည်း သင်ခန်းစာယူတတ်သူ နည်းပါးနေသေးသည်။
မြေပေါ်ရေကုန်ခန်းလျှင် မြင် သာ ထင်သာရှိသဖြင့် မကုန်သင့် သည်တို့ မကုန်အောင် ချွေတာကြ သော်လည်း မြေအောက်ရေကုန် ခန်းသည်ကို ချက်ချင်းမသိနိုင်ဘဲ နှစ်အတန်ကြာ၍ ရေတွင်းထဲရှိ ရေပြင်နိမ့် ကျလာမှ သိခွင့်ရကြ သဖြင့် မြေအောက်ရေကို ချွေတာ တတ်သူ နည်းသည်။ ထို့ပြင် မြန် မာအပါအဝင် နိုင်ငံ အများအပြား ၌ မြေအောက်ရေ ထုတ်ယူသုံးစွဲ ရာတွင် စည်းကမ်း ဥပဒေများ မရှိ၊ ရှိသည့် တိုင်အောင် ဖောက်ဖျက်သူ တို့အား အရေးယူရာတွင် လျော့ရဲခြင်း ကြောင့် မြေအောက်ရေကို ထုတ်သုံး ချင်တိုင်း ထုတ် သုံးနေကြသည်။
လွန်ခဲ့သော ဆယ်စုနှစ်များ တွင် စိုက်ပျိုးရေးအတွက် မြေ အောက်ရေ ထုတ်ယူမှုသည် များ စွာတိုးတက်လာခဲ့သည်။ လူတို့ ရေ သုံးစွဲမှုတွင် စိုက်ပျိုးရေး ကဏ္ဍ အတွက်သုံးစွဲမှုသည် ၇ဝ ရာခိုင်နှုန်း မျှရှိရာ အသုံးအများဆုံးကဏ္ဍက ရေကို မတန်တဆ ထုတ်ယူသည့် အတွက် ကမ္ဘာ့မြေအောက် ရေ ကြောများ၏ ငါးပုံတစ်ပုံသည် ရေ ထုထည်လျော့နည်းလာသည်။
ရေပြဿနာ ကပ်ဘေးအသွင် သို့ ရောက်မသွားစေရန် ရေကို ဖြစ်နိုင်သမျှ ချွေတာ သုံးစွဲခြင်း၊ ထို သို့ ချွေတာ သုံးစွဲရန် အသိပညာ ပေးလုပ်ငန်း များကို ကျယ်ပြန့်စွာ လုပ်ဆောင်ခြင်းတို့သည် ဦးစား ပေးအဆင့်၌ ရှိနေရမည်။ ရေဘက် ဆိုင်ရာ၌ အမြင်များ ပြောင်းလဲရန် လိုအပ်နေရာ အထူးသဖြင့် မိုးရေ နှင့် ပတ်သက်၍ ရှုထောင့်အမှန်မှ ချဉ်းကပ်ဖို့ လိုနေသည်။
နွေအခါ ရေရှားလျှင် မိုးကို တောင့်တကြသည်။ မိုးစရွာလာ သောအခါ မိုးရေကို ဝမ်းသာအားရ ခံသုံးကြသော်လည်း မိုးတွင်း ရောက် သည်နှင့် မိုးကို အမှတ်တမဲ့ သဘောထား လိုက်ကြတော့သည်။ သဘာဝ တရား၏ အဖိုးတန်လက် ဆောင် မိုးရေများ ချောင်း များ၊ မြောင်းများမှ တစ်ဆင့် ပင်လယ်ထဲ သို့ အလဟဿ စီးဝင် ဆုံးရှုံးသွား သည်ကို နှမြောရကောင်းမှန်း သိသူ မများလှ။ မိုးတွင်း၌ မိုးရေ ကို စနစ်တကျ ခံယူသိုလှောင်ပြီး ချွေတာသုံးစွဲလျှင် ဆောင်းအကုန် နွေအကူးထိ၊ ထို့ထက်ပို၍ နောက် မိုးရွာသည်အထိ သုံးနိုင်သည်ကို အများအားဖြင့် သတိမမူမိတတ် ကြချေ။ ယင်းကို သတိပြုမိကြပြီး စနစ်ကျသော မိုးရေလှောင်ကန် များ တည်ဆောက်ရန် အခြေအနေ ပေးသဖြင့် နွေအတက်တွင် ရေ မခက်တော့သည့် ဒေသအချို့ မြန် မာနိုင်ငံ အပါအဝင် ကမ္ဘာ့နိုင်ငံ အများအပြားတွင် ရှိနေသည်။
ရေရှားပါးမှု အကြောင်း ပြော သောအခါ သစ်ပင် သစ်တောများ နည်းသွားသဖြင့် မိုးရေကို မထိန်း နိုင်တော့၍ ရေရှား ရသည်ဟု အများ အားဖြင့် ဆွေးနွေးရေးသား နေကြသည်။ ယင်းအချက် မှန်ကန် သော်လည်း သစ်ပင် သစ်တောကို ပြန်လည် စိုက်ပျိုးသည့် တိုင်အောင် ယင်းတို့ မိုးရေထိန်းနိုင်သည့် အဆင့်အထိ ရောက်အောင် နှစ် အတန်ကြာစောင့်ရဦးမည်။ ထို့ ကြောင့် မိုးရေကို ထိန်းရန် သစ်ပင် သစ်တောများကိုသာ စောင့်မျှော် မနေဘဲ ရွာကျ လာသော မိုးရေ များ မြစ်ချောင်းများထဲ အလဟ ဿ စီးဆင်း ဆုံးရှုံးမသွားမီ စနစ် ကျ၍ ဒေသ အခြေအနေနှင့် ကိုက် ညီသော မိုးရေလှောင်ကန်များ တည်ဆောက်၍ ရေကို သိုလှောင် ထိန်းသိမ်း အသုံးချကြမည် ဆိုလျှင် ရေပြဿနာ အထိုက်အလျောက် ပြေလည်လိမ့်မည်။
ယခုအခါ ရေမရှားသေးသည့် ဒေသများမှ ရေကိုသယ်၍ ရေရှား သော ဒေသများသို့ သွားရောက် လှူဒါန်းနေကြသည်ကို အားရစ ဖွယ် တွေ့ရသည်။ ထိုသို့ လှူဒါန်း ရာတွင် ကုန်ကျသည့် ကားခ၊ ဆီဖိုးစသည်တို့သည် တစ် နိုင်ငံလုံး အတိုင်းအတာနှင့် ဆိုလျှင် ကုဋေ ပေါင်း များစွာ ရှိမည်။ ရေလှူသည့် အပြင် မိုးရေလှောင်ကန်များ ကိုလည်း ဆောက်လုပ် လှူဒါန်းကြ၊ ဒေသခံများ ကလည်း ယင်းကန်များ ကို ထိန်းထိန်း သိမ်းသိမ်း အသုံး ပြုကြလျှင် ဆိုင်ရာဒေသများ၏ ရေအခက်အခဲကို ပို၍ ထိရောက် စွာ ဖြေရှင်းနိုင်လိမ့်မည်။
ကျော်ဦး
