2:41 pm
စက်တင်ဘာလကုန်ပိုင်းက လဟယ်မြို့အပြင်ဘက်မှာ တွေ့ရတဲ့ ဆိုင်ကယ်သမား (ဓာတ်ပုံ – နန်းတင်ထွေး)
နာဂတောင်တန်းတွေ ကြားထဲ မှာ လဟယ်မြို့လေးဟာ တိတ်တိတ် ဆိတ်ဆိတ် ရှိလှပါတယ်။ ဆင်းရဲမွဲတေမှုနဲ့ ပဋိပက္ခတွေ ကြောင့် ချွတ်ခြုံကျနေတဲ့ နိုင်ငံမှာ အမှန်တကယ် ပြောင်းလဲမယ်လို့ြေ<ွကးကြော်ခဲ့တဲ့ အတိုက်အခံပါတီအစိုးရဖွဲ့နိုင်ခဲ့တာကြောင့် ပြည် တွင်းပြည်ပက စောင့်ကြည့်နေကြ ပါတယ်။ ဒါပေမယ့် အစိုးရသစ် တက်လာပြီး တစ်နှစ်ပြည့်ခါနီး အ ချိန်မှာတော့ နိုင်ငံရဲ့အဆင်းရဲဆုံးနဲ့ ဖွံ့ဖြိုးမှု အနိမ့်ကျဆုံးဒေသ နာဂ တောင်တန်းအခြေအနေက အရင် အတိုင်းပါပဲ။
”အခုထိတော့ ဘယ်လိုအ ပြောင်းအလဲမှ မတွေ့သေးဘူး”လို့ နာဂ ကိုယ်ပိုင်အုပ်ချုပ်ခွင့်ရ ဒေသ အုပ်ချုပ်ရေးရုံး၊ ညွှန်ကြားရေးမှူး ဦးသိန်းဇော်က ဆိုပါတယ်။ အိန္ဒိယနယ်စပ်က နာဂကိုယ် ပိုင်အုပ်ချုပ်ခွင့်ရဒေသဟာ လဟယ်၊ လေရှီး၊ နန်းယွန်း မြို့နယ်သုံးခုကို ပေါင်းထားတာဖြစ်ပြီး လူဦးရေ ၁၂ဝဝဝဝကျော် ရှိပါတယ်။ ၂ဝ၁၄ စက်တင်ဘာလကစလို့ လဟယ် ဟာ လျှပ်စစ်မီး ၂၄ နာရီရရှိခဲ့ပါ တယ်။
ဆက်သွယ်ရေး
မပြောင်းလဲသေးတဲ့ လဟယ် ကိုရောက်ဖို့ဆိုရင် လမ်းတစ်လမ်း ပဲရှိပါတယ်။ အဲဒီလမ်းက ခန္တီးမြို့နဲ့ ဆက်သွယ်ထားတာပါ။ ဒီလမ်းဟာ မိုးရာသီဖြစ်တဲ့ ဇွန်ကနေစက်တင် ဘာလအတွင်းမှာ သွားလာလို့မရ ပါဘူး။ ကျန်တဲ့အချိန်တွေမှာတော့ ဒေသတွင်းသွားလာဖို့အတွက်မော် တော်ဆိုင်ကယ်တွေကိုသာ အား ကိုးနေရတာပါ။ လမ်းအခြေအနေ ဟာ မြန်မာနိုင်ငံရဲ့ အခြားဒေသ တွေနဲ့ စိတ်ကူးနဲ့တောင် နှိုင်းယှဉ် လို့မရအောင် ဆိုးရွားပါတယ်။ မြေ ပြို၊ တောင်ကြားလမ်းတစ်လျှောက် လမ်းချော်မှုတွေနဲ့ကြုံရင် နာရီနဲ့ ချီကြာအောင် ပိတ်နေတတ်တဲ့ လမ်းပါ။ နွေရာသီမှာ လေးဘီးယက် အမြင့်ကားတွေ၊ ပစ်ကပ်ကားတွေ သွားလို့ ရနိုင်ပေမယ့် မော်တော် ဆိုင်ကယ်ကို သုံးခြင်းဟာ နာဂ ကိုယ်ပိုင်အုပ်ချုပ်ခွင့်ရ ဒေသအတွက် လက်တွေ့ပိုကျပါတယ်။
လဟယ်ကနေ ခန္တီးကိုသွားတဲ့ ခရီးလမ်းဟာ အဲဒီလိုခက်ခက်ခဲခဲသွားလာရတာကြောင့် တစ်ရက်နီး ပါးကြာတတ်ပါတယ်။ စီးပွားရေး မြို့တော် ရန်ကုန်ကနေသွားမယ် ဆိုရင်တော့ ၂ ရက်ကြာပါမယ်။ ရန်ကုန်ကနေ မန္တလေး၊ မန္တလေးက နေ ခန္တီးထိလေယာဉ် ၂ ဆင့်စီးရမှာ ဖြစ်ပြီး၊ ခန္တီးကနေချင်းတွင်းမြစ်ကို တစ်ရက်ကြာဖြတ်ကျော်ရမှာပါ။ ချင်းတွင်းမြစ်တွင်းခရီး ပြီးရင်တော့ လမ်းခရီးလည်း အဆင်ပြေမယ်ဆို ရင် ဆိုင်ကယ် ၃ နာရီလောက် စီးရုံနဲ့ လဟယ်ကို ရောက်နိုင်ပါပြီ။
၂၄ နာရီ လျှပ်စစ်မီးလာတဲ့ လဟယ်မှာ အစိုးရသစ် လက်ထက် အပြောင်းအလဲတစ်ခုအနေနဲ့ ဆို ရင်တော့ ပြီးခဲ့တဲ့ ရက်ပိုင်းအတွင်း စတင် အသုံးပြုနိုင်တဲ့ 3Gဖုန်း လိုင်းပေါ်ပေါက်လာခြင်းပါပဲ။ ဒီအခြေအနေ ဖြစ်ပေါ်မလာခင်က တော့ အင်တာနက် ချိတ်ဆက်မရ နိုင်တဲ့ ၂ွ ဖုန်းတွေကိုပဲ သုံးခဲ့ရတာပါ။ ကုလသမဂ္ဂ ဖွံ့ဖြိုးရေးအစီအ စဉ်ရဲ့၂ဝ၁၅ ဖေဖော်ဝါရီလ အစီ ရင် ခံစာမှာတော့ စစ်ကိုင်းတိုင်းဒေ သကြီးအစိုးရလက်အောက် နာဂဒေသ လဟယ်ရဲ့ ဖွံ့ဖြိုးမှုနည်းပါး တဲ့အချက်ကို ဖော်ပြထားပါတယ်။ ဒီအစီရင်ခံစာရေးဖို့ အချက်အလက် တွေကို လဟယ်၊ ကလေးဝ၊ ကန့် ဘလူနဲ့ မုံရွာမြို့ဒေသခံတွေဆီက နေ ၂ဝ၁၄ ခုနှစ်မှာ ကောက်ယူခဲ့ တာပါ။ ၃ နှစ်အတွင်း သူတို့ရဲ့ ဝင်ငွေအကြောင်းမေးမြန်းရာမှာ လဟယ်ဒေသခံတွေရဲ့ ၁၈ ရာခိုင် နှုန်းကပဲ သူတို့ဝင်ငွေ တိုးလာတယ် လို့ဖြေဆိုပါတယ်။ ကျန်တဲ့ ၃ မြို့ မှာတော့ ဝင်ငွေတိုးလာတယ်လို့ ပြောတဲ့သူက ၄ဝ ရာနှုန်းဝန်းကျင် ရှိနေပါတယ်။ နာဂရိုးရာစာပေနဲ့ ယဉ်ကျေး မှုကော်မတီဝင်တစ်ဦးဖြစ်တဲ့ ဦး အေးဇတ်ကလည်း အလားတူ သုံး သပ်ပါတယ်။
”ဒီဒေသကဖွံ့ဖြိုးရေးအတွက် အစိုးရသစ်အနေနဲ့ လုပ်စရာတွေ အများကြီး ရှိနေတယ်။ အခုချိန်အ ထိသူတို့ ဘာမှ မလုပ်ပေးသေးဘူး” လို့ ခန္တီးမြို့မှာတွေ့ရတဲ့ ဦးအေး ဇတ်က ညင်ညင်သာသာစီးဆင်း နေတဲ့ ချင်းတွင်းမြစ်အနီးက လက် ဖက်ရည်ဆိုင်မှာ ထိုင်နေရင်းပြော ပါတယ်။ ဒေသခံတချို့ကတော့ ဆိုင်နားမှာ ခြင်းခတ်နေကြပါတယ်။ ခန္တီးဟာ နာဂကိုယ်ပိုင်အုပ်ချုပ်ခွင့် ရဒေသထဲ မပါဝင်ပေမယ့် ဒေသ တွင်းအဓိက မြို့ကြီးပါ။ ခန္တီးလူဦး ရေ ၄၇ဝဝဝဝ ကျော်မှာလည်း အ များစုက နာဂတိုင်းရင်းသားတွေပါ ပဲ။ ဒေသတွင်းမှာ လေယာဉ်ကွင်းရှိ တဲ့ တစ်ခုတည်းသော မြို့ဖြစ်ပြီး တော့ ကမ္ဘာလှည့်ခရီးသည်တွေ စိတ်ဝင်တစား လာရောက်လေ့ရှိတဲ့ နာဂရိုးရာ နှစ်သစ်ကူးပွဲကျင်းပရာ လဟယ်မြို့ကို သွားနိုင်တဲ့တစ်ခု တည်းသောဂိတ်ဝမြို့လည်း ဖြစ် ပါတယ်။ ခန္တီးမှာ လျှပ်စစ်မီးကိုညနေ ၆ နာရီမှာရနိုင်ပြီး ည ၁ဝ နာရီ ကျော် ရင်တော့ တစ်မြို့လုံး မှောင်သွားပါ ပြီ။ ညဘက်လမ်းတွေတော့ မော် တော်ဆိုင်ကယ် မီးရောင်တွေပဲရှိ တတ်ပါတယ်။ ဒေသခံတွေကတော့ အစိုးရ သစ် လက်ထက်မှာ ဆေးရုံဆေးခန်း တွေ ထပ်ပြီးဆောက်ပေးဖို့၊ လမ်းပန်းဆက်သွယ်ရေးပိုမိုကောင်းမွန်လာဖို့၊ ပညာရေးကဏ္ဍမြင့်တက် လာဖို့ မျှော်လင့်ပါတယ်။ လက်ရှိ နာဂ ကိုယ်ပိုင်အုပ်ချုပ်ခွင့်ရဒေသတစ်ခုလုံးမှာ မြို့နယ်အဆင့်ဆေး ရုံဆိုလို့ တစ်ခုပဲရှိပါတယ်။ အဲဒါကတော့ လဟယ်မြို့နယ်မှာပါ။
ကူးစက်ရောဂါ
နာဂ ကိုယ်ပိုင်အုပ်ချုပ်ခွင့်ရ ဒေသရဲ့ တစ်ခုတည်းသော အခြေ ခံပညာ အထက်တန်းကျောင်းကလဟယ်မှာရှိပါတယ်။ ပြီးခဲ့တဲ့နှစ် နိုဝင်ဘာ ၂၉ ရက် ပြည်သူ့လွှတ် တော်အစည်းအဝေးမှာ နယ်စပ်ရေး ရာ ဒု-ဝန်ကြီး ဗိုလ်ချုပ်သန်းထွဋ်ရဲ့ ပြောကြားချက်အရတော့ နာဂဒေ သမြို့တိုင်းမှာ နယ်စပ်ဒေသတိုင်း ရင်းသားလူငယ်များဖွံ့ဖြိုးရေးသင် တန်း ကျောင်းတွေ ဖွင့်ထားတယ်လို့ ဆိုပါတယ်။ ပြီးခဲ့တဲ့ နိုဝင်ဘာပြည်သူ့လွှတ်တော် အစည်းအဝေးတွေမှာတော့ နာဂဒေသအကြောင်း ဆွေးနွေးမှုတွေ သိသိသာသာရှိခဲ့ပါတယ်။ လဟယ်မြို့နယ်ထဲကကျေးရွာ ၂ ခုရဲ့ လှေကားထစ်ကုန်းမြင့် လယ်ယာမြေ ဖော်ထုတ်ရေးအ တွက် ဒေသကို စူးစမ်းလေ့လာခြင်း၊ နည်းပညာကူညီခြင်းစတဲ့ အစီအစဉ်တွေကို လာမယ့်ဘဏ္ဍာနှစ်မှာ ပြုလုပ်ပေးမယ်၊ နယ်စပ် ဈေးတွေ ဖွင့်နိုင်ဖို့လည်းအိန္ဒိယနဲ့ ညှိနှိုင်းနေ တယ်လို့ သက်ဆိုင်ရာဝန် ကြီးဌာနတွေကပြောကြပါတယ်။ နယ်စပ် ဈေးပေါ်ပေါက်လာရေး အစီအစဉ် နှောင့်နှေးနေရခြင်းကတော့ ”စစ် ကိုင်းတိုင်းဒေသကြီး အတွင်းက ပထဝီနိုင်ငံရေး အခြေအနေများ”ကြောင့် ဖြစ်တယ်လို့ ဆိုပါတယ်။
ဖွံ့ဖြိုးရေး အလှမ်းဝေးနေပေ မယ့် ယခင်သမ္မတရော ယခုသမ္မတ ပါ နာဂဒေသ နှစ်သစ်ကူးပွဲတော် တွေကို ကိုယ်တိုင်ကိုယ်ကျ တက် ရောက် အားပေးပြီးသူတို့ရဲ့ ခရီး စဉ်တွေကို အစိုးရအာဘော်သတင်း စာမျက်နှာဖုံးတွေမှာ ဖော်ပြခဲ့ကြပါတယ်။ နာဂဒေသဟာသူ့ရဲ့ ဝေးလံ ခေါင်သီမှုကြောင့်ပဲ မြူဆိုင်းနေတဲ့ တောင်တွေ၊ သစ်တောတွေ၊ သစ် ပင်တွေနဲ့ လိပ်ပြာတွေဟာ မူရင်း သဘာဝအလှအတိုင်းပဲ ရှိနေဆဲပါ။ နာဂဒေသဟာဇွန်လအတွင်းမှာ အင်မတန် ဆိုးရွားတဲ့ ဝက်သက် ရောဂါတစ်မျိုး ဖြစ်ပွားခဲ့ပါတယ်။ ကူးစက်မြန် ပြင်းထန်တဲ့ ရောဂါ ကြောင့် နှစ်လအတွင်းလူ့အသက် ပေါင်း ၈ဝ ကျော်ဆုံးရှုံးခဲ့ရပြီးနောက် ဆုံးမှာဒေသန္တရအစိုးရ၊ နာဂရိုးရာ နှင့် ယဉ်ကျေးမှုကော်မတီတို့က ဒီ ရောဂါကိုထိန်းချုပ်ဖို့ လုပ်ဆောင် ခဲ့ကြပါတယ်။ အဲဒီရောဂါ ဖြစ်ပွား တဲ့ ရွာတွေမှာအခြေခံကျန်းမာရေး ဝန်ဆောင်မှုပေးမယ့် ကျန်းမာရေး မှူးတွေ ဘယ်တုန်းကမှ မရှိခဲ့ပါ ဘူး။ ကူးစက်ရောဂါဖြစ်ပွားတဲ့ စက်တင်ဘာလအတွက်ပဲ သူနာပြု ၅ဝ ကျော်သွားရောက်ဖို့ ကျန်းမာ ရေး ဝန်ကြီးဌာနက တာဝန်ပေးခဲ့ ပါတယ်။
တိမ်တွေကို အပေါ်စီးက လှမ်းမြင်နေရတဲ့ ထန်ကော်လား မားရွာကလေးဟာ တောင်တန်းပေါ် မှာတည်ရှိပြီး ဒီရွာကိုတက်တဲ့လမ်း ကတော့ အင်မတန်မတ်စောက်တဲ့ လမ်းဖြစ်ပါတယ်။ တိမ်တွေ အ ဆုပ်လိုက် အဆုပ်လိုက် ဖုံးအုပ်ထား တဲ့ အဲဒီတောင်ပေါ်ရွာကိုရောက်ဖို့ လဟယ်ကနေ မော်တော်ဆိုင်ကယ် ခရီးတစ်ရက်နှင်ရမှာပါ။ လမ်းမှာ တော့ တောတောင်တွေ၊ စမ်းချောင်း တွေ ဖြတ်သန်းရပါမယ်။ ဝေးလံ ခေါင်သီပြီး ငြိမ်သက် အေးချမ်းနေ တဲ့ ရွာကိုလည်း ကူးစက်ရောဂါ ရောက်ရှိခဲ့တာကြောင့် ဒေသခံ ၂၆ ယောက် ဆုံးပါးခဲ့ရပါတယ်။ ရွာရဲ့ အကြီးအကဲတစ်ဦး ဖြစ် တဲ့ ဦးချူတိုက်ဟာဝင်ပေါက်တံခါးတစ်ခုပဲရှိတဲ့၊ ပြတင်းပေါက်မပါတဲ့ နာဂရိုးရာ သက်ငယ်မိုး၊ သစ်သားအိမ်ရဲ့ရှေ့မှာထိုင်နေပါတယ်။ ကူး စက်ရောဂါကျတဲ့ အချိန်အခါအ ကြောင်း သူက ပြောပြတဲ့အခါ အဲဒီ ကာလဟာ ဝမ်းနည်းစရာကောင်း တဲ့ အခိုက်အတန့်လို့ သူကဆိုပါတယ်။ အဲဒီအချိန်မှာ တစ်ရွာလုံး ကယ်ရာမဲ့သလို ခံစားခဲ့ရပုံကို ပြန် ပြောပြပါတယ်။ ဒေသရဲ့စော်ဘွား တစ်ယောက်လိုဖြစ်နေတဲ့ ဦးချူ တိုက်မှာ နိုင်ငံရဲ့ လတ်တလောအခြေ အနေတွေအကြောင်း မှတ်ချက် ပေးစရာ သိပ်မရှိပါဘူး။ ”ကျွန်တော် ဒေါ်အောင်ဆန်း စုကြည်ကိုသိပါတယ်၊ ယုံလည်းယုံ တယ်။ ဒါပေမယ့် အခုချိန်အထိ ကျွန်တော်တို့အတွက် ဘာအ ပြောင်းအလဲမှ မရှိသေးဘူး” လို့ ဦးချူတိုက်က ပြောလိုက်ပါတယ်။
နန်းတင်ထွေး
