မြန်မာနိုင်ငံအတွက် ဖွံ့ဖြိုးရေး စိန်ခေါ်မှုများ အိန္ဒိယပါမောက္ခ-စီပီချန်ဒရာဆီခါ၏ အမြင်

မြန်မာနိုင်ငံအတွက် ဖွံ့ဖြိုးရေး စိန်ခေါ်မှုများ အိန္ဒိယပါမောက္ခ-စီပီချန်ဒရာဆီခါ၏ အမြင်
November 25, 2016 Asian Fame

5:35 am
မြန်မာနိုင်ငံအတွက် ဖွံ့ဖြိုးရေး စိန်ခေါ်မှုများ အိန္ဒိယပါမောက္ခ-စီပီချန်ဒရာဆီခါ၏ အမြင်
In Articles

khin-maung-nyo

သြဂုတ်လ ၂၇ရက်နေ့က မြန် မာနိုင်ငံမှဘောဂဗေဒ ပညာရှင်များနှင့် တွေ့ဆုံဆွေးနွေးကြရာတွင် အခြားအိန္ဒိယပညာရှင် (စီပီ-ချန်ဒရာဆီခါ) ကလည်းမြန်မာနိုင် ငံနှင့် ပတ်သက်သော ဖွံ့ဖြိုးရေးစိန် ခေါ်မှုများကို ၎င်း၏အမြင်အတိုင်း ဆွေးနွေးခဲ့ပါသည်။ ထိုသို့ဆွေးနွေး ရာတွင် မြန်မာနိုင်ငံအတွက် ဖော် နည်းကားပေးသကဲ့သို့မဟုတ်ဘဲ မြန်မာကဲ့သို့သော နိုင်ငံ တစ်နိုင်ငံ တွေ့ကြုံရင်ဆိုင်စရာ၊ ရှောင်ရှားစရာများကို ချင့်ချိန်စဉ်းစားနိုင်ရန် ဆွေးနွေးမည်ဖြစ်ကြောင်း စကားခံထားခဲ့သည်။ အမြင်တွေကွဲပြားနိုင်စရာ ရှိကြောင်းကိုလည်း ကြိုတင်ဝန်ခံထားခဲ့သည်။

သူက မြန်မာနိုင်ငံသည် အကြောင်းတရားသုံးခုကြောင့် ထူး ခြားနက်နဲကြောင်း၊ ၎င်းတို့မှာ – (၁) အာဏာရှင်စနစ်မှ ဒီမိုကရေစီ သို့ကူးပြောင်းခြင်း၊ (၂) ဆုံးဖြတ် ချက်များ ချမှတ်ရာတွင်ဗဟိုမှ ချုပ်ကိုင်ခြင်း၊ (၃) အထီးကျန်နိုင်ငံ ဘဝကိုပြင်ပကလည်းပို့၊ ကိုယ်တိုင် ကလည်း ရွေးချယ်ကျင့်သုံးခဲ့ခြင်း တို့ဖြစ်သည်။ ထိုအခြေအနေသုံးခု ကြောင့် အမြင်များအပေါ်သြဇာ သက်ရောက်ခြင်း၊ အချို့သောရွေး ချယ်စရာ လမ်းကြောင်းများကို ငြင်းပယ်ခြင်းများ ဖြစ်စေခဲ့သည်။ ယခု ဆွေးနွေးရာတွင် နောက်ကြောင်း ပြန်မသွားဘဲ အနာဂတ်အတွက် အတွေးသစ်များဖော်ထုတ်ရန် ရည်ရွယ်ပါသည်။

ဖွံ့ဖြိုးရေး မဟာဗျူဟာတစ်ခုသည် အထူးသတ်မှတ်ထားသော လုပ်ငန်းစီမံကိန်းများ၊ အချို့သော လုပ်ငန်းများအတွက် ရင်းနှီးမြှုပ်နှံ မှုနှင့် သာမန်အသုံးစရိတ်အချို့ကို သေချာပေါက်ခွဲဝေပေးသော မဟာ ဗျူဟာ တစ်ခုလည်းဖြစ်ပါသည်။ အထူးသဖြင့် ထိုသို့သောဦးစားပေး အစီအစဉ်ကို ဈေးကွက်တွင် ထင် ထင်ရှားရှား သိသိသာသာ မတွေ့ရပါ။ သို့သော်လည်း ဈေးကွက်တွင် အားနည်းချက်များ၊ ပတ်ဝန်းကျင် ညစ်ညမ်းမှုကဲ့သို့သော ဒုက္ခပေး သည့် နယ်ပယ်များလည်း ရှိပါ သည်။ အများအားဖြင့် ဈေးကွက်၏ အားနည်းချက်နှင့် ပတ်သက် ၍အသုံးများသည့် ဥပမာတစ်ခုမှာ နိုင်ငံတစ်ခုလုံး၏ စီးပွားရေးအတွက် သိသိသာသာ အကျိုးထူးပြီး ပြင်ပ အကျိုးသက်ရောက်မှု ကြီးမားသည့် အခြေခံ အဆောက်အအုံကဲ့သို့ သော ကဏ္ဍများတွင်ရင်းနှီးမြှုပ်နှံမှု ပြုလုပ်ခြင်း မရှိသည့်ကိစ္စပင်ဖြစ် ပါသည်။ ထိုကဲ့သို့သော အခါမျိုးတွင် မူဝါဒဆိုင်ရာရည်မှန်းချက်များ အောင်မြင် ပေါက်မြောက်ရေးအ တွက် အစိုးရက ဝင်ရောက်စွက်ဖက် ခြင်း၊ ကြိုတင်စီမံကိန်းချထားသော စွက်ဖက်ခြင်းများ လိုအပ်မည်ဖြစ် ပါသည်။

ဤသို့သော မဟာဗျူဟာမျိုး တွင် မည်သို့ပင်ရေရေရာရာမရှိစေကာမူ လိုအပ်သောရင်းနှီးမြှုပ်နှံမှု များနှင့် အသုံးစရိတ်များ (အထူး သဖြင့် ပြည်သူပိုင်ကဏ္ဍတွင် ရင်း နှီးမြှုပ်နှံမှုများ) ရရှိရေးအတွက် လျာထားချက်တွေ၊ ရည်မှန်းချက်တွေ ထားရှိရပါမည်။ တစ်ဖက်တွင် ဦးစားပေးနယ်ပယ်များ၌ ရောင်းလို အားတက်လာသောအခါ ထိုတက် လာသောရောင်းလိုအားနှင့် လိုက် လျောညီထွေသော ဝယ်လိုအား လည်းတက်လာရပါမည်။ ရောင်း လိုအားတက်လာသော်လည်း ဝယ်လိုအားတက်မလာခဲ့သော် ထိုရင်း နှီးမြှုပ်နှံမှုသည် အလဟဿ ဖြစ် သွားပါမည်။ တစ်နည်းအားဖြင့် ရောင်းလိုအားသည် ပေါ်ထွက်လာ မည့်၊ သို့မဟုတ် ဖြစ်လာနိုင်သည့် ဝယ်လိုအားနှင့် ကိုက်ညီမှုရှိရပါ မည်။ ပို့ကုန်ဦးဆောင်သော မဟာဗျူဟာမျိုးသည် ထိုကဲ့သို့သော ဗျူ ဟာဖြစ်ပါသည်။ ကမ္ဘာ့ဝယ်လိုအား အပြောင်းအလဲမှ ပေါ်ပေါက်လာ သော အခွင့်အလမ်းများနှင့် ကိုက် ညီသော ထုတ်လုပ်တင်ပို့မှု စွမ်း ရည် မြင့်မားအောင် ဆောင်ရွက်ရပါမည်။

ဤနေရာတွင် ပို့ကုန်ဦးဆောင် သော မဟာဗျူဟာသည် လက်ရှိ ကာလနှင့် သင့်တော်ခြင်း မရှိပါ။လောလောဆယ်တွင် ကမ္ဘာ့ဝယ် လိုအား နှေးကွေးမှုကြောင့် ပို့ကုန် ကဦးဆောင်သော စီးပွားရေးတိုး တက်မှုကိုရရှိရန် ခက်ခဲပါသည်။ ၂ဝ၁၅ ခုနှစ်သည် ကမ္ဘာ့ကုန်စည် ရောင်းဝယ်မှု နှစ်စဉ်တိုးတက်မှုနှုန်း ၃ ရာခိုင်နှုန်းအောက် လေးနှစ် ဆက်တိုက်ပြနေသော နှစ်ဖြစ်ပါ သည်။ ၂ဝ၁၅ တွင် ၂ ဒသမ ၈ ရာခိုင်နှုန်းသော တိုးတက်မှုနှုန်း သာရရှိခဲ့ကာ၊ ၂ဝ၁၆ တွင်လည်း ကမ္ဘာ့ကုန်သွယ်ရေး တိုးတက်မှုနှုန်း သည် ၂ ဒသမ ၈ ရာခိုင်နှုန်း၌ သာ ဆက်လက်ရှိနေမည်ဟုခန့် မှန်းရပါသည်။ ထိုသို့ခန့်မှန်းချက် ထက် တက်ရန်မရှိ၊ ပို၍ကျရန်သာ အလားအလာရှိပါသည်။ တရုတ် နိုင်ငံ၏ စီးပွားရေးတိုးတက်မှုနှုန်း နှေးကွေးမည်ဟု တွက်ဆကြပြီး ကမ္ဘာ့ဘဏ္ဍာရေးဈေးကွက် အတက်အကျ ပိုကြမ်းလာခြင်း၊ နိုင်ငံခြားြေ<ွကးမြီတင်ရှိနေသော နိုင်ငံများ၊ ငွေဖလှယ်နှုန်း အတက်အကျ အ ပြောင်းအလဲမြန်သည့် ပြဿနာနှင့် တွေ့ကြုံနေရခြင်းတို့ကြောင့်ဖြစ်ပါ သည်။ ပို့ကုန်သည် အရေးကြီးသည် မှာ မှန်သော်လည်း တိုးတက်မှုရရှိ ရေးအတွက် ခေါင်းတွဲတစ်ခုမဟုတ် ပါ။ ပြည်တွင်း ရင်းနှီးမြှုပ်နှံမှုနှင့် စားသုံးမှုကိုအထောက်အကူ ပြုရန် လိုအပ်သော သွင်းကုန်များ ဝယ် ယူရေးအတွက် လိုအပ်သော နည်း လမ်းတစ်ခုအဖြစ်ဖြင့်သာ အရေး ပါနေခြင်း ဖြစ်ပါသည်။

ကံကောင်းသည်မှာ မြန်မာ နိုင်ငံကဤနေရာတွင် အခြားနိုင်ငံ များထက် အခြေအနေကောင်းနေ ခြင်း ဖြစ်ပါသည်။ သစ်တင်ပို့မှုကို ဖယ်လိုက်လျှင်ပင် အဝတ်အထည်၊ ကျောက်မျက်၊ သတ္တု၊ သဘာဝဓာတ် ငွေ့တို့နှင့် ထပ်မံတိုးချဲ့နိုင်သည့် ကမ္ဘာလှည့် ခရီးသွားလုပ်ငန်းတို့က မဝေးသော အနာဂတ်တွင်နိုင်ငံ ခြားငွေလိုအပ်လာနိုင်သည်ကို ဖြည့်ဆည်းရန်အတွက် အတော်အတန်စုံလင်သော အမျိုးအမည် တွေ ဖြစ်နေပါသည်။ သို့ဖြစ်ရာ သင့်တင့်သော နိုင်ငံခြားငွေ ရှာဖွေနိုင်စွမ်းရှိအောင်၊ အားပေးထားသော ပြည်တွင်းဈေး ကွက်အပေါ်တွင် အခြေခံသည့် ဖွံ့ ဖြိုးတိုးတက်မှုရရှိရေးအတွက် မဟာ ဗျူဟာတစ်ရပ်လိုအပ်ပါသည်။ တိုး တက်မှုရရှိကာ ထိုတိုးတက်မှုမှ အကျိုးခံစားရရန်အတွက် ပြည်တွင်း ဈေးကွက်နှင့် အခြေခံအဆောက် အအုံများ ကြီးထွားလာရန်သည် အဓိက လိုအပ်ချက်တစ်ရပ် ဖြစ်ပါသည်။

လူဦးရေ၏ ၇ဝ ရာခိုင်နှုန်း ခန့်သည် ကျေးလက်ကို အခြေခံ သော အထူးသဖြင့် စိုက်ပျိုးရေး လုပ်ငန်းကိုလုပ်ကိုင်ရာ၊ လယ်လုပ် သူ လယ်ပိုင်အောင် အနည်းဆုံး ပိုမိုစိတ်ချရသော မြေယာပိုင်ဆိုင်မှု စနစ်များ ပေါ်ပေါက်လာစေမည့် မြေယာ ပြုပြင်ပြောင်းလဲမှု၊ ထုတ်လုပ်မှု စွမ်းအားကို မြင့်မားလာစေ နိုင်သည့် ရင်းနှီးမြှုပ်နှံမှုများမှ တစ်ဆင့်၊ လယ်ယာစိုက်ပျိုးရေးမှ ရရှိ သော ဝင်ငွေတိုးပွားရေးနှင့် ညီညီ မျှမျှ ပိုမိုရှိရေးတို့ကို ဆောင်ရွက်ရန် လိုအပ်ပါသည်။ ဤနေရာတွင် နောက်ဆုံးအလုပ်ရှင် (employer of last resort) အဖြစ်ဆောင်ရွက်ရသော အစိုးရက ကူညီထောက်ပံ့ ရန်လိုအပ်ပါသည်။ စိုက်ပျိုးရေး အခြေပြုစီးပွားရေး လုပ်ငန်းများကို အလွန်အမင်း အားကိုးခြင်း၊ လယ် ယာမြေဆုံးရှုံးမှု ကြီးမားလာစေခြင်း တို့သည် ခုတ်ရာတခြား၊ ရှရာတ လွဲ ဖြစ်စေနိုင်ပါသည်။

အခြား လိုအပ်ချက်တစ်ခုမှာ ပြည်တွင်းဈေးကွက် အခြေခံသော တိုးတက်မှုရရှိရေးအတွက် ရုပ်ပိုင်း ဆိုင်ရာနှင့် လူမှုအခြေခံအဆောက် အအုံ နှစ်ခုစလုံးတို့တွင် ရင်းနှီးမြှုပ် နှံရန် လိုအပ်ပါသည်။ ဆည်မြောင်း များ၊ ရေထုတ်မြောင်းများ၊ ရေကာ တာများသာမက လမ်းများ၊ သယ် ယူပို့ဆောင်ရေး၊ လျှပ်စစ်ဓာတ် အား ထုတ်လုပ်ဖြန့်ဖြူးရေး၊ လူ့စွမ်း အား အရင်းအမြစ် ဖြန့်ဖြူးရေးစ သည်တို့တွင် ရင်းနှီးမြှုပ်နှံရပါမည်။ နိုင်ငံခြားငွေရရှိရေးနှင့် စဉ်ဆက် မပြတ် ရင်းနှီးမြှုပ်နှံရေးတို့အတွက် ဆိပ်ကမ်းနှင့် လေဆိပ်ကဲ့သို့သော နယ်စပ်ဖြတ်ကျော် သယ်ယူပို့ဆောင် ရေးလုပ်ငန်းများတွင် ရင်းနှီးမြှုပ်နှံ ရန်လည်း လိုအပ်ပါသည်။

အတွေ့အကြုံများအရ၊ ပြည် တွင်း ပုဂ္ဂလိကကဏ္ဍသည် ဤနေ ရာတွင် အနည်းငယ်မျှသာ အ ထောက်အကူ ပြုနိုင်ပြီး၊ နိုင်ငံခြား ရင်းနှီးမြှုပ်နှံသူများသည်လည်း အ ကျိုးကျေးဇူးများသော၊ အစိုးရက သက်သာခွင့် သိသိသာသာပေး သော နယ်ပယ်များတွင်သာ အာရုံ စိုက်ကြကြောင်း တွေ့ရပါသည်။ အခြေခံအဆောက်အအုံများ ဖွံ့ ဖြိုးတိုးတက်ရေးအတွက် နိုင်ငံတ ကာ ပုဂ္ဂလိက အရင်းအနှီးများကို အားကိုးအားထားပြုရမည်။ ဘဏ္ဍာ ရေး လွတ်လပ်ခွင့်ပြုခြင်း ကြောင့် ရေရှည် ငွေချေးစာချုပ် ဈေးကွက် တိုးတက်ထွန်းကားလာ နိုင်သည် ဟု ယူဆသော အယူအဆများ သည် အဓိပ္ပာယ်မရှိသလို၊
သာဓကလည်း မတွေ့ရပါ။

စိုက်ပျိုးရေးနှင့် အခြေခံအ ဆောက်အအုံတို့ပြီးလျှင် ပြည်တွင်း ဈေးကွက်အခြေခံသော တိုးတက်မှု မဟာဗျူဟာအတွက် တတိယ လို အပ်ချက်မှာ ပြည်တွင်းစွမ်းအားစု စုစည်းမှုပင် ဖြစ်သည်။ မြန်မာနိုင်ငံ တွင် အခွန်နှင့်ဂျီဒီပီ၏ အချိုးအ စားမှာ ဆိုးဆိုးရွားရွား နိမ့်ကျနေပြီး သွယ်ဝိုက်ခွန်အပေါ်တွင် မှီခိုမှု အ လွန်အမင်းကြီးမားပါသည်။ သွယ် ဝိုက်ခွန်သည် ငွေဖောင်းပွမှုကို ဖြစ် စေပြီး ဆက်လက်၍ အလွန်အမင်း မှီခိုနေလျှင် ဈေးကွက်၏ တိုးတက် မှုကို အဟန့်အတားဖြစ်စေပါသည်။ အခြေခံမကျသော ဇိမ်ခံပစ္စည်းများ ကို အခွန်ကောက်ရန်နှင့် အသုံး စရိတ်များလေ အခွန်တိုးကောက် ရရန်လိုအပ်သော်လည်း နောက်ဆုံး တွင် အဆင့်ဆင့် တိုးသွားသော တိုက်ရိုက်အခွန်ကို မလွဲမသေ ဆောင်ရွက်ရပါမည်။ ပုဂ္ဂလိက ကဏ္ဍကို အားပေးရန် ရည်ရွယ် သောအခွန်လွတ်ခွင့်နှင့် သက် သာခွင့်များ ပေးခြင်းတို့ကို စွန့်ပယ် သင့်ပါသည်။

ထိုသို့ ဆောင်ရွက်ရန် အချိန် ယူရပါမည်။ ကြားကာလတွင် လို ငွေပြဘတ်ဂျက်ကို စွန့်ပယ်ရန်မလို အပ်သေးပါ။ လောလောဆယ် ရရှိ နိုင်သော နိုင်ငံခြားငွေဖြင့် ဖြေရှင်း မပေးနိုင်သော၊ ရောင်းလိုအား ဘက်က အကန့်အသတ်များ ရှိနေ မှသာ လိုငွေပြဘတ်ဂျက်သည် အ လွန်အမင်း ငွေဖောင်းပွမှုကို ဖြစ် စေပါသည်။ တစ်ဖက်က ဝယ်လို အားကိုဖြစ်စေပြီး တစ်ဖက်က တစ် ပြိုင်နက်တည်း ရောင်းလိုအားဘက် က အကန့်အသတ်များကို ဖြေရှင်း ပေးနိုင်သော အသုံးစရိတ်သည် ပြဿနာ၏အဖြေ ဖြစ်ပါသည်။ ထို သို့ဆောင်ရွက်ရန် ခက်ခဲသော်လည်း တက်ြ<ွကနိုးကြားသော အစိုးရတစ် ရပ်အတွက် မလုပ်နိုင်စရာမရှိပါ။

နိုင်ငံခြားအကူအညီသည် အ ပြောင်းအလဲတွေ ထူးထူးခြားခြား ဖြစ်အောင် ဆောင်ရွက်နိုင်ပါသည်။ သို့သော် နိုင်ငံခြားအကူအညီ၏ အစိတ်အပိုင်းအနည်းငယ်မျှသာ ခွင့်ပြုငွေ (Grants) ဖြစ်ပြီး၊ ကျန်ငွေ များမှာ ချေးငွေများ ဖြစ်ပါသည်။ နိုင်ငံခြားငွေထက်၊ ပြည်တွင်းငွေ ဖြင့် ချေးခြင်းက ပိုကောင်းပါသည်။ ချေးငွေပုံစံဖြင့် နိုင်ငံခြားအကူအညီရယူခြင်းသည် ရေတိုတွင် နိုင်ငံ ခြားငွေမလုံလောက်မှုကို သက်သာ စေရန်အတွက်သာ အထောက်အ ကူ ဖြစ်ပါသည်။ အလားတူပင် ဗဟိုဘဏ်နှင့် ငွေကြေးမူဝါဒ လွတ်လပ်ခွင့်ရှိစေ ရန်ဆိုပြီး လိုငွေကို ငွေစက္ကူရိုက်နှိပ် ခြင်းမှ ရှောင်ရှားခြင်းသည်လည်း မဖြစ်မနေလုပ်ရမည့် ကိစ္စမဟုတ် ပါ။ ၂ဝဝ၈-၂ဝဝ၉ အကျပ်အတည်း ကာလက အမေရိကန်ဗဟိုဘဏ် ၏ လုပ်ကိုင်ပုံကိုကြည့်ပါ။ သဘော တရားအရ၊ လွတ်လပ်သော ဈေး ကွက်တွင် ဝင်ရောက် ချေးယူခြင်း ထက်၊ ငွေစက္ကူရိုက်ခြင်းကြောင့် ငွေဖောင်းပွမှု ပို၍ဖြစ်မည်ဟု မဆို နိုင်ပါ။ တစ်ဖက်တွင် ပုဂ္ဂလိက ဈေးကွက်မှ အတိုးနှုန်းသည် ဘတ် ဂျက်အခက်အခဲကို ပို၍ ဆိုးရွားစေ နိုင်ပါသည်။

ထို့အပြင် မူဝါဒရေးရာ၌ ငွေ လုံးငွေရင်း လွတ်လပ်ခွင့်ကိုပါ ထည့်ထားလျှင် လွတ်လပ်မှုဆို သည်မှာ ယုံတမ်းစကားတစ်ခုသာ ဖြစ်နေပါသည်။နောက်ဆုံးအနေဖြင့် ဘဏ် များ၊ အာမခံကုမ္ပဏီများ ပါဝင် သောဘဏ္ဍာရေးကဏ္ဍကို ဖွံ့ဖြိုး ရေးအတွက် လက်နက်ကိရိယာ အဖြစ် အသုံးပြုရန် လိုအပ်ပါ သည်။ ရေရှည်ရင်းနှီးမြှုပ်နှံမှုများအတွက် ငွေကြေးစွမ်းအားစုများကို စုစည်းပေးနိုင်သည့် အထူးဘဏ္ဍာ ရေး အဖွဲ့အစည်းများ တည်ထောင် ရန်လည်း လိုအပ်ပါသည်။ လွတ် လပ်သော ဘဏ္ဍာရေးစနစ်သည် စွမ်းရည်မြင့်သော ဈေးကွက်ကို ပေါ်ပေါက်စေကာ၊ ငွေကြေးများ အမြင့်ဆုံးစုစည်းပေးနိုင်ပြီး အကျိုး ကျေးဇူးအများဆုံးရှိမည့် လုပ်ငန်း များကို ခွဲဝေပေးနိုင်မည်ဟူသော အဆိုသည်လည်း လက်တွေ့တွင် မဖြစ်နိုင်သော ယူဆချက်များအ ပေါ်တွင် အခြေခံထားသည်။

ခင်မောင်ညို (ဘောဂဗေဒ)

Comments (0)

Leave a reply

Your email address will not be published. Required fields are marked *

*