12:00 pm
နေပြည်တော် အောက်တိုဘာ (၈)
ယခုနှစ်အတွက်ရာဘာစေးခြစ်သည့် ရာသီစချိန် ရောက်ရှိလာုပီး အဖွင်းဈေးမှာ ယခင်နှစ်ထက်များစွာနိမ့်ကျလျှက်ရှိနေသည်။ယခင်နှစ်က ပြည်ပဝယ်လက်များ၏ အဖွင့်ဈေးမှာ တစ်ပေါင်လျှင်(၁၄၀၀)ဝန်းကျင်ရရှိခဲ့သော်လည်း ယခုနှစ်အဖွင့်ဈေးမှာ ကျပ်(၈၀၀)ခန့်သာ ပေါက်ဈေးရှိနေသည်။
“ရာဘာရောင်းအားကမဆိုးဘူးပြောလို့ရတယ်။ဒါပေမယ့် အဖွင့်ဈေးက နိမ့်ကျနေတာပေါ့၊ကုန်သည်တွေဆီကကြားတာတော့ ပြည်ပကဝယ်လက်ရှိပေမယ့် ဈေးချပြီးဝယ်နေတာကြောင့်လို့သိရပါတယ်”ဟု မွန်ပြည်နယ်ကျိုက်မရောမြို့မှ ရာဘာစိုက်တောင်သူ ကိုလင်းလင်းဦးက ဆိုသည်။
ပြည်တွင်းမှထွက်ရှိသည့်ရာဘာစုစုပေါင်း၏ (၈၀)ရာခိုင်နှုန်းကျော်ကို ပြည်ပနိုင်ငံများသို့တင်ပို့နေပြီး ငွေလဲနှုန်းများကြောင့်လည်း ရာဘာဈေးကျဆင်းရခြင်းဖြစ်ကြောင်းသိရသည်။ပြည်တွင်းမှ ရာဘာများကိုအများဆုံးဝယ်ယူနေသည့်နိုင်ငံများမှာ တရုတ်၊မလေးရှား၊စင်ကပူ၊အိန္ဒိယ၊ဂျပန်၊ထိုင်ဝမ်နှင့်အင်ဒိုနီးရှားတို့ဖြစ်ကြပြီး တရုတ်နှင့်မလေးရှားနိုင်ငံကို အများဆုံးတင်ပို့လျှက်ရှိနေသည်။
ရာဘာသည် ပြည်ပသို့အများဆုံး တင်ပို့လျှက်ရှိနေသည့် လယ်ယာထွက်ကုန်(၁၀)မျိုး စာရင်းတွင်ပါဝင်နေသည်။ယခုဘဏ္ဍာနှစ်တွင် ပြညပသို့ရာဘာတင်ပို့မှုမှာ ကာလတူထက်ကန်ဒေါ်လာ (၂၆)သန်းကျော်ပိုမိုရရှိထားသည်ဟု ကုန်သွယ်ရေးဦးစီးဌာနမှသိရသည်။
အောင်ပြည့်စုံ