Heineken Beer
Heineken Beer

အယူခံဝင်ထားတဲ့ အခြေအနေကကောင်းမွန်ကြောင်း မိုးအောင်ရင်ရဲ့ ရှေ့နေ ဦးခင်မောင်တင့် ပြောကြား

အယူခံဝင်ထားတဲ့ အခြေအနေကကောင်းမွန်ကြောင်း မိုးအောင်ရင်ရဲ့ ရှေ့နေ ဦးခင်မောင်တင့် ပြောကြား
February 14, 2019 Asian Fame

ရုပ်ရှင်နှင့် ဗီဒီယိုသရုပ်ဆောင် မိုးအောင်ရင်အတွက် အယူခံလျှောက်လဲချက်ကို ဖေဖော်ဝါရီလ ၉ ရက်နေ့ နေ့ခင်း ၃ နာရီက ရန်ကုန်အရှေ့ပိုင်းခရိုင်တရားရုံးမှာ အယူခံ ဝင်ခဲ့ရာ ဖေဖော်ဝါရီ ၂၂ ရက်နေ့ မှာတင်ထားတဲ့ အယူခံမှုကို လက်ခံဖို့ သင့်မသင့် ကြားနာဖို့ ချိန်းထားတယ်လို့ တရားလွှတ်တော်ရှေ့နေ ဦးခင်မောင်တင့်က ပြောပါတယ်။ အယူခံအမိန့်ချ ခြင်းကိုတော့ လာမယ့် ၂၇ ရက်နေ့ကို တရားရုံးတော်က ပြန်လည်ချိန်းဆိုခဲ့ကြောင်း တရား လွှတ်တော်ရှေ့နေ ဦးခင်မောင်တင့် တရားရုံးက ပြန်အထွက်မှာ ပြောဆိုသွားခဲ့ပါတယ်။

မိုးအောင်ရင်ရဲ့ တရားလွှတ်တော်ရှေ့နေ ဦးခင်မောင်တင့်က ”မိုးအောင်ရင်ရဲ့ အမှုအ ယူခံအမိန့် ချမှတ်မှာကိုတော့ ဖေဖော်ဝါရီလ ၂၇ ရက်နေ့မှာ ချမှတ်မယ်လို့ သိရပါတယ်။ အမှုအတွက် အယူခံဝင်ထားတာ မိုးအောင်ရင်အတွက် အခြေအနေ အတော်ကောင်းမွန်ပါတယ်” လို့ ပြောပါတယ်။

သရုပ်ဆောင်​မိုးအောင်ရင်ကို ပုဇွန်တောင်မြို့နယ်တရားရုံးက မူးယစ်ဆေးဝါးဥပဒေပုဒ်​မ၁၅/၁၆(ဂ)အရ ထောင်ဒဏ် ၅ နှစ်ကျခံရန်​ နိုဝင်ဘာလ ၂၆ ရက်တွင် ချမှတ်ခဲ့ခြင်း ဖြစ်ပါတယ်။

ဒါ့အပြင် သရုပ်ဆောင်​မိုးအောင်ရင်ကို မူးယစ်ဆေးဝါး လက်ဝယ်တွေ့မှု ပုဒ်မ ၁၉ (က)ဖြင့်အလုပ်နှင့် ထောင်ဒဏ် ၁၂ နှစ် ကျခံရန် ရန်ကုန်​အရှေ့ပိုင်းတရားရုံးက နိုဝင်ဘာ ၁၂ ရက်တွင် အမိန့်ချမှတ်ခဲ့ခြင်းလည်း ဖြစ်ပါတယ်။
ဒါ့အပြင် အယူခံဝင်ထားတဲ့ အခြေအနေက အတော်ကောင်းမွန်တယ်လို့လည်း အဆိုပါ ရှေ့နေက ထပ်လောင်းဆိုခဲ့သေးတာကြောင့် မိုးအောင်ရင် ပရိသတ်တွေအတွက် ဝမ်းသာလို့ ရနိုင်တဲ့ အရိပ်အမြွတ်တစ်ခုလည်း ဖြစ်လာနိုင်ပါတယ်။

Comments (0)

Leave a reply

Your email address will not be published. Required fields are marked *

*