ရှေ့သို့စင်္ကာပူ

ရှေ့သို့စင်္ကာပူ
August 29, 2017 Asian Fame

11:47 am
ရှေ့သို့စင်္ကာပူ

Singapore၁၉၆၅ ခုနှစ် သြဂုတ်လတွင် လွတ်လပ်ရေး ရခဲ့သည်။ စင်္ကာပူသည် ယခုအခါ နိုင်ငံ သက်တမ်း ၅၂ နှစ် ပြည့်မြောက်ခဲ့ပြီ။ တစ်ခါက မလေး လူပျို အနည်းခဲ့သာရှိသည်။ တံငါရွာကလေး ဘ၀မှ ယခုအခါ ဒေသတွင်းနှင့် နိုင်ငံတကာ ငွေကြေး လုပ်ငန်းတို့၏ အချက်အချာ နေရာတစ်ခု အဖြစ် ပြောင်းလဲ တိုးတတ်လာသည့် စင်္ကာပူ၏ အောင်မြင်မှု သော့ချက်လည်းဖြစ်ပြီး စင်္ကာပူစိတ်ဓာတ်၊ စင်္ကာပူလမ်းစဉ် ဟုလည်း ခေါ်ဆိုနိုင်သည့်အကြောင်းအချက်တို့ကို စင်္ကာပူ ၀န်ကြီးချုပ် လီရှန်လွန်း က ယခုနှစ်စင်္ကာပူ အမျိုးသားနေ့အကြို မိန့်ခွန်းတွင် အလေးထား၍ ဖော်ပြသွားခဲ့သည်။

လီရှန်လွန်း ထုတ်ဖော်ပြောကြားသွားခဲ့သည့် စင်္ကာပူစိတ်ဓာတ် သို့မဟုတ် စင်္ကာပူ လမ်းစဉ်မှာ “ရှေ့သို့ကြိုတင် မျှော်တွေး၊ ရှေ့ အတွက် ကြိုတင်ပြင်ဆင်၊ ရှေ့ကိုမျှော်မှန်းနေထိုင်`` (Looking Ahead, Planning Ahead, Staying Ahead) ဟူ၍ဖြစ်သည်။ လီရှန်လွန်း၏ မိန့်ခွန်းပါ စကားစုများစွာ သူ၏ဖခင်ဖြစ်သူ စင်္ကာပူ နိုင်ငံကို စတင်တည်ထောင်သူ လီကွမ်းယု၏ အယူအဆနှင့် သဘောထားချင်း ထပ်တူဖြစ်၍နေသည်။ လီကွမ်းယုက “အဆုံး တစ်နေ့မှာတော့ စင်္ကာပူရဲ့ တိုးတတ်ဖွံ့ဖြိုးမှု အတွက် ဘယ်သူတွေ အပေါ်မှာ ပဲမူတည်သလဲ၊ ဘယ်သူတွေကိုပဲ ကျေးဇူးတင်ရမလဲ ဆိုတော့ အတိတ်က မျိုးဆက်လည်း မဟုတ်ဘူး။ ပစ္စုပ္ပာန် မျိုးဆက်လည်း မဟုတ် အနာဂတ်မှာ တာဝန်ယူကြမယ့် မျိုးဆက်တွေပဲ´´ ဟုပြောကြားခဲ့ဖူးသည်။

စင်စစ်၌ ကိုယ်ပိုင် သံယံဇာတဆို၍ သောက်သုံးရေနှင့် သဲမှုန့် မြေကြီးပင် မည်မည်ရရ မရှိသော စင်္ကာပူကို ဤအနေ အထားထိ ရောက်ရှိ တိုးတတ်လာအောင် စွမ်းဆောင်နိုင်ခဲ့သည်မှာ ခေတ် အဆက်ဆက် စင်္ကာပူသားတို့၏ `ရှေ့သို့´ မျှော်တွေး၍ ပြင်ဆင် လုပ်ဆောင် ကြိုးပမ်းမှုတို့ကြောင့်ဟု ဆိုနိုင်သည်။ ထိုသို့ စင်္ကာပူသားတို့၏ အနာဂတ် အပေါ် ရှေ့မျှော်လင့်ချက် (Aspiration)၊ မဆုတ် မနစ် အားထုတ်ကြိုးပန်းသည့် ဇွဲလုံ့လ (Perseverance)၊ ပိုင်းခြားဆင်ခြင် သုံးသပ်ဆုံးဖြတ်နိုင်သည့် ဥာဏ်ပညာ အမျှော်အမြင် (Wisdom) နှင့် စည်းကမ်းတကျ လိုက်နာနေထိင်တတ်မှု ( Rule of Law) ဆို့သည်ပင် စင်္ကာပူကို တိုးတက်အောင် တွန်းပို့ပေးခဲ့ခြင်းပင်။

၁၉၆၅ ခုနှစ်တွင် စင်္ကာပူ လွတ်လပ်ရေး ရခဲ့စဉ်က လွတ်လပ်သော နိုင်ငံတစ်ခုအဖြစ် ထူထောင်နိုင်ရန် ဘာဆိုဘာမျှ အဆင်သင့် မရှိခဲ့။ အမှန် ဆိုရသော် စင်္ကာပူကိုယ်တိုင် ထိုစဉ်အခါက လွတ်လပ်ရေး ရယူရန် ဆန္ဒရှိခဲ့သည်မဟုတ်။ ဗြိတိလျှကိုလိုနီ လက်အောက်မှ လွတ်မြောက် လာစ ဥခွံကျွတ်စ ငှက်ငယ်သဖွယ် အင်အားနည်းလှသည့် စင်္ကာပူသည် မိမိကိုယ်ကို အားပြုရပ်တည်နိုင်ခြင်း မရှိသေးသည့် အတွက် ထိုစဉ်က မလေးပြည်တောင်စုနှင့် ပူးပေါင်းခဲ့ရသည်။ သိုပသော် မလေးနိုင်ငံရေး ခေါင်းဆောင်တို့က စင်္ကာပူရှိ တရုတ် လူဦးရေနှင့် မလေးယားရှိ တရုတ်လူဦးရေ ပေါင်းမိသွားပါက မလေးနိုင်ငံရေးတွင် အင်အားချိန်ခွင်လျှာ အပြောင်းအလဲ ဖြစ်သွားမည် ကို စိုးရိမ်သည့် အတွက် စင်္ကာပူကို ကန်ထုတ်လိုက်ခြင်း ဖြစ်သည်။ ထိုစဉ်က စင်္ကာပူတွင် လူတစ်ဦးကျတစ်နှစ်ဝင်ငွေ ဒေါ်လာ ၃၀၀ ခန့်သာရှိသည်။ လူများစုမှာ လမ်းဘေးဈေးသည်နှင့် ပုခုံးထမ်း ကူလီအလုပ်အသားများသာ ရှိနေကြပြီး နေထိုင် ရသည် မှာလည်း သွပ်ပြားစုတ်မိုး၊ ကပ်စက္ကူအကာနှင့် ဖြစ်ကဆန်း ဆင်းရဲသား ရပ်ကွက်များ၌ နေထိုင်ကြရခြင်း ဖြစ်သည်။ အသစ်ကြပ်ချွတ် စင်္ကာပူ အစိုးရ၌ ရံပုံငွေခြူးတစ်ပြားမှ မရှိ။ နိုင်ငံကာကွယ်ရေးအတွက် စစ်သား တစ်ယောက်မျှမရှိ။ လွတ်လပ်ရေး ကြေငြာသည့်နေ့က ရေဒီယိုမှာ အသံလွှင့် မိန့်ခွန်း ပြောကြားရာတွင် ၀န်ကြီးချုပ် လီကွမ်းယုတစ်ယောက် ချုံးပွဲချ၍ ငိုခဲ့ရသည်အထိ ဖြစ်ခဲ့သည်။

ယခုလွတ်လပ်ရေးရပြီး ၅၂ နှစ်အကြာ၌မူ စင်္ကပူ၏ တစ်ဦးကျတစ်နှစ်ဝင်ငွေ ( ၀ယ်နိုင်အား ဆနှုန်းအရ) ဒေါ်လာ ၉၀၀၀၀ ကျော်ရှိသည်။ ၁၉၆၅ ခုနှစ်ကထက် အဆ ၃၀၀ တိုးလာခြင်းပင်ဖြစ်၏။ အလုပ်လက်မဲ့နှုန်း မရှိသလောက် စာမတတ်သူမရျိ။ အခြေအနေမဲ့ လမ်းဘေး ထိုင်နေသူ မရှိ။ ကျူးကျော်ရပ်ကွက် မရှိ။ ကမ္ဘာပေါ်၌ တစ်ဦးချင်းဝင်ငွေ တတိယ အများဆုံးနိုင်ငံ ဖြစ်နေလေပြီ။ စင်္ကာပူ၏ ကမ္ဘာ ကုန်သွယ်ရေကြောင်းတွင် အချက်အချာကျသည့် နေရာ၌ တည်ရှိမှုမှလွဲ၍ တခြားမက်လောက်စရာ သဘာဝအရင်းအမြစ် ဘာမျှမရှိ။

စင်္ကာပူ၏ အဓိက အားသာချက်မှာ ပြည်သူ့ရေးရာ စီမန်ခန့်ခွဲမှု (Public Administration) အားကောင်းခြင်းပင် ဖြစ်သည်။ စင်္ကကာပူ၌ အလွန်တော်၍ အမြော်အမြင်ကြီးမားကာ ရိုးဖြောင့်သည့် လီကွမ်းယုကဲ့သို့ ခေါင်းဆောင်မျိုးကို ကာလကြာရှည် ရရှိခဲ့သည်မှာ အလွန် ကံကောင်းသည်ဟု ဆိုနိုင်သည်။ ထိုမျှမက လီကွမ်းယု၏ ခေါင်းဆောင်မှု အောက်တွင် စည်းကမ်းတင်းကြပ်မှု မှန်သမျှကို သည်းခံ လိုက်နာ၍ အားကြိုးမာန်တက် ကြိုးစားလုပ်ကိုင်ခဲ့ကြသော စင်္ကာပူသားတို့ ၏ နောက်လိုက်ကောင်း ပီသမှုကိုလည်း အသိအမှတ်ပြုသင့် လှပေသည်။

လီကွမ်းယု၏ အမြော်အမြင် ကြီးမားမှုကို ဤနေရာတွင် အနည်းငယ်မျှ တင်ပြချင်ပါသည်။ စင်္ကာပူကို စတင်တည်ထောင်စဉ်က လူ အရင်းအမြစ် လေ့ကျင့်ပျိုးထောင်ရာ၌ အဓိကအားဖြင့် စာရင်းကိုင် ပညာနှင့် စက်မှုနည်းပညာ (ပိုလီတက္ကနစ်) ကျောင်းများကို ဦးစားပေး ထူထောင် ခဲ့သည်။ သဘာဝ အရင်းအမြစ် မရှိသော စင်္ကာပူအနေဖြင့် စီးပွားရေး လုပ်ငန်း ၀န်ဆောင်မှုနှင့် စက်မှုနည်းပညာပေါ် ၌သာ အားပြုရမည်ကို သိ၍ ထိုသို့ ဆောင်ရွက် ခဲ့ခြင်းဖြစ်၏။ ထိုစဉ်က ပိုလီ တကက္ကနစ်ကျောင်းများ ထူထောင်ရာတွင် ကိုလံဘိုစီမံကိန်း အထောက်အပံ့ဖြင့် အခြေကျ အောင်မြင်နေသော မြန်မာနိုင်ငံမှ စက်မှုအထက်တန်းကျောင်း (THS) နှင့် အစိုးရ စက်မှုသိပ္ပံ (AGTI) များကို လာရောက်လေ့လာ နည်းယူခဲ့ရသည်။

အိုးအိမ်ပြဿနာ ဖြေရှင်းရေး အတွက် မြန်မာနိုင်ငံမှ အိုးအိမ်ဘုတ် အဖွဲ့ကို နမူ နာယူ၍ ပြည်သူ့အိမ်ရာ စီမံကိန်း ရေးဆွဲကာ ရန်ကင်း ၁၂ လုံးတန်းမှ ပုံစံအတိုင်း ပြည်သူ့ အိမ်ရာများ ဆောက်လုပ် ခဲ့သည်။ (ယင်းပုံစံငယ်များကို စင်္ကာပူပြတိုက်၌ ယခုတိုင် ပြသထားသည်။) အတော်အတန် အခြေခိုင်လာသော အခါ နိုင်ငံခြား ရင်းနှီးမြှတ်နှံမှုနှင့် ဘဏ္ဍာငွေ အရင်းအနှီးများကို ရဲရဲဝံ့ဝံ့ အပြည့်အ၀ လက်ခံ ခွင့်ပြု ခဲ့သည်။ ထိုနောက်ပိုင်း မှစ၍ စင်္ကာပူ သည် ကမ္ဘာ့ဘဏ္ဍာရေး ဆုံမှတ် တစ်လု ဖြစ်လာသည်။ ကမ္ဘာ့ရေကြောင်း သင်္ဘော လမ်းဆုံမှတ် အနေအထားနှင့် ပေါင်းစပ် လိုက်သော အခါ ဒေသတွင်းနှင့် ပြည်ပ ကုန်သွယ်ရေးကို ချိတ်ဆက်ပေးသည့် ကုန်သည်ပွဲစားနိုင်ငံ ဖြစ် လာလေသည်။ ထိုအချိန် မှစ၍ ငွေကိုလူနှင့် ရှာရသည့် ဘ၀မှငွေကို ငွေနှင့်ရှာသည့် အဆင့်၊ ငွေကိုလေနှင့် (အဆက် အသွယ်နှင့်) ရှာသည့် အဆင့်သို့ ရောက်ကာ သက်တောင့်သက်သာဖြင့် အလျင်အမြန် ကြီးပွား ချမ်းသာလာခြင်းဖြစ်၏။

ယခု လီကွမ်းယု၏ သားဖြစ်သူ လီရှန်လွန်း၏ မိန့်ခွန်းတွင်လည်းပြည်သူ့ရေးရာ စီမံခန့်ခွဲမှုနှင့် ပတ်သက်၍ အမြော်အမြင်ရှိရှိဖြင့် ရှေ့လုပ်ငန်းစဉ် ချမှတ်ထားမှုများကို တွေ့နိုင်သည်။ Looking Ahead ရှေ့သို့ ကြိုတင် မျှော်တွေးမှုနှင့် ပတ်သက်၍ စင်္ကာပူ၏ အနာဂတ် မျိုးဆက် များ၏ အရည်အချင်းကို မြှင့်တင်နိုင်၍ ယခုကပင် မူကြို ပညာရေးမှ စ၍ အရည်အသွေး မြှင့်တင်သွားမည်ဟု သိရသည်။ လေနှင့်မြှင့် တင်ခြင်း မဟုတ်။ တကယ်ဖြစ်ချင်၍ တကယ် လုပ်မည့် အစီအမံ Planning Ahead ဖြစ်သည်။

အနာဂတ် စင်္ကာပူ အတွက် သာမန် ပညာရေးသာ မဟုတ်ဘဲ သတင်း အချက်အလက် သိပံ္ပ နည်းပညာ အပေါ် ပိုမိုအားပြုကာ ဖွံ့ဖြိုး တိုးတတ်သည် ထက် ပိုမိုဖွံ့ဖြိုး တိုးတက်လာစေရန် အစီအမံများ ရေးဆွဲထားသည်။ ပြည်သူ့ ၀န်ဆောင်မှု အပိုင်းတွင် သာမက ယခုအခါ အလျင်အမြန် ကြီးထွားလာသည့် အကြမ်းဖက် လုပ်ရပ်များကို နှိမ်နင်း တွန်းလျန်နိုင်ရေး အတွက်ပါ အခြားနည်းပညာ တိုးတတ်ခေတ် မီသော ဖွံ့ဖြိုးပြီး နိုင်ငံကြီး များကို အမီလိုက် ကျော်တတ်နိုင်အောင် လုပ်ဆောင် သွားမည်ဟု ဆိုသည်။

Living Ahead (ရှေ့ကိုကြိုတွေး နေထိုင်ရေး) တွင်လည်း စင်္ကာပူ၏ အိုမင်းသူ များပြားလာသော လူဦးရေ အခြေ အနေကြောင့် လူအိုမင်း များ အသက်ရှည်ကျန်းမာစွာ နေထိုင်ရေးအထိ ကြိုတင် စဉ်းစားထားသည်။ ယခုအခါ စင်္ကာပူ သက်ကြီးရွယ်အို များ၏ ၆၀% မှာ ဆီးချိုရောဂါ ရှိနေသည့် အတွက် ဆေးဝါးနှင့် စောင့်ရှောက်ကုသရေး သာမက အစားအသောက်၊ အနေအထိုင်၊ လေ့ကျင့်ခန်း များကိုပါ တွဲဖက် ပညာပေး ပြုပြင်ကာ ဘ၀နေနည်းပုံစံ ပြောင်းလဲနေထိုင် သွားနိုင်စေရေး အားပေးဆောင်ရွက် သွားမည်ဟု ဆိုသည်။ အချုပ် အားဖြင့်ဆိုသော် နိုင်ငံ၏ အနာဂတ် အတွက် မူကြိုအရွယ်မစ၍ သက်ကြီးရွာအို ဘ၀ တိုင်အောင် အဘက်ဘက်မှ ကြို တင်မျှော်ခေါ်စဉ်းစား ပြင်ဆင်ထားသည့် `ရှေ့သို့´ လမ်းစဉ်ကြီးဖြစ်သည်ကို တွေ့ရပေလိမ့်မည်။

မြန်မာနိုင်တွင်သည် ၁၉၆၀ ပြည့်လွန် ကာလများက `ရှေ့သို့´ ဟူသော စကားလုံး ခေတ်စားခဲ့ဖူး၏။ `ရှေ့သို့´ အမည်ဖြင့် အစိုးရထုတ် စာစောင် တစ်ခုကိုလည်း ဓာတ်ပုံ၊ ရုပ်ပုံ ဝေေ၀ဆာဆာဖြင့် ထုတ်ဝေခဲ့ဖူးသည်။ အကြောင်းကြောင်းသော အကြောင်းကြောင်းဆို့ကြောင့် ရှေ့သို့ မျှော်ကြည့်သည့် အဆင့်မှာပင်၊ ရှေ့သို့ များစွာမတိုးနိုင်ခဲ့သည်ကို တွေ့ရသည်။

ယင်း အတွက်လည်း မည်သူ့ကိုမျှ အပြစ်တင်ပုံချမှု မပြုလိုပါ။ အရေးကြီးသည်မှာ ရှေ့သို့ဆိုလျှင် အမှန်တကယ် ရှေ့ကိုအာရုံစိုက် မျှော်ကြည့်၍ ရှေ့သို့ တကယ်ရောက်အောင် လက်ရှိ အခြေအနေမှ အာရုံစိုက် ရုန်းကြဖို့သာရှိသည်။ ရှေ့သို့ဟု ပါးစပ်ကဆိုကာ လူတွေကနောက်သို့သာ ပြန်လှည့်ကြည့်ပြီး တစ်ဦးနှင့်တစ်ဦး အပြစ်တင် ရန်ဖြစ်နေကြဦးဆိုပါမူကား သူများတွေ ဒုံးပျံနှင့်သွားနေချိန်၌ ကိုယ်က ခရုကိုခွစီးပြီး ဘရိတ်ငြိ နေသည့်ဘ၀မျိုး၌သာ ကျန်ရှိနေခဲ့လိမ့်မည် ဖြစ်ပါကြောင်း။

ကိုကိုလှိုင်

Comments (0)

Leave a reply

Your email address will not be published. Required fields are marked *

*