Category: Movies

မေ ၅ ရက် ယူအင်န်အင်န် သတင်းဌာန၏ ဖော်ပြချက်အရ ၂၀၂၆ ခုနှစ် မေလ ၅ ရက်တွင် ရုရှားနှင့် အိန္ဒိယတို့သည် တစ်နိုင်ငံ၏ နယ်မြေအတွင်းသို့ တစ်နိုင်ငံက တပ်ဖွဲ့ဝင်များနှင့် စစ်သင်္ဘောများကိုဖြန့်ကျက်ချထားခွင့်ပြုသည့် သဘောတူညီချက်တစ်ရပ်ကို ချုပ်ဆိုခဲ့ကြသည်။ ယင်းသဘောတူညီချက်အရ အိန္ဒိယတွင် ရုရှားတပ်ဖွဲ့များ ထားရှိရန်နှင့် ရုရှားတွင် အိန္ဒိယတပ်ဖွဲ့များထားရှိရန် ဖြစ်သည်။ အဆိုပါသတင်းကို asia.nikkei.com ၏ ဖော်ပြချက်အား ကိုးကား၍ ယူအင်န်အင်န်သတင်းဌာနက သတင်း ဖေါ်ပြခဲ့ခြင်း ဖြစ်သည်။ အဆိုပါသဘောတူညီချက်တွင် စစ်အခြေစိုက်စခန်းများ၊ ဆိပ်ကမ်းများနှင့် လေယာဉ်ကွင်းများကို ပူးတွဲအသုံးပြုခွင့်ပေးရန်သာမက နှစ်နိုင်ငံစလုံး၏ နယ်မြေအတွင်း၌ တစ်ဖက်နိုင်ငံမှ စစ်ဘက်ဆိုင်ရာ ဝန်ထမ်း ၃,၀၀၀ ဦးအထိ စေလွှတ်ထားရှိနိုင်ရန် ပြဋ္ဌာန်းထားသည်။ စစ်ဘက်ဆိုင်ရာ ဝန်ထမ်း ၃,၀၀၀ အား ယာယီတပ်ဖြန့်ထားရှိနိုင်မှုအပြင် စစ်သင်္ဘော ၅ စင်းနှင့် စစ်လေယာဉ် ၁၀ စင်းတို့ကိုလည်း နှစ်ဖက်စလုံးရှိ အခြေစိုက်စခန်းများတွင် တစ်ပြိုင်နက်တည်း ထားရှိနိုင်မည် ဖြစ်သည်။ ယခုသဘောတူညီချက်အရ အိန္ဒိယတပ်မတော်ကို အာတိတ်ဒေသသို့ ဝင်ရောက်ခွင့်ကိုလည်း ပေးအပ်ထားကြောင်း သိရသည်။ ရုရှားနှင့် တရုတ်နိုင်ငံတို့သည် နီးကပ်သော ဆက်ဆံရေးရှိသော်လည်း အဆိုပါသဘောတူညီချက်သည် ယုံကြည်မှုတည်ဆောက်ရာတွင် အထောက်အကူဖြစ်စေကြောင်း အကဲခတ်များက မှတ်ချက်ပြုကြသည်။ နူးဒေလီအခြေစိုက် NatStrat သုတေသနအဖွဲ့မှ ဝါရင့်အဖွဲ့ဝင် ရာဇကုမာ ရှာမာ က ရုရှားနှင့်ချုပ်ဆိုသော အဆိုပါသဘောတူညီချက်သည် ပုံမှန်လက်နက်ရောင်းဝယ်မှုအဆင့်ထက် ကျော်လွန်၍ စစ်ရေးပူးပေါင်းဆောင်ရွက်မှုကို...