Category: Local News

လူသားချင်းစာနာမှု အကျပ်အတည်း တိုးမြင့်လာမည့် နိုင်ငံ(၅)နိုင်ငံတွင် မြန်မာပါဝင်လာသည်ဟု နိုင်ငံတကာကယ်ဆယ်ရေးကော်မတီ (IRC)က အသိပေးထုတ်ပြန်ထားသည်။  အဆိုပါ (၅)နိုင်ငံမှာ ပထမ‌နေရာတွင် ဆူဒန်၊ ဒုတိယနေရာတွင် ပါလက်စတိုင်း၊တတိယနေရာတွင်မြန်မာ၊ စတုတ္ထနေရာတွင် ဆီးရီးယား နှင့် ပဉ္စနေရာတွင် တောင် ဆူဒန် တို့ဖြစ်ကြကြောင်း သိရသည်။ ယင်းအနက် မြန်မာနိုင်ငံသည် ၂၀၂၅ ခုနှစ်အတွင်း လူသားချင်းစာနာမှုအကျပ်အတည်း တိုးမြှင့်လာမည်ဖြစ်သည်ဟု IRC ၏ အသိပေးချက်တွင်ဖော်ပြထားသည်။ လက်ရှိ မြန်မာနိုင်ငံတွင် လူပေါင်း (၉) သိန်းနီးပါး အိုးအိမ်စွန့်ခွာ ထွက်ပြေးနေရပြီး၊ ပြီးခဲ့သည့် ၂၀၂၃ ခုနှစ်ထက် (၃၇) ရာခိုင်နှုန်း တိုးလာကြောင်း IRC က အသိပေးဖော်ပြချက်အရ သိရသည်။ “စောင့်ကြည့်စာရင်းဝင် နိုင်ငံတွေဟာ ပုံမှန်အတိုင်းဆို စီးပွားရေးလမ်းကြောင်းက ပြောင်းပြန်လှန်နိုင်မှာ မဟုတ်ဘူး။ လက်ရှိအနေအထားကို မကြည့်ဘူးဆိုရင် အရပ်သားပြည်သူတွေဟာ ကြီးထွားနေတဲ့ ပြဿနာနဲ့ အဆိုးရွားဆုံး သက်ရောက်မှုတွေကို ဆက်လက်ခံစားရနိုင်တယ်” ဟု IRC ဥက္ကဌနှင့် CEO ဖြစ်သူ David Miliband က ပြောကြားထားသည်။  လူသားချင်းစာနာမှုဆိုင်ရာ အကျပ်အတည်းများမှုကို ဖြေရှင်းရန် လူသားချင်းစာနာမှု အကူအညီပေးရေး စနစ်ကို ပြုပြင်ပြီး စီးပွားရေးတည်ငြိမ်မှုကို မြှင့်တင်ရန်လိုအပ်ကြောင်း IRC ထုတ်ပြန်ချက်တွင် ဖော်ပြသည်။  ယင်းအပြင် ဗီတိုအာဏာသုံးမှုကို ဆိုင်းငံ့ထားရန်၊ အရပ်သားများအား အကာအကွယ်ပေးရန်၊ ဒုက္ခသည်များ အတွက် ဘေးကင်းသော လမ်းကြောင်းများနှင့် အကူအညီများ ချဲ့ထွင်ပေးရန်လိုအပ်ကြောင်း ဆိုသည်။  ကမ္ဘာတစ်ဝှမ်းတွင်...