နစက ဥက္ကဋ္ဌနှင့် ဗိုလ်ချုပ်ကြီး ရွက်ဆစ်ဦးဆောင်သည့် RCSS အဖွဲ့ နေပြည်တော်တွင် (၃) ကြိမ်မြောက် တွေ့ဆုံရန်ရှိနေ

ဗိုလ်ချုပ်မှူးကြီး မင်းအောင်လှိုင် အပါအဝင် နစက၏ ငြိ မ်းချမ်းရေးဖော်ဆောင်ရေးကော်မတီနှင့် သျှမ်းပြည်ပြန် လည်ထူထောင်ရေး ကောင်စီတို့အကြား (၃) ကြိမ်မြောက် တွေ့ဆုံဆွေးနွေးရန် အစီအစဉ်ရှိကြောင်း သိရသည်။

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်၏ ငြိမ်းချ မ်းရေး ဖိတ်ခေါ်မှုဖြင့် နစက နှင့် RCSSတို့အကြား ငြိမ်း ချမ်းရေးကိစ္စရပ်များ ၊ ဖွဲ့စည်းပုံပြင်ဆင်ရေး အပါအဝင် လက်ရှိ နိုင်ငံရေး အခင်းအကျင်းနှင့် ပတ်သက်၍ ဆွေး နွေးမှုများ လုပ်ဆောင်လျက်ရှိရာ မကြာမီ ရက်အတွင်း နေပြည်တော်၌ တတိယအကြိမ် တွေ့ဆုံရန် အစီအစဉ်ရှိနေခြင်းလည်း ဖြစ်သည်။

အဆိုပါ တွေ့ဆုံဆွေးနွေးမှုနှင့် ပတ်သက်၍ နှစ်ဖက်အဖွဲ့အစည်းများက တရားဝင် ထုတ်ဖော်ပြောဆိုခြင်း မရှိသေးသော်လည်း RCSS နှင့် နီးစပ်သူအချို့က တွေ့ဆုံရန်ရှိကြောင်း ပြောဆိုမှုများ ရှိသည်။

ယခုအကြိမ်တွေ့ဆုံမှုတွင် ငြိမ်းချမ်းရေး ကိစ္စရပ်များ အ ပြင် လက်ရှိနိုင်ရေးအကျပ်အတည်း ဖြေရှင်းရေး၊ ဖက်ဒရယ်ဒီမိုကရေစီ တည်ဆောက်ရေးတို့ ကိစ္စရပ်များလ ည်း ထည့်သွင်း ဆွေးနွေးရန် အလားအလာရှိနေကြောင်း RCSS နှင့် နီးစပ်သည့် သတင်းရင်းမြစ်အချို့က ပြောဆိုမှုများ ရှိနေသည်။

RCSS သည် ပြီးခဲ့သည့် ၂၀၂၂ ခုနှစ်အတွင်းက နစက ဥ က္ကဋ္ဌ ဗိုလ်ချုပ်မှူးကြီး မင်းအောင်လှိုင်အပါအဝင် ဗိုလ်ချု ပ်ကြီး ရာပြည့် ဦးဆောင်သည့် နစက၏ ငြိမ်းချမ်းရေး တ ည်ဆောက်ရေးအဖွဲ့နှင့် တွေ့ဆုံဆွေးနွေးမှုများ (၂) ကြိမ်တိုင်တိုင် လုပ်ဆောင်ခဲ့ပြီး ရလဒ်ကောင်းများ ထွက်ပေါ်ခဲ့ကြောင်းလည်း ပြောဆိုထားသည်။

ယခုတကြိမ် တွေ့ဆုံမှုတွင် RCSS ကိုယ်စားလှယ်အဖွဲ့အ နေဖြင့် ဗဟိုအလုပ်အမှုဆောင် ကော်မတီဝင် ဗိုလ်မှူးကြီး ဆောင်းဟန်၊ ဒုတိယ ဗိုလ်မှူးကြီး အုမ်ခေး၊ ဗဟိုဦးဆောင်ကော်မတီဝင်များ ဖြစ်သည့် ဗိုလ်မှူး နန်းမိုးမိုးစော၊ ဗိုလ် မှူးနန်းစံဖောင်းတို့နှင့် အထောက်အကူပြုများ ပါဝင်လာမည်ဖြစ်ကြောင်း သတင်းထွက်ပေါ်လျက်ရှိပြီး ပေါ်ပြူ လာနယူး(စ်) အနေဖြင့် သီးခြား အတည်ပြုနိုင်ခြင်း မရှိသေးပေ။

ဗိုလ်ချုပ်မှူးကြီး မင်းအောင်လှိုင် ဦးဆောင်သည့် နစကနှင့် ငြိမ်းချမ်းရေး တွေ့ဆုံဆွေးနွေးမှု လုပ်ဆောင်နေသည့် အဖွဲ့ (၁၀) ဖွဲ့ရှိနေပြီး ယင်းအဖွဲ့များထဲတွင် အင်အားကြီး တိုင်းရင်းသား လက်နက်ကိုင်အဖွဲ့ဖြစ်သည့် “ဝ” ပြည်သွေးစည်းညီညွတ်ရေး တပ်မတော် UWSA လည်း ပါဝင်နေသည်။