ရန်ကုန်ကလေးဆေးရုံကြီး ပင်မဆောင်ပထမထပ်ရှိ ခွဲစိတ်ခန်းမကြီးတွင် ဇွန် ၁၁ ရက်နံနက် ၇ နာရီ ၁၅ မိနစ်မှစတင်၍ ရင်ချင်းဆက်အမွှာကလေးနှစ်ဦးကို သီးခြားစီခွဲထုတ်နိုင်ရေးအတွက် ခွဲစိတ်ကုသမှုပြုလုပ်ပေးခဲ့ကြောင်း သိရသည်။
ရန်ကုန်ကလေးဆေးရုံအုပ်ကြီး ဒေါက်တာအောင်ထွန်းဦးက အနီးကပ်ကြီးကြပ်၍ ခွဲစိတ်ဆရာဝန်ကြီးဒေါက် တာဒေါ်ညိုညိုဝင်းဦးဆောင်သော ဆေးဘက်ဆိုင်ရာအဖွဲ့ကခွဲစိတ်ကုသခြင်းဖြစ်ကာ ရန်ကုန်တိုင်းအစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီးဗိုလ်မှူးကြီးဝင်းတင့်နှင့် တာဝန်ရှိသူများကကြည့်ရှုအားပေးခဲ့ကြကြောင်း သိရသည်။
အဆိုပါ ရင်ချင်းဆက်အမွှာကလေးငယ်များဖြစ်သည့် မကြာညိုသင်း(အကြီး)နှင့် မကြာညိုသိမ့်(အငယ်) အ သက်(၂)နှစ်(၅)လတို့သည် ပခုက္ကူမြို့နယ်၊ အမှတ်(၁) ရပ်ကွက်နေ ဦးထွန်းလင်းအောင်နှင့် ဒေါ်ယဉ်နုခိုင်တို့၏ သမီးနှစ်ဦးဖြစ်ကာ ရန်ကုန်ကလေးဆေးရုံကြီး၌ ဇန်နဝါရီ ၆ ရက်မှစတင်ကာ တက်ရောက်ကုသမှုခံယူနေကြခြင်းဖြစ်ကြောင်း သိရသည်။
