Category: Movies

ဆန်ဖရန်စစ္စကို၊ မေလ ၆ ရက် အမေရိကန်လုပ်ငန်းရှင် အီလွန်မတ်စ်က ၎င်း၏ ဉာဏ်ရည်တုနည်းပညာကုမ္ပဏီဖြစ်သော xAI သည် သီးခြားကုမ္ပဏီတစ်ခုအဖြစ် ဆက်လက်လည်ပတ်တော့မည်မဟုတ်ကြောင်း ဗုဒ္ဓဟူးနေ့တွင် ပြောကြားခဲ့သည်။ “xAI ကို သီးခြားကုမ္ပဏီအဖြစ်ကနေ ဖျက်သိမ်းသွားမှာဖြစ်ပြီး SpaceXAI အနေနဲ့ပဲ ရှိပါတော့မယ်၊ ဒါဟာ SpaceX ကနေ ထွက်ပေါ်လာမယ့် AI ထုတ်ကုန်တွေ ဖြစ်လာမှာပါ” ဟု xAI ၏ စီးပွားရေးပြန်လည်ဖွဲ့စည်းမှုနှင့် ပတ်သက်သည့် ပို့စ်တစ်ခုကို တုံ့ပြန်ရာတွင် မတ်စ်က လူမှုကွန်ရက် X ပေါ်၌ ရေးသားခဲ့သည်။ ဗုဒ္ဓဟူးနေ့တွင် xAI ၏ ဝက်ဘ်ဆိုက်ပေါ်၌ “SpaceXAI” အမည်ဖြင့် ထုတ်ပြန်သော ကြေညာချက်တစ်ခုတွင် ကုမ္ပဏီအနေဖြင့် အမေရိကန် AI ကုမ္ပဏီတစ်ခုဖြစ်သည့် Anthropic နှင့် သဘောတူညီချက်တစ်ရပ် ကို လက်မှတ်ရေးထိုးခဲ့ကြောင်း ဖော်ပြထားသည်။ အဆိုပါသဘောတူညီချက်မှာ ကမ္ဘာ့အကြီးဆုံးနှင့် အမြန်ဆုံး အသုံးပြုနိုင်သော AI စူပါကွန်ပျူတာများအနက် တစ်ခုဖြစ်သည့် Colossus 1 ကို အသုံးပြုခွင့်ရရှိရန် ဖြစ်သည်။ xAI ကုမ္ပဏီကို အီလွန်မတ်စ်က ၂၀၂၃ ခုနှစ်တွင် တည်ထောင်ခဲ့ပြီး Grok ဟုခေါ်သော AI chatbot အပါအဝင် ထုတ်ကုန်များကို ထုတ်လုပ်ခဲ့သည်။ SpaceX အနေဖြင့် xAI ကို ဝယ်ယူလိုက်ပြီဖြစ်ကြောင်း ကုမ္ပဏီဝဘ်ဆိုက်တွင် ဖေဖော်ဝါရီလကတည်းက ဖော်ပြခဲ့ပြီးဖြစ်သည်။ Ref: ဆင်ဟွာ