အာရှယူ-၁၇ အမျိုးသမီးဖလား ပြိုင်ပွဲကြီးတွင် ဝင်ရောက်ယှဉ်ပြိုင်ရန် တရုတ်နိုင်ငံသို့ ရောက်ရှိနေသည့် မြန်မာ ယူ-၁၇ အမျိုးသမီး လက်ရွေးစင်အသင်းသည် ယနေ့ ဧပြီ (၂၅) ရက် ညနေပိုင်းတွင် တရုတ် (တိုင်ပေ) အသင်းနှင့် လေ့ကျင့်ခြေစမ်းပွဲ ယှဉ်ပြိုင်ကစားသွားမည်ဖြစ်ကြောင်း သိရသည်။
မြန်မာအသင်းသည် ပြိုင်ပွဲမစတင်မီ အသင်း၏ အရည်အသွေးကို စစ်ဆေးသည့်အနေဖြင့် ခြေစမ်းပွဲများ ဆက် တိုက်ကစားလျက်ရှိရာ၊ ဖိလစ်ပိုင် ယူ-၁၇ အသင်းနှင့် ခြေစမ်းမှု ပြုလုပ်ခဲ့ပြီးနောက် ယနေ့တွင် တရုတ် (တိုင်ပေ) အသင်းနှင့် ထပ်မံယှဉ်ပြိုင်ခြင်းဖြစ်သည်။
ယခုနှစ် အာရှယူ-၁၇ အမျိုးသမီးဖလား ပြိုင်ပွဲတွင် မြန်မာအသင်းသည် အင်အားကြီးအသင်းများ ပါဝင်သည့် အုပ်စု (က) တွင် ကျရောက်နေပြီး ပြိုင်ဘက်အသင်းများအနေဖြင့် တရုတ် (အိမ်ရှင်)၊ ထိုင်း၊ ဗီယက်နမ်အသင်းတို့ဖြင့် ကကျရောင်နေပြီ ယနေ့ခြေစမ်းပွဲကစားမည့် တရုတ် (တိုင်ပေ) အသင်းမှာမူ အုပ်စု (ဂ) တွင် မြောက်ကိုရီးယား၊ တောင်ကိုရီးယား၊ ဖိလစ်ပိုင်တို့နှင့်အတူ ကျရောက်နေသည်။