ကရင်ပြည်နယ်၊ ကော့ကရိတ်မြိုအတွင်း ယာယီနေရပ်စွန့်ခွာ ဒေသခံများ ပြန်လည်ဝင်ရောက်နေထိုင်လျက်ရှိရာ ဧပြီ(၃၀) ရက်၊ နံနက်ပိုင်းက ကရင်ပြည်နယ် ဝန်ကြီးချုပ် ဦးစောမြင့်ဦးနှင့် တာဝန်ရှိသူများက လိုအပ်သည့် ကူညီစောင့်ရှောက်မှုများ ကွင်းဆင်းကြည့်ရှုဆောင်ရွက်ပေးခဲ့ကြောင်း သိရသည်။
ကော့ကရိတ်(တံတားကျိုး)စုပေါင်းစစ်ဆေးရေးစခန်း၌ ယာ ယီပြောင်းရွှေ့နေထိုင်သည့် နေရာများမှ ကော့ကရိတ်မြို့အ တွင်း ပြန်လည်ဝင်ရောက်နေထိုင်ကြမည့် နေရပ်ပြန်ပြည်သူများအား ပြည်နယ်ဝန်ကြီးချုပ်နှင့် အဖွဲ့မှ ရင်းရင်းနှီးနှီးတွေ့ဆုံ၍ အားပေးစကားများ ပြောကြားခဲ့ကြောင်း သိရသည်။
ထို့နောက် ပြည်နယ်ဝန်ကြီးချုပ်နှင့် အဖွဲ့သည် ဒေါနခန်းမ၌ နေရပ်ပြန်ပြည်သူများနှင့် တွေ့ဆုံခဲ့ကြောင်း သိရသည်။
ကော့ကရိတ်မြို့ကို ပြန်လည်ထိန်းချုပ်နိုင်ပြီဖြစ်သည့်အတွ က် (၅) လကြာ ယာယီပြောင်းရွေ့နေထိုင်ကြသည့် ဒေသခံပြည်သူများ မိမိနေရပ်သို့ ပြန်လည်နေထိုင်နိုင်ပြီဖြစ်ကြော င်း ပြည်နယ်ဝန်ကြီးချုပ်က ပြောကြားခဲ့သည်။
ယာယီပြောင်းရွှေ့နေထိုင်ကြရသည့် ကာလတွင်လည်း စားသောက်နေထိုင်ရေးအဆင်ပြေစေရန် ကူညီထောက်ပံ့ပေးခဲ့ပြီး ပြန်လည်ဝင်ရောက်နေထိုင်ကြသည့် အိမ်ထောင်စုများကိုလည်း ဆက်လက်ထောက်ပံ့ကူညီပေးသွားမည်ဖြစ်ကြော င်း သိရသည်။
လက်ရှိ ပျက်စီးဆုံးရှုံးမှုစာရင်းများကို လိုက်လံကောက်ယူလျက်ရှိပြီး ဆုံးရှုံးမှု အနည်းအများအလိုက် ကူညီထောက်ပံ့ပေးနိုင်ရေး၊ ပြန်လည်ထူထောင်ရေးလုပ်ငန်းများဆောင်ရွက် နိုင်ရန် ပြည်နယ်အဆင့် ပြန်လည်ထူထောင်ရေးကော်မတီကို ဖွဲစည်းပေးထားပြီး လိုအပ်ချက်များကို ဖြည့်ဆည်းပေးသွားမည်ဖြစ်ကြောင်း ပြည်နယ်ဝန်ကြီးချုပ်က ပြောကြားသည်။
ပြည်နယ်ဝန်ကြီးချုပ်နှင့် တာဝန်ရှိသူများက ကော့ကရိတ်မြိုတွင်း ပြန်လည်နေထိုင်ကြသည့် အိမ်ထောင်စုများအတွက်ဆန်ရိက္ခာဖိုးငွေကျပ် ၉၀၀၀၆၀ဝိ/-၊ ဆန်၊ ဆီ၊ ခေါက်ဆွဲခြောက်နှင့် ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနမှ ထောက်ပံ့သည့် ကယ်ဆယ်ရေးပစ္စည်း(၁၇)မျိုးတို့ကို ထော က်ပံ့ပေးအပ်ခဲ့ကြောင်း သိရသည်။
