အမေရိကန်သမ္မတ ဒေါ်နယ်ထရမ့်က အီရန်စစ်ပွဲကို ရပ်တန့်ဖို့ သဘောတူညီချက်ကို တနင်္ဂနွေနေ့မှာတင် လက်မှတ်ထိုးနိုင်တယ်လို့ ပြောပါတယ်။ ဒါပေမဲ့ အီရန်ဘက်ကတော့ အဲဒီအချိန်ဇယားကို လက်မခံဘဲ လက်မှတ်ထိုးဖို့ဟာ “လာမယ့်ရက်ပိုင်းအတွင်း” ဖြစ်လာနိုင်တယ်လို့သာ ဆိုပါတယ်။
သဘောတူညီချက် ရသွားရင် ဟော်မုဇ်ရေလက်ကြားကို “လူတိုင်းအတွက် ဖွင့်ပေးမယ်” လို့ ထရမ့်က ပြောပြီး အီရန်ရဲ့ နျူကလီးယားပစ္စည်းတွေကို အမေရိကန်က နောက်ဆုံးမှာ ရယူသွားနိုင်မယ်လို့လည်း ကြွေးကြော်ထားပြန်ပါသေးတယ်။
အပစ်အခတ်ရပ်စဲရေး သဘောတူညီချက်ဟာ လက်ဘနွန်အထိ အကျုံးဝင်ရမယ်လို့ အီရန်ဘက်က တောင်းဆိုထားပေမဲ့ အစ္စရေးတပ်ဖွဲ့တွေကတော့ တိုက်ခိုက်မှုတွေကို ဆက်လုပ်နေတာကြောင့် လက်ဘနွန်တောင်ပိုင်းမှာ ပေါက်ကွဲမှုတွေ ဖြစ်ပွားနေပါတယ်။
အီရန်သတင်းမီဒီယာတွေရဲ့ ဖော်ပြချက်အရ ကွယ်လွန်သွားပြီဖြစ်တဲ့ အီရန်ခေါင်းဆောင်ကြီး အလီ ခါမေနီရဲ့ ဈာပနအခမ်းအနားကို ဇူလိုင်လ ၄ ရက်နေ့မှာ တီဟီရန်မြို့မှာ စတင်မှာဖြစ်ပြီး ဇူလိုင်လ ၉ ရက်နေ့မှာတော့ မတ်ရှ်ဟတ်မြို့မှာ မြေမြှုပ်သင်္ဂြိုဟ်မယ်လို့ သိရပါတယ်။