မြန်မာနိုင်ငံဘောလုံးအဖွဲ့ချုပ် (MFF) ဖူဆယ်လိဂ်ကော်မတီ၏ (၁/၂၀၂၆) အ စည်းအဝေးကို ဇွန် (၁၃) ရက် နံနက်ပိုင်းက ရန်ကုန်မြို့ရှိ MFF Futsal Stadium အစည်းအဝေးခန်းမ၌ ကျင်းပပြုလုပ်ခဲ့ရာ ရှေ့ဆက်ကျင်းပမည့် နိုင်ငံတကာဖိတ်ခေါ်ပြိုင်ပွဲများ အောင်မြင်စွာ ကျင်းပနိုင်ရေးကိစ္စရပ်များကို အဓိကထား ထည့်သွင်းဆွေးနွေးခဲ့ကြသည်။
လက်ရှိတွင် လက်ရွေးစင်အသင်းများ အောင်မြင်ရေးနှင့် ပြိုင်ပွဲများ ကျင်းပရန် ပြင်ဆင်နေပြီး၊ နိုင်ငံတကာဖိတ်ခေါ်ပြိုင် ပွဲများအောင်မြင်စွာကျင်းပနိုင်ရေးအပြင် ပြည်တွင်းရှိ လိဂ်ပြိုင်ပွဲများ၊ ချန်ပီယံရှစ်ပြိုင်ပွဲများ၊ အမျိုးသမီးလိဂ်ပြိုင်ပွဲများနှင့် လူငယ်လိဂ်ပြိုင်ပွဲများ စနစ်တကျ ကျင်းပနိုင်ရန် ဆွေးနွေးခဲ့ကြကြောင်း သိရသည်။
ထို့ပြင် မြန်မာ့လက်ရွေးစင်ဖူဆယ်အသင်းများအနေဖြင့် လာမည့်နိုင်ငံတ ကာပြိုင်ပွဲများ၌ ရလဒ်ကောင်းများနှင့် အောင်မြင်မှုများ ဆွတ်ခူးနိုင်ရေးအတွက်လည်း အဖက်ဖက်မှ ဝိုင်းဝန်းဆွေးနွေးခဲ့ကြကြောင်း သိရသည်။
အစည်းအဝေးအပြီးတွင် ၂၀၂၆-၂၀၂၇ ခုနှစ်အတွင်း ကျင်းပပြုလုပ်မည့် မြန်မာ့ဖူဆယ်ပြိုင်ပွဲများကို ပရိသတ်များ အ လွယ်တကူ တိုက်ရိုက်ကြည့်ရှုနိုင်စေရန်အတွက် MFF ဖူဆယ်နှင့် သဲသောင်ပြင်ဘောလုံးကော်မတီနှင့် Hey Play Com pany Limited တို့အကြား Host Broad caster (HB) စာချုပ်ကို ယနေ့၌ပင် ချုပ်ဆိုခဲ့သည်။
အဆိုပါ စာချုပ်အရ Hey Play TV Cha nnel နှင့် Hey Play YouTube Channel တို့မှတစ်ဆင့် ပြိုင်ပွဲစဉ်များကို တိုက်ရိုက် (Live) ရိုက်ကူးထုတ်လွှင့် ပြသပေးသွားမည်ဖြစ်ကြောင်း သိရသည်။
အစည်းအဝေးသို့ မြန်မာနိုင်ငံဘောလုံးအဖွဲ့ချုပ် ဖူဆယ်နှင့်သဲသောင်ပြင် ဘောလုံးကော်မတီ ဥက္ကဋ္ဌ ဦးဝင်းသော်၊ ဖူဆယ်လိဂ်ကော်မတီ ဥက္ကဋ္ဌ ဦးကြည်မင်းသိန်း၊ ဒုတိယဥက္ကဋ္ဌများ ဖြစ်ကြသော ဦးနိုင်သောင်းထိုက်နှင့် ဦးဖြိုးမောင်မောင်၊ တာဝန်ခံဒါရိုက်တာ ဦးဘုန်းညွန့်ကို နှင့် ဖူဆယ်လိဂ် (၁) အသင်းများမှ အသင်းပိုင်ရှင်များနှင့် တာဝန်ရှိသူများ တက်ရောက်ခဲ့ကြသည်။