ဧရာဝတီတိုင်းတွင် မိုးရာသီစိုက်ပျိုးစားရိတ်ချေးငွေစတင်ထုတ်ချေးပေးလျက်ရှိရာ မိုးစပါးစိုက်ဧက (၁၂၁၆၇၂၈) အတွက် ချေးငွေကျပ် (၃၆၅.၀၁၈) ဘီလီယံကို ထုတ်ချေးပေးရန်လျာထားကြောင်း သိရသည်။
ဧရာဝတီတိုင်းဒေသကြီးတွင် ယခင် ၂၀၂၅-၂၀၂၆ ဘဏ္ဍာရေးနှစ်၌ စပါးတစ်ဧက ချေးငွေနှုန်းထား တစ်သိန်းခွဲနှုန်းဖြင့် တောင်သူ (၁၄၆၀၃၇) ဦး၊ ဧက (၁၀၀၅၆၇၃) အတွက် ချေးငွေကျပ် (၁၅၀ဒသမ၈၅၀) ဘီလီယံ ထုတ်ချေးပေးနိုင်ခဲ့ကြောင်း သိရသည်။
ယခု ၂၀၂၆-၂၀၂၇ ဘဏ္ဍာရေးနှစ်တွင် စပါးတစ်ဧက ချေးငွေနှုန်ထား ကျပ်သုံးသိန်းနှုန်းဖြင့် လျာထားဧက (၁၂၁၆၇၂၈) အတွက် ချေးငွေကျပ် (၃၆၅ဒသမ ၀၁၈) ဘီလီယံကို ထုတ်ချေးပေးရန် လျာထားကြောင်း သိရသည်။
သို့ရာတွင် ချေးငွေတစ်ဝက်ကို စိုက်ဘဏ်မှငွေသားဖြင့်ထုတ်ချေးပြီး ကျန်တစ်ဝက်ကို K Pay account သို့ လွှဲပေးမည့်အစီအစဥ်နှင့်ပတ်သက်ပြီး တောင်သူတစ်ချို့ လတ်တလောဖုန်းအသုံးပြုမှု အခက်အခဲတစ်ချို့နှင့်ကြုံတွေ့နေရကြောင်းလည်း သိရသည်