ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာနလက်အောက်ရှိ ရှေးဟောင်းသုတေသနနှင့် အမျိုးသားပြတိုက်ဦးစီးဌာန မန္တလေးဌာနခွဲက ၂၀၂၆ -၂၀၂၇ ဘဏ္ဍာရေးနှစ်အတွင်း ဆောင်ရွက်မည့် ရှေးဟောင်းအဆောက်အအုံ ပြုပြင်ထိန်းသိမ်းရေးလုပ်ငန်း (၅) ခုအတွက် အိတ်ဖွင့်တင်ဒါခေါ်ယူထားကြောင်း သိရသည်။
အဆိုပါ လုပ်ငန်းများတွင် ပင်လယ်မိုင်းမောကုန်းအမှတ် (၂၂) အား ထိန်းသိမ်းရန် အမိုးအကာဆောက်လုပ်ခြင်း၊ မြနန်းစံကျော်ရွှေနန်းတော်ရှိ လိုအပ်သည့် လျှောက်လမ်းနေရာများတွင် ပေအုတ်ခင်းခြင်း၊ မြနန်းစံကျော်ရွှေနန်းတော်တိုင်များအား မြန်မာမှုလက်ရာ ယွန်းကြိုးထိုးခြင်း၊ မန္တလေးနန်းမြို့ရိုးအတွင်းရှိ စွယ်တော်စင်နှင့် ပဟိုရ်စင်တို့အား ပြုပြင်ထိန်းသိမ်းခြင်းတို့ ပါဝင်ကြောင်း သိရသည်။
တင်ဒါလျှောက်လွှာများကို ၂၀၂၆ ခုနှစ် မေ (၁၁) ရက်မှ စ တင်ရောင်းချမည်ဖြစ်ပြီး မေ (၂၅) ရက် ညနေ (၄) နာရီနောက်ဆုံးထား၍ ပြန်လည်တင်သွင်းရမည်ဖြစ်ကြောင်း ထုတ်ပြန်ထားသည်။
တင်ဒါလျှောက်လွှာများကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ မန္တလေးဌာနခွဲရုံး၊ (၂၈) လမ်းနှင့် လမ်း (၇၀) ထောင့်၊ ချမ်းအေးသာစံမြို့နယ်၊ မန္တလေးမြို့သို့ တင်သွင်းရမည်ဖြစ်ပြီး တင်ဒါဖွင့်လှစ်မည့်ရက်နှင့် နေရာကို ထပ်မံကြေညာပေးသွားမည်ဖြစ်ကြောင်း သိရသည်။
အသေးစိတ်အချက်အလက်များကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ စီမံဘဏ္ဍာဌာနစု ဖုန်း ၀၂ -၂၈၄၄၃၀၂၊ ၀၉-၄၀၆၀၀၅၉ နှင့် ၀၉-၂၀၀၂၁၉၅ တို့သို့ ရုံးချိန်အတွင်း ဆက်သွယ်မေးမြန်းနိုင်ကြောင်း သိရသည်။