ယမန်နေ့ မေ ၂၆ ရက်ညပိုင်းက မြန်မာနိုင်ငံရှိ မြို့(၃) မြို့ကိုဗဟိုပြု၍ အင်အားအနည်းငယ်စီရှိသော ငလျင်လှုပ်ခတ်မှု(၃)ကြိမ်ဖြစ်ပွားခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။
ည ၁၁ နာရီ ၅၄ စက္ကန့်က ကလေးဝမြို့၏ အရှေ့ဘက် (၁၀)မိုင်ခန့်အကွာ၊ အနက်(၇၈)ကီလိုမီတာကိုဗဟိုပြု၍ မဂ္ဂနီကျူ့(၃ ဒသမ ၈)အဆင့်ရှိ အင်အားအနည်းငယ်ရှိသော ငလျင်တစ်ခုလှုပ်ခတ်ခဲ့ကြောင်း သိရသည်။
ထို့ပြင် ည ၈ နာရီ ၃၇ မိနစ် ၄၇ စက္ကန့်ကလည်း မော်လိုက်မြို့၏ အရှေ့မြောက်ဘက်(၂၃)မိုင်ခန့်အကွာ၊ အ နက်(၇၀)ကီလိုမီတာကိုဗဟိုပြု၍ မဂ္ဂနီကျူ့(၄ ဒသမ ၀) အဆင့်ရှိ အင်အားအနည်းငယ်ရှိသောငလျင်တစ်ခု လှုပ်ခတ်ခဲ့ကြောင်း သိရသည်။
ထို့အတူ ည ၇ နာရီ ၄၈ မိနစ် ၃၃ စက္ကန့်ကလည်း ကွမ်ခြံကုန်းမြို့၏ တောင်-အရှေ့တောင်ဘက်(၃၆)မိုင်ခန့်အ ကွာ၊ အနက်(၁၁)ကီလိုမီတာကိုဗဟိုပြု၍ မဂ္ဂနီကျူ့(၃ ဒသမ ၃)အဆင့်ရှိ အင်အားအနည်းငယ်ရှိသောငလျင်တစ်ခုလှုပ်ခတ်ခဲ့ကြောင်း သိရသည်။
အဆိုပါ ငလျင်လှုပ်ခတ်မှုများကို တမူးမြေငလျင်စခန်းနှင့် ကမ္ဘာအေးမြေငလျင်စခန်းတို့မှ တိုင်းထွာရရှိခဲ့ခြင်းဖြစ်ကြောင်း သိရသည်။