မြန်မာနိုင်ငံဘောလုံးအဖွဲ့ချုပ်(MFF) သည် မြန်မာ့လက်ရွေး စင် အမျိုးသမီးဘောလုံးအသင်း၏ နည်းပြချုပ်ဟောင်းဖြ စ်သူ ဂျပန်လူမျိုး မစ္စတာ တက်ဆူရို ယူကီ (Tetsuro Uki) အား အမျိုးသမီး ဘောလုံးနည်းစနစ်ဒါရိုက်တာအဖြစ် ခန့်အပ်လိုက်ကြောင်း သိရသည်။
တက်ဆူရို ယူကီသည် အမျိုးသမီး ဘောလုံး နည်းစနစ်ဒါရို က်တာအဖြစ် တာဝန်ယူစဉ်အတွင်း မြန်မာအမျိုးသမီးဘော လုံး အဆင့်အတန်း မြင့်မားလာစေရန် ရေရှည်စီမံကိန်းများ ချမှတ်ခြင်း၊ မြန်မာ ယူ ၁၅/၁၇/၁၉ သက်တမ်းအလိုက် အမျိုးသမီးအသင်းများ နည်းစနစ်ပိုင်း တိုးတက်ရန် ဆောင်ရွက်ခြင်း၊ မြန်မာ အမျိူးသမီး အကယ်ဒမီမှတဆင့် မျိုးဆက်သစ် ကစားသမားများကို အခြေခံအုတ်မြစ်မှစတင်ကာ နိုင်ငံတကာအဆင်သို့ ရောက်ရှိရန် လေ့ကျင့်ပျိုးထောင်ပေးခြင်းတို့ကို အဓိကထား ဆောင်ရွက်သွားမည်ဖြစ်သည်။
မစ္စတာ တက်ဆူရို ယူကီသည် ဂျပန်ဘောလုံးအဖွဲ့ချုပ် ပရိုလိုင်စင်ရ နည်းပြတစ်ဦး ဖြစ်ပြီး ဂျေလိဂ် – 2 မှ ကလပ်အ သင်းများကို တာဝန်ယူ ကိုင်တွယ်ခဲ့သလို ပြီးခဲ့သည့် ၂၀၂၅ ခုနှစ် ထိုင်းဆီးဂိမ်းပြိုင်ပွဲအထိ မြန်မာ့လက်ရွေးစင် အမျိုးသမီးအသင်းကို နည်းပြချုပ်အဖြစ် တာဝန်ယူကိုင်တွယ်ခဲ့ဖူးသည်။
အောင်မြင်မှု အနေဖြင့် ၂၀၂၃ ဆီးဂိမ်းစ် ငွေတံဆိပ်၊ ၂၀၂၅ အာဆီယံ အမျိုးသမီး ချန်ပီယံရှစ် ငွေတံဆိပ် နှင့် နီပေါ ဖိတ်ခေါ်ဖလား ချန်ပီယံဆုတို့အား ရယူပေးနိုင်ခဲ့သည်။