ပြည်တွင်းအခွန်များဦးစီးဌာန၏ အမည်နှင့် တံဆိပ်များ အသုံးပြုပြီး အွန်လိုင်းမှတဆင့် ငွေကြေးလိ-မ်လ-ည်မှုများဖြစ် ပွားနေကြောင်း သိရသည်။
အခွန်ရုံးဝန်ထမ်းအယောင်ဆောင်ပြီး Viber မှတဆင့် လိ-မ်လ-ည်မှုများ လုပ်ဆောင်နေပြီး အရပ်သားပြည်သူများနှင့် လုပ်ငန်းရှင်များကို ပစ်မှတ်ထားလိ-မ်လ-ည်နေခြင်းဖြစ်ကြောင်း ရန်ကုန်ဒေသခံများထံ မှ သိရသည်။
“Viber ကနေ အခွန်ရုံးဆိုပြီး ဆက်သွယ်လာတာ အချက်အလက်တွေစစ်မယ် ဘာညာနဲ့ ပြောပြီး လုပ်ငန်းအကြောင်းမေးတာတွေ ဖြေခိုင်းတယ်။ ပြီးတော့ link ပို့ပြီး ဝင်ခိုင်းတာ link ထဲဝင်ပြီး စစ်ဆေးပြီးတော့ စာရွက်စာတမ်းကြေး K Pay ကနေ တစ်ထောင်တောင်းရင် လွှဲပေးလိုက်တော့ သိတ်မကြာဘူးအကောင့်ထဲက ငွေတွေအကုန်ထုတ်သွားတယ်” ဟု ရန်ကုန်မြို့က လိ-မ်လ-ည်ခံရသူ နှင့် သိရှိသူတစ်ဦးကပြောသည်။
လိ-မ်လ-ည်သူများသည် အွန်လိုင်းကအပြင် ဖုန်းဖြင့်ဆက်သွယ်ပြီး အခွန်ဝန်ထမ်းအယောင်ဆောင်ပြီး လိ-မ်လ-ည်မှုများလုပ်ဆောင်နေကြောင်းလည်း လူမှုကွန်ရက်စာမျက်နှာတွင် လိ-မ်လ-ည်ခံရသူများက တဆင့်ပြန်လည်မျှဝေမှုများလည်း ရှိသည်။
“ညီမအစ်မလည်း သိန်း(၅၀)ပါသွားတယ်။ အခွန်ရုံးကလူလိုပြောပြီးကို လိမ်တာ။ အချက်လက်ကျကျနဲ့ ပြောနေတော့ ပေးတဲ့ link ကို နှိပ်လိုက်တာနဲ့ပါသွားတာ”လို့ လိ-မ်လ-ည်ခံခဲ့ရသူတစ်ဦး၏ မိသားစုဝင်တစ်ဦးက လူမှုကွန်ရက်စာမျက်နှာမှတဆင့် အသိပေးထားသည်။
ပြည်တွင်းအခွန်များဦးစီးဌာန ၏ နာမည်အသုံးချပြီး အွန်လိုင်းလိ-မ်လ-ည်မှုများ ဖြစ်ပွားနေသိသည့်အတွက် ပြည်သူများအနေဖြင့် ကိုယ်ရေးအချက်အလက်များကို ဆက်သွယ်တောင်းခံသူများကို လုံးဝပေးဆောင်ခြင်းမပြုလုပ်ဘဲ အခွန်ဦးစီးဌာနမှူးရုံးများကို ဆက်သွယ်စုံစမ်းကြရန် ပြည်တွင်းအ ခွန်များဦးစီးဌာနက အသိပေးထားသည်။
မိမိ၏ ကိုယ်ရေးအချက်အလက်များကို အွန်လိုင်းမှ မျှဝေမှုမျိုးမလုပ်ဆောင်ကြရန် ဆက်သွယ်ရေးအော်ပရေတာများမှလည်း အသိပေးမှုများလုပ်ဆောင်လျက် ရှိသည်။