၂၀၂၆ ဖီဖာကမ္ဘာ့ဖလားပြိုင်ပွဲကြီး၏ အဖွင့်ပွဲစဉ်အဖြစ် ကျင်းပခဲ့သည့် ပွဲစဉ်တွင် အိမ်ရှင်မက္ကဆီကိုအသင်းက တောင်အာဖရိကအသင်းကို (၂)ဂိုး ဂိုးမရှိဖြင့် အနိုင်ယူကာ အုပ်စု (A)အတွက်အဖွင့်နိုင်ပွဲနှင့် အမှတ်(၃)မှတ်ကို စတင်ရယူသွားခဲ့ပြီ ဖြစ်သည်။
မက္ကဆီကိုစီးတီးမြို့ရှိ Azteca Stadium တွင် ကျင်းပခဲ့သည့် အဆိုပါပွဲစဉ်တွင် အိမ်ရှင်မက္ကဆီကိုအသင်းအတွက် အနိုင်ဂိုးများကို ပွဲချိန် (၉) မိနစ်တွင် ဂျူလီယန် ကွီနိုနက်စ် (Julián Quiñones)ပွဲချိန်(၆၇) မိနစ်တွင် ရာအူးလ် ဂျီမီနက်ဇ် (Raúl Jim énez) တို့ကအသီးသီးသွင်းယူပေးခဲ့ကြသည်။
အဖွင့်ပွဲစဉ်ဖြစ်သည်နှင့်အညီ နှစ်သင်းစလုံးသည် တစ်ဖက်နှင့်တစ်ဖက် အပြန် အလှန် ဖိအားပေးတိုက်စစ်ဆင်ခဲ့ကြပြီး အလွန်အကြိတ်အနယ်ရှိခဲ့ကြသည်။
ထို့ကြောင့် ပြင်းထန်ခဲ့သည့်အတွက် ဒိုင်လူကြီးဖြစ်သူက ပွဲကိုထိန်းကျောင်းရန် အဝါကတ် (၃) ကတ်သာမက အနီကတ် (၃) ကတ်အထိ ထုတ်ပြပြီး ပြတ်ပြတ်သားသား အရေးယူခဲ့ရသည်။
မက္ကဆီကိုအသင်း၏ နောက်ခံလူ မွန်တက်စ် (César Montes)တောင်အာဖရိကအသင်း၏ ကွင်းလယ်ကစားသမား ယာယာ (Yaya)နှင့် ဇဝမ်း (Zwane)တို့ အနီကတ်ပြခံခဲ့ရသည်။
ယခုနှစ် ကမ္ဘာ့ဖလားပြိုင်ပွဲ၏ အုပ်စု (A) တွင် မက္ကဆီကို၊ တောင်အာဖရိက၊ တောင်ကိုရီးယားနှင့် ချက်အသင်းတို့ ပါဝင်နေပြီး၊ အိမ်ရှင်မက္ကဆီကိုအသင်းကတော့ အဖွင့်ပွဲ၌ပင် အနိုင်ရလဒ် ဖော်ဆောင်နိုင်ခဲ့ခြင်းကြောင့် အုပ်စုဗိုလ်အဖြစ် နောက်တစ်ဆင့်တက်လှမ်းနိုင်ရေးအတွက် အခွင့်အရေးကောင်းတစ်ရပ်ကို ပိုင်ဆိုင်သွားခဲ့ပြီ ဖြစ်သည်။