၂၀၂၁ ခုနှစ် ဖေဖေါ်ဝါရီ (၁) ရက်ကတည်းက ဖမ်းဆီးထိ မ်းသိမ်းခံရပြီး ထောင်ဒဏ် (၂) နှစ်စီ ချမှတ်ခံထားရသ ည့် ဒါရိုက်တာ မင်းထင်ကိုကိုကြီးနှင့် အဆိုတော် စောဖိုးခွားတို့မှာ ယနေ့ နံနက်ပိုင်းတွင် အင်းစိန်အကျဉ်းထောင်မှပြန်လည်လွတ်မြောက်လာပြီ ဖြစ်ကြောင်း သိရသည်။
၎င်းတို့ (၂) ဦးသည် ၂၀၂၁ ခုနှစ် ဖေဖေါ်ဝါရီ (၁) ရက် နိုင် ငံရေးအပြောင်းအလဲ ဖြစ်ပေါ်ပြီးနောက်ပိုင်း အစောဆုံး ဖမ်းဆီးခံရသူများထဲတွင် ပါဝင်ခဲ့ပြီး ပုဒ်မ ၅၀၅(ခ) ဖြင့် တရားစွဲခံခဲ့ရသည့်အပြင် အဆိုတော်စောဖိုးခွားမှာသဘာ ဝဘေး စီမံခန့်ခွဲမှုဥပဒေဖြင့်ပါ အမှုဖွင့် တရားစွဲဆို ခံရခြ င်းဖြစ်သည်။
” သတင်းတော့ ကြားတယ်။ အဆက်အသွယ်တော့ မရသေးတော့ အတိအကျတော့ မပြောနိုင်ဘူး။ တကယ်ဆိုရင်တော့ ဝမ်းသာစရာပေါ့” ဟု ဒါရိုက်တာ မင်းထင်ကိုကိုကြီးနှင့် ရင်းနှီးသူ ပန်းချီဆရာတစ်ဦးက ပေါ်ပြူလာနယူး(စ်) ပြောသည်။
ဒါရိုက်တာ မင်းထင်ကိုကိုကြီး ပြန်လည် လွတ်မြောက်လာကြောင်း သမီးဖြစ်သူ မယ်မင်းထင်ကလည်း လူမှုကွန်ရက်စာမျက်နှာကတဆင့် မျှဝေထားပြီး ရင်းနှီးသူ များက ဝမ်းသာကြောင်း ပြောဆိုထားကြသည်။
အဆိုတော် စောဖိုးခွားတို့ ပြန်လည်လွတ်မြောက်လာသ ည့် သတင်းနှင့် ပတ်သက်၍ ပေါ်ပြူလာနယူး(စ်) အနေ ဖြင့် မိသားစုဝင်များနှင့် ရင်းနှီးသူများထံ ဆက်သွယ်မေးမြန်းရန် ကြိုးစားနေပြီး အသေးစိတ်ကို ဆက်လက်ဖော်ပြပေးသွားပါမည်။
၂၀၂၁ ခုနှစ် ဖေဖေါ်ဝါရီ (၁) ရက်က ဖမ်းဆီး ခံရသူများထဲတွင် စာရေးဆရာ မောင်သာချို၊ ဒေါ်သန်းမြင့်အောင်၊ ၈၈ မျိုးဆက် ကျောင်းသားခေါင်းဆောင် ကိုမြအေးအပါ အဝင် အထင်ကရပုဂ္ဂိုလ်များလည်း ပါဝင်နေပြီး လက်ရှိအချိန်ထိ ပြန်လည် လွတ်မြောက်လာခြင်း မရှိသေးပေ။