လေးမျက်နှာ၊ ဇူလိုင်-၁၇
ဧရာဝတီတိုင်းဒေသကြီး၊ လေးမျက်နှာမြို့နယ်၌ ရေဘေးအန္တရာယ်ဖြစ်ပွားချိန် အရေးပေါ်တုံ့ပြန်နိုင်ရေးအတွက် ဇာတ် တိုက်လေ့ကျင့်မှုကို ယနေ့ ဇူလိုင် ၁၇ ရက် နံနက် ၉ နာရီခန့်က အမှတ် (၅) ရပ်ကွက်၊ ဆိတ်နို့ကုန်းတာ (တာမိုင် ၂၅/ ၅)တွင် ပြုလုပ်ခဲ့ကြောင်း သိရသည်။
အဆိုပါ လေ့ကျင့်မှုကို မြို့နယ်စီမံခန့်ခွဲရေးအဖွဲ့ဝင်များ၊ ရဲတပ်ဖွဲ့ဝင်များ၊ ဌာနဆိုင်ရာတာဝန်ရှိသူများ၊ မီးသတ်တပ်ဖွဲ့ဝင်များ၊ ကြက်ခြေနီအသင်းဝင်များ၊ အ မျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်ရေးအဖွဲ့၊ ရပ်မိရပ်ဖများနှင့် ပြည်သူ့လုံခြုံရေးအဖွဲ့ဝင်များအပါအဝင် စုစုပေါင်း ၁၀၀ ခန့် တက်ရောက်ခဲ့ကြောင်း သိရသည်။
ဇာတ်တိုက် ဒုတိယမီးသတ်ဦးစီးမှူး ဦးထက်ဝေက အသက်ကယ်အင်္ကျီ စနစ်တ ကျဝတ်ဆင်နည်းကို ရှင်းလင်းပြသခဲ့ပြီး၊ ဒုတိယမီးသတ်ဦးစီးမှူး ဦးရန်နိုင်စိုး ဦး ဆောင်သည့် ရေပြင်ရှာဖွေကယ်ဆယ်ရေးအဖွဲ့က ရေနစ်သူအား ရှာဖွေကယ် ဆယ်ရေးသရုပ်ပြလေ့ကျင့်မှုများ ပြု လုပ်ခဲ့သည်။
အခမ်းအနားကို မြို့နယ်မီးသတ်ဦးစီးမှူး ဦးရဲနောင်ဝင်း ဦးဆောင်ကျင်းပခဲ့ပြီး မြို့ နယ်စီမံခန့်ခွဲရေးနှင့် အုပ်ချုပ်ရေးကော် မတီဥက္ကဋ္ဌ ဦးငြိမ်းမောင်မောင်က အဖွင့်အမှာစကား ပြောကြားခဲ့သည်။
ရေဘေးအန္တရာယ်တုံ့ပြန်ရေး ဇာတ်တိုက်လေ့ကျင့်မှုကို နံနက် ၉ နာရီ ၄၅ မိနစ်တွင် အောင်မြင်စွာ ပြီးဆုံးခဲ့ကြောင်း သိရသည်။
ဓာတ်ပုံ-ဧရာဝတီတိုင်း မီးသတ်တပ်ဖွဲ့
