ဘင်္ဂလားပင်လယ်အော်အရှေ့တောင်ပိုင်း(နီကိုးဘားကျွန်းစုအနီး)တွင်ဖြစ်ပေါ်နေသော လေဖိ အားနည်းဆဲလ်သည် အနောက်ဘက်သို့ ရွေ့ လျားခဲ့ပြီး ဘင်္ဂလားပင်လယ်အော်အရှေ့တောင်ပိုင်းတွင် လေဖိအားနည်းရပ်ဝန်းအဖြစ် ပိုမိုအားကောင်းခဲ့သည်ဟု မိုးလေဝသမြန်မာ(ရန်ကုန်ဌာနခွဲ)၏ ယနေ့ ဖေဖော်ဝါရီ ၂၅ ရက်ထုတ်ပြန်ချက်အရ သိရသည်။
အဆိုပါ လေဖိအားနည်းရပ်ဝန်းအရှိန်၊ ပင်လယ်အတွင်းမှလာသော အပူပျံတက်တိမ်တိုက်များ ပိုမိုဖြစ်ထွန်းမှု၊ အရှေ့ဘက်မှလာသော လေပွေလှိုင်းများတို့ကြောင့် ယနေ့ ဖေဖော်ဝါရီ ၂၅ ရက်မှ ဖေဖော်ဝါရီ ၂၇ ရက်အတွင်း ရန်ကုန်တိုင်း၊ နေပြည်တော်၊ စစ်ကိုင်းတိုင်း(အထက်ပိုင်း)၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ ကချင် ပြည်နယ်၊ ရှမ်းပြည်နယ်၊ ရခိုင်ပြည်နယ်၊ ကယား ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲမှ နေရာစိပ်စိပ် ချိန်ခါမဟုတ် မိုးထစ်ချုန်းရွာသွန်းနိုင်ပြီး နေရာကွက်၍ မိုးကြီးခြင်း၊ နေရာကွက်၍ မိုးသည်းထန်ခြင်း၊ လေပြင်းတိုက်ခတ်ခြင်းနှင့် မိုးသီးကြွေခြင်းတို့ဖြစ်ပေါ်နိုင်ကြောင်း သိရသည်။
ထို့ပြင် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာ ရီကမ်းရိုးတန်းတစ်လျှောက်နှင့် ကမ်းလွန်ပင် လယ်ပြင်တို့တွင် အရှေ့ဘက်မှ တစ်ခါတစ်ရံ တစ်နာရီလျင် မိုင်(၃၀)မှ(၃၅)မိုင်အထိရှိသော မိုး သက်လေပြင်းများတိုက်ခတ်နိုင်ပြီး လှိုင်းအသင့်အတင့်မှလှိုင်းကြီးနိုင်ကြောင်း သိရသည်။
ထို့ကြောင့် ယင်း တိုင်းနှင့်ပြည်နယ်များ၌နေထိုင်သူများ၊ စိုက်ပျိုးမွေးမြူတောင်သူများ၊ မွန်-တန င်္သာရီကမ်းရိုးတန်းတစ်လျှောက်ရှိ ပြည်တွင်းလေ ကြောင်းပျံသန်းရေး၊ ပြည်တွင်းရေကြောင်း သွား လာရေးများအနေဖြင့် သတိပြုရှောင်ရှားကြရန် မိုးလေဝသမြန်မာ(ရန်ကုန်ဌာနခွဲ)က အသိပေးခဲ့သည်။