ယခု ၂၀၂၄ – ၂၀၂၅ ပညာသင်နှစ်တွင် အသက် (၆) နှစ်အ ရွယ် ကလေးများကို ပထမတန်း (Grade 1) ၌ စတင်အပ်နှံကြရန် ကျောင်းသားမိဘများအား ပညာရေးဝန်ကြီးဌာနမှ အသိပေးထားသည်။
ထို့ပြင် အသက်(၅) နှစ်အရွယ် ကလေးများကိုသာ သူငယ် တန်း (KG) ၌ အပ်နှံကြရန်လည်း ဝန်ကြီးဌာနက အသိပေးထားသည်။
” မနှစ်က (၅) နှစ်ပြည့်တယ်။ သူကျောင်းနေဖို့ အသက်ပြည့်တယ့် အချိန်က နှစ်လယ်ရောက်သွားတော့ ကျောင်းမအပ်ရတော့ဘူး။ ဒီနှစ် အသက်က (၆) နှစ်ပြည့်ခါနီးဆိုတော့ KG က စထားရမလား ပထမတန်း (Grade 1)က စထားရမလား မသဲကွဲဘူးဖြစ်နေတာ။ အခုတော့ အဆင်ပြေသွားတာပေါ့” ဟု ကျောင်းသားမိဘတစ်ဦးက ပြောသည်။
၂၀၂၄ -၂၀၂၅ ပညာသင်နှစ် ကျောင်းအပ်နှံရေး သီတင်းပ တ်အား မေလ (၂၃) ရက်မှ ဇွန်လ (၂) ရက်အထိ သတ်မှတ်ထားပြီး ဇွန်လ (၃) ရက်မှစတင်ကာ ပညာရေးဝန်ကြီးဌာနရှိ တက္ကသိုလ်၊ ဒီဂရီကောလိပ်၊ အခြေခံပညာကျောင်းများနှင့် ဆက်စပ်ဝန်ကြီးဌာန အသီးသီးရှိ တက္ကသိုလ်နှင့် ကျောင်းများအားလုံး တစ်ပြိုင်တည်းဖွင့်လှစ်သွားမည်ဖြစ်ကြောင်း သိရသည်။