ရန်ကုန်မြို့ရှိ စက်သုံးဆီအရောင်းဆိုင်အချို့တွင် ဆီပြတ်လပ်မှုဖြစ်ပေါ်နေပြီး ဝယ်ယူမရဖြစ်နေကြောင်း စုံစမ်းသိရှိရသည်။
မကြာခင် သင်္ကြန်ရုံးပိတ်ရက်ရှည်ကာလရောက်တော့မည်ဖြစ်သည့်အတွက် ခရီးသွားလာသူများပြားနေပြီး ကြိုတင်ဆီဖြည့်၍ ဝယ်ယူမှုများရှိနေကြောင်းလည်း သိရသည်။
ယနေ့ညပိုင်းအထိ ရန်ကုန်မြို့ရှိစက်သုံးဆီအရောင်းဆိုင်အချို့သည် ဆီကုန်၍ အရောင်းပိတ်ထားပြီး Max ဆီဆိုင်နှင့် Denko ဆီဆိုင်အချို့တွင်သာ ဝယ်ယူ၍ရနေပြီး အချိန်ကြာကြာတန်းစီစောင့်ဆိုင်းဝယ်ရကြောင်း သိရသည်။
စက်သုံးဆီဈေးနှုန်းမှာ အောက်တိန်း ၉၂ တစ်လီတာ ကျပ် ၂,၇၉၅၊ ၉၅ တစ်လီတာ ကျပ် ၂၉၁၅ ၊ ဒီဇယ်တစ်လီတာ ကျပ် ၂,၄၀၀၊ ပရီမီယံဒီဇယ် တစ်လီတာ ကျပ် ၂၄၄၅ ဖြစ်ပြီး ယင်းဈေးနှုန်းသည် သုံးပတ်ဆက်တိုက်ဈေးငြိမ်နေခြင်းဖြစ်သည်။
ယခုရက်ပိုင်းအတွင်း စင်ကာပူနိုင်ငံ၏ MOPS ဈေးနှုန်းသည်မြင့်တက်နေပြီး ယနေ့ ဧပြီလ ၄ ရက်တွင် 92 Ron တစည် ၁၀၂ ဒသမ ၀၁ ဒေါ်လာ၊ 95 Ron ၁၀၆ ဒသမ ၃၆ ဒေါ် လာ၊ 10 PPM တစည် ၁၀၇ ဒသမ ၆၆ ဒေါ်လာရှိကြောင်း သိရသည်။
