ချင်းပြည်နယ်၊ ဖလမ်းမြို့၊ တီးတိန်မြို့နှင့် တွန်းဇံတို့ရှိ အကြမ်းဖက်အဖွဲ့ဝင်များ၏ဖျ-က်ဆီးမှုကြောင့် တစ်စိတ်တစ်ပိုင်းပျ-က်စီးခဲ့သော ဌာနဆိုင်ရာအဆောက်အအုံများကိုပြန်လည်ပြုပြင်ခြင်းအား ဒေသခံကုမ္ပဏီများက စတင် ဆောင်ရွက်လျက်ရှိကြောင်း သိရသည်။
ဖလမ်းမြို့ရှိ နယ်စပ်ဒေသတိုင်းရင်းသားလူငယ်များဖွံ့ ဖြိုးရေးသင်တန်းကျောင်းအတွင်းမှ ရုံး၊ ဝန်ထမ်းအိမ်ရာ၊ သင်တန်းသားအိပ်ဆောင်နှင့် စားရိပ်သာများ၊ သင် တန်းကျောင်းဝင်းအတွင်းလမ်းမများကို စက်ကြီးများဖြင့်ပြုပြင်ရှင်းလင်းလျက်ရှိကြောင်း သိရသည်။
ထို့ပြင် မြန်မာ့စီးပွားရေးဘဏ်၊ မြို့နယ်လျှပ်စစ်အင် ဂျင်နီယာရုံး၊ ဆောက်လုပ်ရေးရိပ်သာ၊ ခရိုင်စိုက်ပျိုး ရေးဦးစီးဌာန၊ ခရိုင်ဦးစီးမှူးနေအိမ်တို့ကိုလည်း ပြန် လည်ပြုပြင်တည်ဆောက်လျက်ရှိပြီး အမျိုးသားသ ဘာဝဘေးစီမံခန့်ခွဲရေးကော်မတီ၏ ရန်ပုံငွေအထောက်အပံ့ဖြင့်ထောက်ပံ့မည့် သစ်များခွဲစိတ်နိုင်ရေးအတွက်လည်း ပြင်ဆင်ဆောင်ရွက်လျက်ရှိကြောင်း သိရသည်။
ထို့အတူ တီးတိန်မြို့ရှိ မြို့နယ်ကော်မရှင်အဖွဲ့ခွဲရုံး၊ မြို့ နယ်ဖွံ့ဖြိုးမှုကြီးကြပ်ရေးရုံး၊ မြို့နယ်သာသနာတော်ထွန်းကားပြန်ပွားရေးဦးစီးဌာနပိုင်အဆောက်အဦးများနှင့် တည်ဆောက်ရေးလုပ်ငန်းများကိုဆောင်ရွက်လျက်ရှိပြီး တွန်းဇံမြို့ရှိ မြို့နယ်ဥပဒေရုံးနှင့် မြို့နယ်လျှပ်စစ်ရုံးတို့ကိုလည်း ပြင်ဆင်မှုများပြုလုပ်လျက်ရှိကြောင်း သိရသည်။
ထိုသို့ ပြန်လည်ပြုပြင်နေမှုများအား နယ်စပ်ရေးရာဝန်ကြီးဌာန ဒုတိယဝန်ကြီးဗိုလ်ချုပ်ကျော်စွာဦးက ဩဂုတ် ၁၀ ရက်တွင်ကြည့်ရှုစစ်ဆေးပြီး သတ်မှတ်ချိန်အတွင်း အချိန်မီပြီးစီးရေးနှင့် ပြုပြင်တည်ဆောက်မှုများတွင် စံချိန်စံညွှန်းသတ်မှတ်ချက်များနှင့် ကိုက်ညီမှုရှိစေရေးအလေးထားဆောင်ရွက်ရန်မှာကြားခဲ့ကြောင်း သိရသည်။
