မြေပေါ်မြေအောက်သယံဇာတများ၊ အရင်းအမြစ်ကောင်းများပိုင်ဆိုင်ထားသည့် မြန်မာနိုင်ငံ၌ အလုပ်အ ကိုင်အခွင့်အလမ်းများကို နိုင်ငံတော်ကဖော်ဆောင်ပေးမည်ဟု နိုင်ငံတော်သမ္မတ ဦးမင်းအောင်လှိုင်က ယနေ့ ဇွန် ၂၃ ရက်တွင်ကျင်းပသည့် ပြည်ထောင်စုအစိုးရအဖွဲ့အစည်းအဝေး၌ပြောကြားခဲ့ခြင်းဖြစ်သည်။
မြန်မာနိုင်ငံတွင် မြေပေါ်မြေအောက်သယံဇာတများ၊ အ ရင်းအမြစ်ကောင်းများစွာပိုင်ဆိုင်ထားပြီးဖြစ်ကာ လို အပ်နေသည်မှာ အလုပ်လုပ်နိုင်ရန်နှင့် အလုပ်လုပ်ချင်စိတ်ရှိရန်ဖြစ်ပြီး အမှန်တကယ်အလုပ်လုပ်ရန်လိုသည်ဟု ပြောသည်။
” အလုပ်လုပ်ချင်စိတ်က လူတိုင်းနဲ့သက်ဆိုင်ပြီး အ လုပ်လုပ်နိုင်ဖို့အတွက် အလုပ်အကိုင်အခွင့်အလမ်းတွေ လိုအပ်တာကြောင့် နိုင်ငံတော်ကအလုပ်အကိုင်အခွင့်အ လမ်းတွေ အကောင်အထည်ဖော်ပေးသွားမှာပါ”ဟု နိုင်ငံတော်သမ္မတက ပြောသည်။
ထို့ကြောင့် အလုပ်လုပ်နိုင်ရန်နှင့် အလုပ်လုပ်တတ်ရန်အတွက် အသိပညာ၊ အတတ်ပညာများရှိရန်လိုအပ်၍ လိုအပ်သည်များကိုသင်ကြားပြသပေးရမည်ဖြစ်ကာ ယင်းသို့ ဆောင်ရွက်ခြင်းဖြင့် ပြည်တွင်းကုန်ထုတ်လုပ် ငန်းများတိုးတက်လာမည်ဖြစ်ပြီး စက်ရုံ၊ အလုပ်ရုံများ အားလုံးလည်ပတ်နိုင်ရေးနှင့် ကုန်ထုတ်လုပ်မှုများတိုး တက်လာစေရေးအတွက် တိုင်းနှင့် ပြည်နယ်များအ လိုက်အလေးထားဆောင်ရွက်ရမည်ဟု ပြောသည်။
ထို့ပြင် ပြည်တွင်း/ပြည်ပရင်းနှီးမြှုပ်နှံမှုများတိုးတက်လာခြင်းဖြင့် အလုပ်အကိုင်များရရှိမည်ဖြစ်ကာ ပြည် တွင်းကုန်ထုတ်လုပ်မှုလုပ်ငန်းများတိုးတက်လာမည်ဖြစ်ပြီး ကုန်ထုတ်လုပ်ငန်းများ ပိုမိုတိုးတက်အောင် ဆောင်ရွက်သကဲ့သို့ ရှိရင်းစွဲကုန်ထုတ်လုပ်ငန်းများကိုစဉ်ဆက်မပြတ်ဆောင်ရွက်ခြင်းဖြင့် မြန်မာနိုင်ငံ၏ ပြည်တွင်းကုန်ထုတ်လုပ်မှုများတိုးတက်လာမည်ဟု ပြောသည်။
ထို့အတူ နိုင်ငံတော်သမ္မတက ဘဏ္ဍာရေးနှစ်အလိုက် အကောင်အထည်ဖော်ဆောင်ရွက်ရမည့် စီမံကိန်းများကို အပြည့်အဝအကောင်အထည်ဖော်ဆောင်ရွက်ရန်၊ ယခုလာမည့် ဘဏ္ဍာနှစ်အတွင်း ပညာရေးကဏ္ဍနှင့် လမ်းပန်းဆက်သွယ်မှုကဏ္ဍများအဆင့်မြှင့်တင်ခြင်းကို အလေးထားဆောင်ရွက်ရန်လည်း နိုင်ငံတော်သမ္မတက ပြောကြားခဲ့သည်။
