နိုင်ငံဖြတ်ကျော်မှုခင်းများ၊ လူ့အခွင့်အရေးကဏ္ဍများကိုဆွေးနွေး
မလေးရှားနိုင်ငံ၊ မလက္ကာမြို့တွင် နိုဝင်ဘာ ၁၀ ရက်မှ နိုဝင်ဘာ ၁၄ ရက်အထိ အာဆီယံအစိုးရချင်းဆိုင်ရာလူ့အခွင့်အရေးကော်မရှင် (AICHR) ၏ အထူးအစည်းအဝေး (၄/၂၀၂၅) အားကျင်းပရာ အာဆီယံအစိုးရချင်းဆိုင်ရာလူ့အခွင့်အရေးကော်မရှင်၊ မြန်မာကိုယ်စားလှယ် ဦးညွန့်ဆွေတက်ရောက်ခဲ့ကြောင်း သိရသည်။
ထိုသို့ တက်ရောက်ပြီးနောက် မြန်မာကိုယ်စားလှယ်သည် အစည်းအဝေးကာလအတွင်း၌ ကုလသမဂ္ဂ လူ အခွင့်အရေးဆိုင်ရာမဟာမင်းကြီး H.E. Volker Turk နှင့် နိုဝင်ဘာ ၁၃ ရက်၊ The Aisa Dialouge on Force Migration (ADFM) နှင့် နိုဝင်ဘာ ၁၂ ရက်တို့က သီးခြားစီတွေ့ဆုံခဲ့ကြောင်း သိရသည်။
ကုလသမဂ္ဂလူအခွင့်အရေးဆိုင်ရာမဟာမင်းကြီးနှင့်တွေ့ဆုံစဥ် နိုင်ငံဖြတ်ကျော်မှုခင်းများ၊ မညီမျှမှုများ၊ စီးပွားရေးလုပ်ငန်းနှင့် လူ့အခွင့်အရေး၊ ရာသီဥတုပြောင်းလဲခြင်း၊ ဒီဂျစ်တယ်အခွင့်အရေး၊ အွန်လိုင်းပေါ်တွင် အမျိုးသမီးများနှင့် မိန်းကလေးများလုံခြုံရေးစသည့် လူအခွင့်အရေးနှင့်ပတ်သက်၍ ပူးပေါင်းဆောင်ရွက်နိုင်မည့်ကဏ္ဍများကို ဆွေးနွေးခဲ့ကြကြောင်း သိရသည်။
ထို့အတူ The Aisa Dialouge on Force Migration (ADFM) နှင့်တွေ့ဆုံရာတွင်လည်း လူ့အခွင့်အရေးနှင့်ပတ်သက်သည့် ဦးစားပေးကဏ္ဍများနှင့် ပူးပေါင်းဆောင်ရွက်နိုင်မည့်ကဏ္ဍများကို ဆွေးနွေးခဲ့ကြကြောင်း သိရသည်။