ရုရှားသမ္မတ ဗလာဒီမီယာ ပူတင်ဟာ အမေရိကန်သမ္မတ ဒေါ်နယ်ထရမ့်နဲ့ တွေ့ဆုံဖို့ အဆင်သင့်ဖြစ်နေပေမဲ့၊ ဘယ်အချိန် တွေ့မလဲဆိုတာနဲ့ တခြား အသေးစိတ် အချက်အလက်တွေကိုတော့ မသိရသေးဘူးလို့ ရုရှားသမ္မတရဲ့ ပြောရေးဆိုခွင့်ရှိသူ ဒမီထရီ ပက်စ်ကော့ဗ်က ပြောပါတယ်။
သတင်းစာရှင်းလင်းပွဲမှာ သူက “အဆင့်မြင့် တွေ့ဆုံပွဲတွေနဲ့ ပတ်သက်လို့ တိကျတဲ့ သတင်းအချက်အလက်တော့ မရှိသေးပါဘူး။ ရုရှားနဲ့ အမေရိကန် သမ္မတနှစ်ဦး တွေ့ဆုံမယ့်ကိစ္စ ဆိုရင်တော့ သမ္မတဘက်က အဆင်သင့်ပါပဲ” လို့ ပြောခဲ့ပါတယ်။
ဒါ့အပြင် “သမ္မတ ပူတင်နဲ့ ထရမ့်တို့ဟာ ဖုန်းပြောကြတဲ့အခါတိုင်း လိုအပ်လာရင် နောက်တစ်ကြိမ် တွေ့ဆုံဖို့ အဆင်သင့်ရှိတယ်ဆိုတာကို အမြဲတမ်း အလေးထား ပြောဆိုလေ့ရှိကြပါတယ်” လို့လည်း သူက ဆိုပါတယ်။