နေပြည်တော်ကို Smart City ဖြစ်စေရေးဆောင်ရွက်လျက်ရှိ၍ နေပြည်တော်စည်ပင်၏ ဝန်ဆောင်မှုလုပ်ငန်းများအားလုံးကို Digital စနစ်သို့ပြောင်းလဲသွားမည်ဖြစ်ကြောင်း သိရသည်။
ထိုသို့ ပြောင်းလဲနိုင်ရေးအတွက် သြဂုတ် ၇ ရက်နံနက်ပိုင်းက ညှိနှိုင်းအစည်းအဝေးကျင်းပရာ နေပြည်တော် ဒုတိယမြို့တော်ဝန်ဦးဝင်းမိုးခိုင်က Digital စနစ်ပြောင်းလဲပြီး Online payment System အသုံးပြုခြင်းဖြင့် အချိန်ကုန်သက်သာခြင်း၊ ငွေပေးချေမှုနှင့် ငွေသားကိုင်တွယ်မှုလုံခြုံစိတ်ချရခြင်း၊ ဝင်ငွေစီမံခန့်ခွဲမှုတိကျမှန်ကန်ခြင်း၊ အဂတိလိုက်စားမှုအခွင့်အလမ်းများ လျှော့ချပေးခြင်းနှင့် ဌာန၏အချက်အလက်များကို အချိန်နှင့်တစ်ပြေးညီ စီမံခန့်ခွဲနိုင်ခြင်းအကျိုးကျေးဇူးများရရှိမည်ဟု ပြောကြားခဲ့သည်။
ထို့ပြင် e-Government နှင့် Digital ဝန်ဆောင်မှုစနစ်အကောင်အထည်ဖော်ဆောင်ရွက်ထားရှိမှု၊ နောင်တွင် Digital စနစ်ဖြင့်ဆောင်ရွက်မည့် လုပ်ငန်းစဉ်များနှင့်ပတ်သက်၍ Digital ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာနနှင့် နေပြည်တော်စည်ပင်တို့မှ တာဝန်ရှိသူများကဆွေးနွေးပြောကြားခဲ့ကြသည်။