ဆင်‌ေ-သချောင်းကူးတံတားကို အသစ်ပြန်လည်တည်ဆောက်ရန်အစီအစဉ် ရှိ/မရှိ ဦးလှဆွေမေးမြန်း

သပြေချောင်းရွာနှင့် ရွှေမြို့ရွာကို ဆက်သွယ်ပေးထားသည့် ဆင်‌ေ-သချောင်းကူးတံတားကို အသစ်ပြန်လည်တည်ဆောက်ရန်အစီအစဉ် ရှိ/မရှိ ပုဗ္ဗသီရိမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးလှဆွေက မေးမြန်းခဲ့သည်။

ယနေ့ ဇွန်လ ၁၀ ရက်တွင် ကျင်းပပြုလုပ်သည့် တတိယအကြိမ် ပြည်သူ့လွှတ်တော်ဒုတိယနေ့ပုံမှန်အစည်းအဝေးတွင် ၎င်းက မေးမြန်းခဲ့ခြင်းဖြစ်သည်။

“တပ်ကုန်းမြို့မှာ ရပ်ကွက်ပေါင်း ၆ ရပ်ကွက်၊ အိမ်ထောင်စုပေါင်း ၄၉ စု၊ ကျေးရွာပေါင်း ၁၇၆ ရွာ လူဦးရေ ၂ သိန်း ၇ သောင်းကျော်နေထိုင်ပါတယ်။ သပြေချောင်းရွာနှင့် ရွှေမြို့ရွာကို ဖြတ်သန်းဆက်သွယ်ထားတဲ့ ပေ ၄၀၀ ရှိတဲ့ ဆင်‌ေ-သချောင်းကူးတံတားဟာ ရာဂီမုန်တိုင်းကြောင့် ပျ-က်စီးသွားသလို ရေကြီးတိုင်း ပျ-က်စီးတာ ၅ ခါရှိပါပြီ။ မည်သည့်အချိန်မှာ အသစ်ပြန်လည်တည်ဆောက်မလဲဆိုတာကို သိချင်ပါတယ်” ဟု ပုဗ္ဗသီရိမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးလှဆွေက ဆိုသည်။

ယင်းမေးခွန်းအဖြေကို နေပြည်တော်ကောင်စီဝင် ဦးခင်မောင်လတ်က “သမဝါယမနှင့်ကျေးလက်ဖွံ့ဖြိုးရေးဝန်ကြီးဌာနရှိ ကျေးလက်ဖွံ့ဖြိုးရေးဦးစီးဌာနမှ ငွေကျပ် ၂၂၂၅ သန်း ရှိသည့်အနက်၂၀၂၅-၂၀၆ ဘဏ္ဍာနှစ်မှာ ပြည်ထောင်စုငွေလုံးငွေရင်းရန်ပုံငွေမှ ကျပ်သန်း ၈၀၀ အပြင် ဘေလီသံဘောင်ပစ္စည်းများဝယ်ယူပြီးဖြစ်ပါတယ်။ ၂၀၂၆-၂၀၂၇ ဘဏ္ဍာနှစ်မှာ ပြည်သူ့ငွေလုံးငွေရင်းရန်ပုံငွေ၊ ပြည်ထောင်စုရန်ပုံငွေမှ ကျပ် ၁၄၂၅ သန်းအပြင် အရှည် ၄၀၀ ပေ၊ အကျယ် ၁၃ ပေရှိ ဘေလီတံတားပထမပိုင်း တည်ဆောက်ရေးလုပ်ငန်းများကို ဆောင်ရွက်သွားမှာဖြစ်ပါတယ်။ ရာဂီမုန်တိုင်းကြောင့် ကမ်းပါးပြိုကျပျ-က်စီးသွားခြင်းကြောင့် မူလသတ်မှတ်ထားတဲ့ ပေ ၄၀၀ အစား ပေ ၉၅၀ ဖြင့် ဆောင်ရွက်ရမည်ဖြစ်သည့်အပြင် ပေ ၅၅၀ တည်ဆောက်ခြင်းလုပ်ငန်းအား ၂၀၂၇ – ၂၀၂၈ ဘဏ္ဍာနှစ်တွင် ပြည်ထောင်စုနှင့် နေပြည်တော်ကောင်စီငွေလုံးငွေရင်း ရန်ပုံငွေရရှိမှုပေါ် မူတည်ပြီး ဆက်လက်လျာထားဆောင်ရွက်သွားမည်” ဟုပြန်လည်ဖြေကြားခဲ့သည်။

ဆင်‌ေ-သချာင်းတံတား ခေါ် သိုက်ချောင်းတံတားသည် နေပြည်တော် ပုဗ္ဗသီရိမြို့နယ်အတွင်းရှိ ဆင်‌ေ-သချောင်း (သို့) သိုက်ချောင်းကို ဖြတ်ကူးတည်ဆောက်ထားသည့် ဒေသတွင်း လမ်းပန်းဆက်သွယ်ရေးအတွက် အရေးပါသည့် တံတားတစ်စင်း ဖြစ်သည်။

အဆိုပါ တံတားကို ရန်ကုန်–မန္တလေး လမ်းဟောင်းဘက်သို့ သွားလာရာတွင် အသုံးပြုကြကြောင်း သိရသည်။