ထိုင်းနှင့် ကမ္ဘောဒီးယားတို့သည် မြေမြှုပ်မိုင်း ရှင်းလင်းရေး၊ အွန်လိုင်းငွေလိ-မ်လုပ်ငန်းများကို ပူးတွဲတို-က်ဖျ-က်ရေးတို့ကို ပူးပေါင်းဆောင်ရွက်သွားကြရန်နှင့် မကြာမီက ကျင်းပခဲ့သော ဒေသတွင်း နယ်စပ်ရေးရာကော်မတီ အစည်းအဝေးတွင် နယ်စပ်ပြဿနာများကို ဖြေရှင်းရန် ညှိနှိုင်းရေးအဖွဲ့ငယ်များ ဖွဲ့ရန် သဘောတူခဲ့ကြသည်။
မလေးရှားနိုင်ငံ ကွာလာလမ်ပူရ်မြို့၌ ပြုလုပ်သည့် အထွေထွေနယ်ခြားကော်မတီ အစည်းအဝေးတွင် ချမှတ်ခဲ့သော အပ-စ်အခ-တ်ရပ်စဲရေးသဘောတူညီချက်ကို နှစ်ဖက်စလုံးက ထောက်ခံခဲ့ကြောင်းနှင့် အစည်းအဝေးတွင် ထိုင်းနိုင်ငံက ထပ်မံတင်သွင်းခဲ့သော အဆိုပြုချက်လေးခုအနက် သုံးခုအပေါ် သဘောတူခဲ့ကြသည်ဟု ထိုင်းအမှတ် ၁ စစ်တိုင်းဒေသတိုင်းမှူး ဒုတိယဗိုလ်ချုပ်ကြီး အမ်မရစ်က ပြောကြားခဲ့သည်။
အဆိုပြုချက်သုံးခုတွင် မြေမြှုပ်မိုင်းရှင်းလင်းရေး ပူးပေါင်းဆောင်ရွက်ရန်၊ နယ်စပ်ဖြတ်ကျော် ရာဇဝတ်မှုများ အထူးသဖြင့် အွန်လိုင်းငွေလိ-မ်ဂိုဏ်းများကို ပူးပေါင်းအရေးယူဆောင်ရွက်ရန်နှင့် နယ်စပ်တင်းမာမှုများပေါ်ပေါက်လာပါက ပိုမိုမြန်ဆန်စွာ တုန့်ပြန်ဖြေရှင်းနိုင်ရန် ညှိနှိုင်းရေးအဖွဲ့ငယ်များ သို့မဟုတ် ဒေသဆိုင်ရာ နယ်ခြားကော်မတီများ ထူထောင်သွားရန်တို့ ပါဝင်သ်ဟု ၎င်းက ပြောဆိုသည်။
သို့သော်လည်း၂၀၀၀ ပြည့်နှစ် နားလည်မှု စာချွန်လွှာချိုးဖောက်မှုများကို ကိုင်တွယ်ဖြေရှင်းရေးဟူသော ထိုင်း၏ အဆိုပြုချက်တစ်ရပ်သည် နယ်စပ် ကော်မီတီ၏ စီရင်ပိုင်ခွင့်အောက်တွင် မရှိသောကိစ္စရပ်ဟုဆိုကာ ကမ္ဘောဒီးယားက ပယ်ချခဲ့သည်ဟု ၎င်းက ဆက်လက် ပြောကြားခဲ့သည်။
ယင်းပြဿနာကို အခြားယန္တရားတစ်ရပ်ဖြင့် ဆွေးနွေးသင့်ကြောင်း ကမ္ဘောဒီးယားက အကြံပြုခဲ့ပြီး ထိုင်းဘက်မူ ယင်းပြဿနာ၏ အရေးကြီးမှုကို အလေးပေးကာ အငြင်းပွားမှုကို ဖြေရှင်းရေး ထိုင်းနိုင်ငံ၏ ပြတ်သားသောရည်ရွယ်ချက်ကို ပြသရန် တွန်းအားပေးခဲ့ကြောင်း ၎င်းက ဆိုခဲ့သည်။
ကမ္ဘောဒီးယားက ယင်းပြဿနာကို ထိုင်း-ကမ္ဘောဒီယား ပူးတွဲနယ်နိမိတ်ကော်မရှင် တွင် တင်ပြရန်လည်း အကြံပြုခဲ့ကြောင်း ၊သို့ရာတွင် ယင်းကိစ္စကို နယ်စပ် ယန္တရားအရသာ ကိုင်တွယ်ဖြေရှင်းရမည်ဖြစ်ကြောင်းကို သူက အခိုင်အမာပြောခဲ့ကြောင်းလည်း ဒုတိယဗိုလ်ချုပ်ကြီး အမ်မရစ်က ပြောကြားခဲ့သည်။ ref: ဘန်ကောက်ပို့စ်