ရန်ကုန်၊ ဇူလိုင်-၁၈
မြန်မာနိုင်ငံအတွင်း စက်သုံးဆီဖူလုံမှု တိုးမြှင့်နိုင်ရေးနှင့် ပြည်ပမှ စက်သုံးဆီ တင်သွင်းနေရမှုအပေါ် မှီခိုနေရခြင်းကို လျှော့ချနိုင်ရန်အတွက် ယခင်က ယာယီရပ်နားထားခဲ့သည့် သန်လျင်ရေနံချက်စက်ရုံ ပြန်လည်လည်ပတ်နိုင်ရေးလုပ်ငန်းစဉ်များကို အရှိန်အဟုန်ဖြင့် အကောင်အထည်ဖော် ဆောင်ရွက်လျက်ရှိကြောင်း လျှပ်စစ်နှင့်စွမ်းအင်ဝန်ဌာနထုတ်ပြန်ချက်များအရ သိရသည်။
အဆိုပါ စီမံကိန်း၏ အဓိကရည်ရွယ်ချက်မှာ ပြည်တွင်းစက်သုံးဆီ လိုအပ်ချက်ကို ဖြည့်ဆည်းပေးရန်နှင့် စက်သုံးဆီတင်သွင်းမှုအတွက် ကုန်ကျနေသည့် နိုင်ငံခြားငွေ (Foreign Currency) သုံးစွဲမှုကို ထိရောက်စွာ လျှော့ချပေးနိုင်ရန် ဖြစ်ပြီး၊ နိုင်ငံတော်၏ စွမ်းအင်လုံခြုံရေး (Energy Security) ကို ပိုမိုမြှင့်တင်ပေးနိုင်ရန် ရည်ရွယ်ခြင်း ဖြစ်သည်။
သန်လျင်ရေနံချက်စက်ရုံ ပြန်လည်ဆန်းသစ်လည်ပတ်ရေး စီမံကိန်းကို အဆင့် (၂) ဆင့် (Phase 2 ခု) ဖြင့် မဟာဗျူဟာမြောက် ခွဲခြားအကောင်အထည်ဖော်သွားမည် ဖြစ်ရာ –
ပထမအဆင့် (Phase-1)
စက်ရုံပြန်လည်စတင်ချိန်တွင် တစ်နှစ်လျှင် ရေနံစိမ်းတန်ချိန် (၅) သိန်း ထုတ်လုပ်နိုင်ရန် ရည်မှန်းဆောင်ရွက်နေသည်။
ဒုတိယအဆင့် (Phase-2)
လုပ်ငန်းများ အရှိန်ရလာပါက တစ်နှစ်လျှင် ရေနံစိမ်းတန်ချိန် (၂.၅) သန်းအထိ တိုးချဲ့ထုတ်လုပ်နိုင်ရန် စွမ်းရည်မြှင့်တင်သွားမည် ဖြစ်သည်။
စီမံကိန်းတစ်ခုလုံး ရာနှုန်းပြည့် ပြီးစီးသွားပါက သံလျင်ရေနံချက်စက်ရုံမှ တစ်နှစ်လျှင် စုစုပေါင်း ရေနံစိမ်းတန်ချိန် (၃) သန်းအထိ အပြည့်အဝ ထုတ်လုပ်ပေးနိုင်မည် ဖြစ်သည်။
ယင်းကဲ့သို့ ပြည်တွင်း၌ စီးပွားဖြစ် ပြန်လည်ထုတ်လုပ်နိုင်ခြင်းကြောင့် ပြည်တွင်းစက်သုံးဆီ လိုအပ်ချက်ကို အတိုင်းအတာတစ်ခုအထိ ကောင်းစွာ ဖြည့်ဆည်းပေးနိုင်မည့်အပြင်၊ ပြည်ပစက်သုံးဆီဈေးကွက် မတည်ငြိမ်မှုကြောင့် ကြုံတွေ့ရလေ့ရှိသည့် ရိုက်ခတ်မှုဒဏ်များကိုလည်း လျှော့ချပေးနိုင်မည်ဖြစ်ကြောင်း သတင်းရရှိသည်။