မွန်ပြည်နယ်၊ မုဒုံမြို့နယ်၊ တာပသွန်ကျေးရွာအုပ်စု၊ ခ လောက်ပေါ်ရွာကွင်း၏ ကွင်းအမှတ်-၈၁၆(ခ)ရှိ နိုင်ငံ တော်ပိုင်မြေနေရာတွင် တိရစ္ဆာန်အစာချက်စက်ရုံနှင့် ရွှေဇီဝမြေဩဇာထုတ်စက်ရုံများတည်ဆောက်မည်ဖြစ် ကြောင်း သိရသည်။
အဆိုပါ စက်ရုံများကို မွန်ပြည်နယ်အတွင်း ဒေသထုတ် ကုန်များပိုမိုမြှင့်တင်နိုင်ရေး၊ ရင်းနှီးမြှုပ်နှံမှုကဏ္ဍဖွံ့ဖြိုးတိုးတက်စေရေးနှင့် ဒေသခံများအတွက် အလုပ်အကိုင် အခွင့်အလမ်းများဖန်တီးပေးနိုင်ရေးတို့အတွက်တည် ဆောက်ရန်စီစဥ်ခြင်းဖြစ်ကြောင်း သိရသည်။
ထိုသို့ တည်ဆောက်မည့်မြေနေရာများအား မွန်ပြည် နယ်ဝန်ကြီးချုပ်ဦးအောင်ဝင်းသန်းနှင့် တာဝန်ရှိသူများက ယနေ့ ဇူလိုင် ၁၈ ရက်နံနက်ပိုင်းကကြည့်ရှုစစ်ဆေးပြီး စက်ရုံများရေရှည်လည်ပတ်နိုင်ရန်လိုအပ်မည့်လျှပ် စစ်မီးရရှိရေး၊ ကုန်ထုတ်လုပ်မှုနှင့် ကုန်စည်စီးဆင်းမှု လွယ်ကူစေရေး လမ်းပန်းဆက်သွယ်ရေးကောင်းမွန်အောင်ကြိုတင်ပြင်ဆင်ရန်မှာကြားခဲ့ကြောင်း သိရသည်။
ထို့ပြင် စက်ရုံဆောက်လုပ်မည့်မြေနေရာများတွင် ဥပ ဒေ၊ လုပ်ထုံးလုပ်နည်းများနှင့်အညီ စနစ်တကျဖြစ်ရန်နှင့် သတ်မှတ်စံချိန်စံညွှန်းများအတိုင်းအကောင်အ ထည်ဖော်ဆောင်ရွက်ရန်လည်းမှာကြားခဲ့ကြောင်း သိရသည်။
ထို့အတူ ပြည်နယ်ဝန်ကြီးချုပ်သည် မော်လမြိုင်မြို့၊ လှိုင်ရတနာတိုးချဲ့ကွက်သစ်၊ အိမ်ရာမြေ၌ မွန်ပြည်နယ်အတွင်း သစ်ပင်သစ်တောများဖြင့်စိမ်းလန်းစိုပြည်စေရေးနှင့် ရာသီဥတုပြောင်းလဲမှုကာကွယ်နိုင်ရေးအတွက်ပြုလုပ်သည့် ၂ဝ၂၆ ခုနှစ်၊ မိုးရာသီသစ်ပင်စိုက်ပျိုးပွဲသို့တက်ရောက်ပြီး တက်ရောက်လာကြသူများနှင့်အတူ စိန်ပန်းနီ၊ စိန်ပန်းဝါ၊ ရေတမာ၊ ခရေ၊ ငုရွှေဝါ၊ ကံ့ကော်၊ အနန်း၊ ရင်ခတ်၊ ပျဉ်းမ သစ်အမျိုးအစား(၁,၂၀၀)ပင်အားစိုက်ပျိုးခဲ့ကြကြောင်း သိရသည်။