အမျိုးသားစာပေဆု ၅ ကြိမ်တိုင်တိုင်ရရှိခဲ့ပြီး၊ ၂၀၁၈ တွင် တသက်တာ အမျိုးသားစာပေဆု ရရှိခဲ့သည့် စာရေးဆရာကြီး ဦးတင်မောင်မြင့်သည် ယနေ့ ဇွန်လ ၁၈ ရက် မွန်းလွဲ ၁၂ နာရီ ၃၅ မိနစ်တွင် ရန်ကုန်မြို့ ပင်လုံဆေးရုံ၌ ကွယ်လွန်သွားကြောင်းသိရသည်။
ဆရာကြီး ဦးတင်မောင်မြင့်ကို ဧရာဝတီတိုင်း၊ ဟင်္သတခရိုင်၊ စစ်ကျွန်းရွာတွင် အဖဦးမောင်ဒွေး၊ အမိဒေါ်ကျော့စိန်တို့က ၁၉၃၆ ခုနှစ်၊ စက်တင်ဘာလ ၁၉ ရက်နေ့တွင် မွေးဖွားခဲ့သည်။ ရန်ကုန်မြို့၊ ရေကျော် ဦးမောင်မောင် အလွတ်ပညာသင်ကျောင်းတွင် အလယ်တန်းအောင်ပြီး တောင်ကြီးမြို့၊ အစိုးရအထက်တန်းကျောင်း (ယခု အထက-၁) မှ ၁၉၅၈ ခုနှစ်တွင် တက္ကသိုလ်ဝင်တန်းအောင်သည်။ ၁၉၆၁ ခုနှစ်တွင် ဘီအိုစီကုမ္ပဏီ (ယခု MOGE)တွင် အလုပ်ဝင်ပြီး ၁၉၉၄ ခုနှစ်တွင် ငွေစာရင်းအရာရှိအဖြစ်နှင့် အငြိမ်းစားယူသည်။
ဆရကြီးသည် ၁၉၈၅ ခုနှစ်တွင် သည်းဦးပန်းမဂ္ဂဇင်း အယ်ဒီတာအဖွဲ့ဝင်၊ ၁၉၈၈ ခုနှစ် တွင် အထောက်တော်လှအောင်၏ သတင်းမဂ္ဂဇင်း တွင် ဒုတိယ အယ်ဒီတာချုပ် တာဝန်များ ထမ်းဆောင်ခဲ့သည်။ ၁၉၈၃ ခုနှစ်တွင် နာမည်ရင်းဖြင့် ငွေကျွန် (World Rapers by Jonathan Black) ကို မြတ်ငြိမ်းနှင့် တွဲပြီး ဘာသာပြန်ခဲ့သည်။ ယနေ့အထိ သံယောဇဉ် ကမ်းခြေ (၁၉၈၃) (Man on Fire by A.J.Quinnell)၊ အချစ်၏ အခြားသော မျက်နှာစာ (၁၉၈၄) (Rendezvous by Evelyn Anthony)၊ ငယ်စာရင်းဝင်မို့ (၁၉၈၄) (Not as a Stranger by Morton Thompson) သံမဏိ လိပ်ပြာ (၁၉၈၇) (Philadelphian by Richard Powell) 33 () (Snap Shot by A.J.Quinnell) မဟာရံတံတိုင်းကို ဖြတ်ကျော်ခြင်း (၁၉၈၅) (This side of Glory by Gwen Bristow) c (໑໑) (Where Love has Gone by Har-old Robin) : (2) (Remembrance by Danielle Steel) အချစ်များစွာနဲ့ပါဆရာ (၁၉၈၇) (To Sir With Love by E.R.Braithwaite)၊ နွေကန္တာ (၁၉၈၈) (Deep Summer by Gwen Bristow)၊ မြကတ္တီပါလမ်း (၂၀၀၇) (Handsome Road by Gwen Bristow) : (১) (Body of Love by Charles Keats)၊ မဒမ်ကျူရီ (၂၀၀၁) (Madame Curie by Eve Curie)၊ လေရဟတ် နီ (၂၀၀၄) (Moulin Rouge by Pierre La Mure)၊ တောင်ပံမဲ့ သင်းကွဲတေးဆိုငှက် (Jooc) (To Kill a Mocking Bird by Harper Lee) : (JooG) (Scar-let by Alexandra Ripley)၊ အင်နာ ကာရနီနာ (၂၀၁၀) (Anna Karinina by Leo Tolstoy)၊ မျှော် (၂၀၁၁) (Waiting by he Jun)၊ ပြစ်မှု နှင့် ပြစ်ဒဏ် (၂၀၁၂) (Crime and Punishment by Dostoevsky) ໐ (10) (Les Miserable by Victor Hugo) (ວງ) (Of Human Bondage by W.S. Maugham) အပါအဝင် ဘာသာပြန်စာအုပ်ပေါင်း ၁ဝဝ ကျော် ရေးသားခဲ့ပြီး ဖြစ်သည်။
အမျိုးသားစာပေဆုရ (ဘာသာပြန်) စာအုပ်များမှာ –
၁။ မဒမ်ကျူရီ (၂၀၀၁) (သုတ)
၂။ တောင်ပံမဲ့ သင်းကွဲတေးဆိုငှက် (၂၀၀၄) (ရသ)
၃။ အနက်ရောင်အိပ်မက်စိမ်းမြမေတ္တာ (၂၀၀၇) (ရသ)
၄။ မျှော် (၂၀၁၁) (ရသ)
၅။ ပြစ်မှုနှင့် ပြစ်ဒဏ် (၂၀၁၂) (ရသ)
၆။ ၂၀၁၈ တွင် တသက်တာ အမျိုးသားစာပေဆု ရရှိသည်။
ဆရာကြီး ကွယ်လွန်ခြင်းသည် မြန်မာ့စာပေလောကအတွက် ကြီးမားသော ဆုံးရှုံးမှုကြီးတစ်ရပ်ပင်ဖြစ်ပါသည်။