CDF ၊ CNA နှင့် PDF အဖွဲ့များယာယီထိန်းချုပ်ထားသည့် ချင်းပြည်နယ်၊ တွန်းဇံမြို့အား ပြန်လည်ထိန်းချုပ်သိမ်းပိုက်ရန် တပ်မတော်စစ်ကြောင်းများက ထိုးစစ်ဆင်တို-က်ခိုက်ခဲ့ရာ ထိတွေ့တိုက်ပွဲ(၆)ကြိမ်ဖြစ်ပွားပြီးနောက် ယနေ့ မေ ၂၀ ရက်တွင် အပြည့်အဝပြန်လည်ထိန်းချုပ်သိမ်းပိုက်နိုင်ခဲ့ကြောင်း သိရသည်။
တပ်မတော်စစ်ကြောင်းများက ထိုးစစ်ဆင်တို-က်ခိုက်ခဲ့ကြရာ ပွိုင့်-၁၅၀၄ တောင်ကုန်း၊ မောင်ကင်ကျေးရွာနှင့် တွာလ်မူးကျေးရွာ၊ ဂမ်ငိုင်ကျေးရွာ၊ လွမ့်ဇန်ကျေးရွာ၊ ဗျာလ်ကျင်းကျေးရွာ၊ တပ်ဇန်ကျေးရွာ၊ တုံးထောင်ကျေးရွာ၊ ပွိုင့်- ၁၉၈၅ တောင်ကုန်းတို့အားအဆင့်ဆင့်သိမ်းပိုက်ခဲ့ပြီးနောက် ယနေ့ မေ ၂၀ ရက်တွင် တွန်းဇံမြို့အားအလုံးစုံထိန်းချုပ်သိမ်းပိုက်နိုင်ခဲ့ကြောင်း သိရသည်။
တပ်မတော်စစ်ကြောင်းများက တွန်းဇံမြို့အား ထိုးစစ်ဆင်တို-က်ခိုက်စဥ် အကြမ်းဖက်အဖွဲ့များထွက်ပြေးချိန် ၌ လမ်း၊ တံတားများကို မိုင်းထောင်ဖေ-ာက်ခွဲဖျ-က်ဆီးခဲ့ကြကာ ထိတွေ့တိုက်ပွဲ(၆)ကြိမ်အတွင်း ရန်သူ့အ လောင်းများ၊ လက်နက်မျိုးစုံ(၅)လက်၊ ခဲယမ်းများနှင့် ဆက်စပ်ပစ္စည်းများကိုသိမ်းဆည်းရမိခဲ့ကြောင်း သိရသည်။
လက်ရှိအချိန်၌ တပ်မတော်စစ်ကြောင်းများက တွန်းဇံမြို့အတွင်း၌ မြေမြှုပ်မိုင်းများရှင်းလင်းခြင်းကို ဦးစား ပေးဆောင်ရွက်လျက်ရှိကာ နိုင်ငံတော်အစိုးရအုပ်ချုပ်မှုယန္တရားများအမြန်ဆုံးလည်ပတ်နိုင်ရေး၊ စာသင် ကျောင်းများပြန်လည်ဖွင့်လှစ်ပေးနိုင်ရေး၊ဆေးရုံ/ဆေးခန်းများပြန်လည်ဖွင့်လှစ်ပေးနိုင်ရေးတို့အတွက် ဒေသ ခံများနှင့်ပူးပေါင်း၍ အမြန်ဆုံးပြန်လည်ဆောင်ရွက်ပေးသွားမည်ဖြစ်ကြောင်း သိရသည်။
တပ်မတော်က ချင်းပြည်နယ်(မြောက်ပိုင်း)ရှိ ဟားခါး၊ ထန်တလန်၊ ဖလမ်း၊ တီးတိန်၊ တွန်းဇံနှင့် ကျီးခါးမြို့တို့အား အပြည့်အဝပြန်လည်ထိန်းချုပ်သိမ်းပိုက်ခဲ့ပြီးဖြစ် ၍ ချင်းပြည်နယ်(မြောက်ပိုင်း)တစ်ခုလုံးကိုအလုံးစုံထိန်းချုပ်နိုင်ခဲ့ပြီဖြစ်ကြောင်း သိရသည်။