ငွေကြေးလိုအပ်ချက်ကြောင့် အိမ်အကူသားအမိက အိမ်ရှင်အမျိုးသမီးကြီးကိုသတ်ဖြတ်၍ လက်ဝတ်ရတ နာများနှင့် ဖုန်းတို့ကိုလုယက်ယူဆောင်ခဲ့မှု စက်တင်ဘာ ၇ ရက်ည ၉ နာရီ ၄၅ မိနစ်ခန့်က ရန်ကုန်တိုင်း၊ ဗိုလ်တထောင်မြို့နယ်၌ဖြစ်ပွားခဲ့ကြောင်း သိရသည်။
ဗိုလ်တထောင်မြို့နယ်၊ အမှတ်(၈)ရပ် ကွက်နေ ဒေါ်သိန်းမြင့်(၇၄)နှစ်အား အိမ်အကူဖြစ်သူ တင်နွယ်(၅၈)နှစ်နှင့် ၎င်း၏သမီးဖြစ်သူ အေးမြတ်မွန်(ခ)သူသူ(၁၇)နှစ်တို့က နေအိမ်ရှေ့ဧည့်ခန်း၌မျက်နှာပေါ်ခေါင်းအုံးနှင့်စောင်အုပ်၍သတ်ဖြတ်ကာ ၎င်းဝတ်ဆင်ထားသည့် လက်ဝတ်ရတနာများနှင့် ဖုန်းတို့ကိုလုယက်ယူဆောင်ပြီး ထွက်ပြေးသွားခဲ့ကြောင်း သိရသည်။
ထို့ကြောင့် ပြစ်မှုကျူးလွန်သူ(၂)ဦးအား ဗိုလ်တထောင်မြို့မရဲစခန်းက (ပ)၅၈၈/၂၀၂၆၊ ရာဇသတ်ကြီးပုဒ်မ ၃၀၂/၃၉၄ ဖြင့်အမှုဖွင့်ကာဖမ်းဆီးရမိရေးအတွက်စုံ စမ်းစစ်ဆေးခဲ့ကြသဖြင့် ၎င်းတို့အား စက်တင်ဘာ ၈ ရက်မွန်းလွဲပိုင်းတွင် ဧရာဝတီတိုင်း၊ ကျုံမငေးမြို့၊ အ ဝေးပြေးကားဝင်းရှိ “အောင်ချမ်းသာ”ကားဂိတ်၌ သက် သေခံပစ္စည်းများနှင့်အတူဖမ်းဆီးရမိခဲ့ကြောင်း သိရသည်။
ဖြစ်စဥ်မှ ဖမ်းဆီးရမိခဲ့သည့် ပြစ်မှုကျူးလွန်သူ(၂)ဦးအား ဥပဒေအရထိရောက်စွာအရေးယူနိုင်ရေးအတွက် ရဲတပ်ဖွဲ့ဝင်များကဆက်လက်ဆောင်ရွက်လျက်ရှိကြောင်း သိရသည်။