မကြာမီကျင်းပတော့မည့် ရွေးကောက်ပွဲ၌ ဂျပန်နိုင်ငံရောက် မြန်မာနိုင်ငံသားများ ကြိုတင်ဆန္ဒမဲပေးနိုင်ရေးအတွက် မြန်မာသံရုံး၊ တိုကျိုမြို့၌ မဲရုံဖွင့်လှစ်ခဲ့ကြောင်း သိရသည်။
ဒီဇင်ဘာလ (၁) ရက်နှင့် (၂)ရက်နေ့တို့တွင် မဲရုံဖွင့်လှစ်ပေးခဲ့ခြင်းဖြစ်ကာ မဲရုံသို့ ဆန္ဒမဲပေးပိုင်ခွင့်ရှိသူ မြန်မာနိုင်ငံသားများ လာရောက်၍ တည်ဆဲဥပဒေများနှင့်အညီ စနစ်တကျ ကြိုတင်ဆန္ဒမဲပေးခဲ့ကြကြောင်း သိရသည်။
ထိုနည်းတူပင် တရုတ်နိုင်ငံရှိ မြို့သုံးမြို့တွင် မြန်မာနိုင်ငံသားများ ကြိုတင်ဆန္ဒမဲစတင်ပေးနေခဲ့ပြီဖြစ်ကာ ချုံချင့်မြို့၊ မြန်မာကောင်စစ်ဝန်ချုပ်ရုံးတွင် မဲရုံဖွင့်လှစ်ဆောင်ရွက်ခဲ့ကြောင်း သိရသည်။
ထိုကဲ့သို့ ကြိုတင်မဲဆန္ဒပေးခြင်းအား မြန်မာကောင်စစ်ဝန်ချုပ်ရုံး၊ ချုံချင့်မြို့တွင် ဒီဇင်ဘာ ၃ ရက်နှင့် ယနေ့ ၄ ရက်အထိ ကျင်းပပြုလုပ်သွားမည်ဖြစ်သည်ဟုလည်း သိရသည်။