အမှတ်တမဲ့မှ အမှတ်တရများစွာ သက်ဝင်ပန်းချီကားပမာ

အမှတ်တမဲ့မှ အမှတ်တရများစွာ သက်ဝင်ပန်းချီကားပမာ
November 21, 2016 Asian Fame
အမှတ်တမဲ့မှ အမှတ်တရများစွာ သက်ဝင်ပန်းချီကားပမာ

photosefie

ပြောင်းလဲလာတဲ့ခေတ်ကြီးထဲမှာ လူသားတို့ရဲ့ သမိုင်းစာမျက်နှာတွေကို မှတ်တမ်းတွေအဖြစ် အထောက်အကူများစွာ ပေးနေတာက ဓာတ်ပုံတွေပါ။ အခုခေတ်ကြီးလို ဖုန်းလေး တစ်လုံးရှိရုံနဲ့ မှတ်တမ်းဓာတ်ပုံတွေ အများကြီးရိုက်ကူးလို့ရတဲ့ ခေတ်ကြီး ထဲမှာတော့ ဟိုနေရာရောက် တဖျက်ဖျက်၊ ဒီနေရာရောက် တစ်ချပ် ချပ်နဲ့ သမိုင်းမှတ်တိုင်တွေ စိုက်ထူလို့ရနေပါပြီ။ ဖေ့စ်ဘုတ်တို့၊ ဗိုက်ဘာတို့၊ အင်စထရာဂရမ်တို့၊ တွစ်တာတို့လို မိမိတို့ ကိုယ်ပိုင်လူမှု ကွန်ရက် စာမျက်နှာအသီးသီးမှာလည်း အမှတ်တရပေါင်းများစွာနဲ့ ဓာတ်ပုံပေါင်း များစွာက နေရာယူထားကြတာ နှစ်တွေကြာခဲ့ပါပြီ။

လူတွေ ဘာဖြစ်လို့ ဓာတ်ပုံရိုက် ကြတာလဲ။ ဒီမေးခွန်းကို တိတိကျ ကျဖြေနိုင်ဖို့ အကြောင်းပြချက်တွေ အများကြီးရှိပါတယ်။ ဒါပေမဲ့ တိကျ တဲ့အဖြေတစ်ခုကို ပြောရမယ်ဆိုရင် တော့ အမှတ်တရ ဖြစ်ချင်လို့ပါလို့ပဲ ဖြေရမှာပါ။ တစ်ဆက်တည်း ပြောရ ဦးမယ်ဆိုရင် သင်ဟာ ဓာတ်ပုံရိုက် တာ ဝါသနာပါ ပါသလား။ ဒီဘက် ခေတ်ကြီးထဲမှာတော့ ဓာတ်ပုံရိုက် တာ ဝါသနာမပါတဲ့ လူသားဆိုတာ ရှိတော့ရှိတယ်။ ရှားတယ်လို့ပဲ ဆိုရ မှာပါ။ ဒီနေ့ ရိုက်တဲ့ဓာတ်ပုံဟာ မနက်ဖြန်မှာ ထူးခြားချင်မှ ထူးခြားပါ လိမ့်မယ်။ ဒါပေမဲ့ နောင် ၅ နှစ်၊ ဒါမှမဟုတ် ၁ဝ နှစ်ဆိုရင်တော့ အဲဒီ ဓာတ်ပုံဟာ ခံစားချက်တွေများစွာ ပေးစွမ်းနေပါလိမ့်မယ်။ မြန်မာနိုင်ငံ မှာ ဖေ့စ်ဘုတ် လူမှုကွန်ရက်ကို တွင် တွင်ကျယ်ကျယ် အသုံးပြုလာတဲ့ အခါမှာ အနုပညာရှင်တွေအတွက် ကတော့ ဓာတ်ပုံလှလှလေးတွေ ရိုက်ကာ ပရိသတ်နဲ့ အနီးစပ်ဆုံး ထိတွေ့နိုင်ကြတာ တွေ့ရသလို သူတို့ ဘဝအတွက် အမှတ်တရဖြစ်စရာ ဓာတ်ပုံတွေကလည်း များစွာရှိနေ တတ်ကြပါတယ်။ အဆိုတော် ပိုပိုရဲ့လတ်တလော အမှတ်တရအဖြစ်ဆုံး ဓာတ်ပုံကတော့..

” လတ်တလောမှာ ပိုအမှတ်တရ ဖြစ်နေတာကတော့ ပြီးခဲ့တဲ့ တစ်ပတ်လောက်က မုံရွာမှာသီချင်းသွားဆိုတုန်းက ပိုပို့ကို မိစန္ဒီရယ်၊ နီနီရယ်က ဝိုင်းနမ်းနေတဲ့ ဓာတ် ပုံလေးက အမှတ်တရဖြစ်နေ တယ်။ ဒီသူငယ်ချင်း ၃ ယောက် က ကိုယ့်ပွဲတွေနဲ့ကိုယ်မို့ ဆုံဖို့ ခက်တယ်လေ။ ပြီးတော့တစ်ယောက် နဲ့တစ်ယောက်ကလည်း ချစ်ကြတယ်။ အမှတ်တရဖြစ်ပါတယ်” လို့ သူမက ပြောပါတယ်။ ဟစ်ဟော့ပ်အဆိုတော် X.Box ဆီမှာလည်းအမှတ်တရ ဓာတ်ပုံလေးတွေ ရှိနေပြန်ပါတယ်။ အဲဒီဓာတ်ပုံလေးတွေကတော့ ပြီး ခဲ့တဲ့ နိုဝင်ဘာလ ၁၅ ရက်နေ့က ကြည့်မြင်တိုင် မျက်မမြင်ကျောင်းမှာ အလှူငွေ သွားရောက်လှူဒါန်းခဲ့စဉ်က ပုံရိပ်လေးတွေပါတဲ့။

” ကျွန်တော့် ပရိသတ်တွေဆီကရတဲ့ အလှူငွေပေါ့နော်။ သူတို့ ကိုယ်တိုင်ကိုလည်း အလှူဒါန မြောက်စေချင်တဲ့အတွက်ပါ။ ကျွန် တော့်ရဲ့”အိပ်ရေးမပျက်စေနဲ့” Music Video လေး အွန်လိုင်းတင်ပြီးတဲ့အချိန်မှာ ကျွန်တော့် ပရိသတ်တွေနဲ့ Fan Meeting လေးလုပ်တယ်။ တွေ့ဆုံပွဲလုပ်တဲ့အချိန်မှာ သူတို့ဆီ ကရတဲ့ အလှူငွေလေးကိုပဲ မတည်ငွေထားပြီး ကျွန်တော်က နည်းနည်းငွေထပ်စိုက်လို့ အလှူငွေ လေးသိန်း ရှစ်သောင်းခန့်ကို ကြည့်မြင်တိုင် မျက်မမြင်ကျောင်းမှာလှူဒါန်းခဲ့တာပါ။ အဲဒီပုံရိပ်လေးတွေက ကျွန်တော့် ဘဝရဲ့ အမှတ်တရ အဖြစ်ဆုံးပုံရိပ် တွေထဲမှာ ပါခဲ့သလို ကြည်နူးဖို့ လည်း ကောင်းပါတယ်” လို့ X.Box ကပြောပါတယ်။ အဆိုတော် ဖြိုးပြည့်စုံရဲ့ လူမှုကွန်ရက် စာမျက်နှာမှာလည်း အနုပညာရှင်ကြီး တစ်ယောက်ဖြစ်တဲ့ ချိုပြုံးနဲ့အတူ အမှတ်တရ ဓာတ်ပုံတစ်ပုံတင်ထားတာ တွေ့ရပါတယ်။ သူ့ကိုမေးမြန်း ကြည့် တော့..

” ကျွန်တော့်မွေးမိခင်ကတော့ ၂ဝ၁ဝ ခုနှစ်ကတည်းက ဆုံးသွားပြီလေ။ အခုဆို ၂ဝ၁၆ ဆိုတော့ ၆ နှစ်တောင်ရှိခဲ့ပြီပေါ့။ ကျွန်တော်တို့ မိသားစုဝင်က ၄ ယောက်ပဲရှိတော့ အမေ့ကို ကျွန်တော်ကအချစ်ဆုံးကိုး။ အမေမရှိတော့ဘူးဆိုတော့ တအားခံစားလိုက်ရတယ်။ အဲဒီ ကြားကာလ ဂီတလောကထဲကို ရောက်လာတဲ့အခါမှာ ပရမ်းပတာ ဖြစ်နေတဲ့ ကျွန်တော့်ကို ဘာမှ မသိခင်ကတည်းက အမေချိုတို့က စောင့်ရှောက်တယ်။ ပဲ့ပြင်ဆုံးမတယ်။ သွန်သင်တယ်။ စိတ်ဖိစီးမှုတွေကိုလည်း မျှဝေခံစားပေးပြီးတော့ ရှေ့ဆက်မယ့်လမ်းတွေမှာ မိခင်တစ်ယောက်အနေနဲ့ ခွန်အားပေးတယ်။ အခု ၂ဝ၁၇ ခုနှစ် နိုဝင်ဘာလ ၁၇ ရက်နေ့၊ အမေချိုရဲ့ အသက် ၇ဝ ပြည့်မွေးနေ့မှာ အမေနဲ့သားဆိုတဲ့ သံယောဇဉ်နဲ့ရပ်တည်လာတာ ၅ နှစ်ကျော်လောက်တောင် ရှိပြီဆို တော့ ဒီပုံလေးကို အမှတ်တရအနေ နဲ့ အမေ့ကို ဆုတောင်းပေးတာပေါ့။ မွေးမိခင်ဆုံးသွားပြီးတဲ့နောက်မှာ သင်ဆရာ၊ မြင်ဆရာအနေနဲ့ စောင့်ရှောက်ပေးတဲ့ အမေ့ကို ကျွန်တော်တို့ ဗုဒ္ဓဘာသာဝင်တွေ အနေနဲ့ဆိုရင် သံသရာမှာတော်စပ်ခဲ့ဖူးတဲ့ အမေတစ်ယောက်အနေနဲ့ အမေချိုကို သူ့မွေးနေ့လေးမှာ ဆုတောင်းပေးတာပေါ့” လို့ ဖြိုးပြည့်စုံက ပြောရှာပါတယ်။

သင်ကော ဓာတ်ပုံတွေများစွာ ရိုက်ဖူးပါသလား။ ဘယ်လို ဓာတ်ပုံမျိုးတွေက သင့်ဘဝအတွက် ဘယ်လိုအချိန်မျိုးတွေမှာ အမှတ်တရဖြစ်စရာ ခံစားမှုတွေကို ပေးစွမ်းနေပါသလဲဆိုတဲ့ မေးခွန်းတွေနဲ့အတူ ဓာတ်ပုံဆိုတာ လူသားတွေအတွက် သမိုင်းပုံရိပ်တွေကို ဖော်ညွှန်းပေး နေတဲ့ သက်ဝင်ပန်းချီကားတစ်ချပ်အဖြစ် တင်စားလိုက်ရပါတော့တယ်။

မျိုးမောင်

Comments (0)

Leave a reply

Your email address will not be published. Required fields are marked *

*